ᐃᓐᖏᕈᑎᑦ 6 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᐊᒃᓱᕈᕐᓇᕐᑐᒦᓪᓗᓂ

ᐃᓐᖏᕐᑏᑦ ᑲᒪᔨᖓᓐᓄᑦ   ᑍᕕᑎᐅᑉ ᐃᓐᖏᕈᑖ

¹ ᐊᑕᓃᖅ ᓂᓐᖓᒡᓗᑎᑦ ᓱᐊᒃᑍᓕᓐᖓ, ᓈᒻᒪᒃᓴᖏᓐᓂᕐᔪᐊᒧᓪᓗ ᓱᒋᐊᕐᑍᓕᓐᖓ.

² ᓂᑲᒋᓚᐅᓐᖓ ᐊᑕᓃᖅ ᓴᓐᖐᑦᑑᒐᒪ; ᐊᑕᓃᖅ ᐋᖅᑭᓚᐅᓐᖓ ᓴᐅᓂᒃᑲ ᐃᓱᐊᖏᒻᒪᑕ.

³ ᑕᕐᓂᕋᓗ ᐊᖏᔪᒥᒃ ᐃᓱᐊᖏᒻᒪᑦ, ᐃᕝᕕᓪᓕ ᐊᑕᓃᖅ, ᖃᓄᖅ ᐊᑯᓂᐅᑎᒋᓂᐊᕐᐹ?

⁴ ᐊᑕᓃᖅ ᐅᑎᓚᐅᕆᑦ, ᓴᐳᑎᓚᐅᓐᖓ! ᐱᐅᓕᓚᐅᓐᖓ ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ.

⁵ ᑐᖁᔪᓂᑦ ᐃᖅᑲᐅᒪᔭᐅᖏᓐᓇᕕᑦ; ᑐᖁᖓᔪᓪᓗ ᐃᓂᖏᓐᓂ ᑭᐊ ᖁᔭᒋᓂᐊᕐᐹᑏᑦ?

⁶ ᑕᖃᒐᒪ ᓂᐹᓂᕐᒥᒃ; ᐅᓐᓄᐊᖅ ᓈᓪᓗᒍ ᓯᓂᒡᕕᒐ ᖃᐅᓯᕐᑎᑉᐸᕋ ᕿᐊᓂᓐᓄᑦ, ᓇᓪᓚᖓᕕᒐᓗ ᒪᓴᒃᑎᑉᐸᕋ ᖁᕝᕕᓐᓄᑦ.

⁷ ᐃᔩᒃᑲᒃ ᓴᓐᖐᑦᑑᓕᕐᐴᒃ ᕿᒃᓵᖕᓂᓐᓄᑦ; ᑕᒃᐲᑦᑑᓕᕐᐳᖓ ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ.

⁸ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑎᐅᔪᓯ ᕿᒪᓚᐅᕐᓯᓐᖓ; ᐊᑕᓂᐅᑉ ᖁᕝᕕᐅᕐᓂᕐᒪ ᓂᐱᖓ ᑐᓵᖕᒪᒍ.

⁹ ᐊᑕᓂᐅᑉ ᑐᒃᓯᐊᕐᓂᕋ ᑐᓴᕐᒪᒍ, ᓂᑲᒋᔭᐅᔪᒪᓂᕐᒧᑦ ᓂᓪᓕᐊᓂᕋ ᑐᓵᖕᒪᒍ, ᐊᑕᓂᐅᑉ ᑐᒃᓯᐊᕐᓂᕋ ᐱᕚ.

¹⁰ ᐊᑭᕋᕐᑐᕐᑎᒃᑲ ᑲᓐᖑᓱᒡᓕᑦ, ᑲᑉᐱᐊᓇᕐᑐᒦᓪᓗᑎᒡᓗ; ᐅᑎᒧᑦ ᓵᓕᕐᓕᑦ, ᑕᕝᕔᓐᓇᕐᓗ ᑲᓐᖑᓱᓕᕐᓗᑎᒃ.