ᐃᓐᖏᕈᑎᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᑉ ᐃᓄᖁᑎᓂ ᐅᖁᒤᒃᓴᕐᑐᑦ ᐃᑲᔪᕐᐰᑦ

ᑍᕕᑎᐅᑉ ᐃᓐᖏᕈᑖ, ᐃᕐᓂᕐᒥᓂᒃ ᐋᑉᓴᓚᒻᒥᒃ ᕿᒫᒐᒥ

¹ ᐊᑕᓃᖅ, ᐸᒡᕕᓴᒃᑎᒃᑲ ᐅᓄᕐᑐᐊᓘᓕᕐᐳᑦ ᐊᕙᑎᓐᓂ! ᐅᓄᕐᑐᑦ ᒪᑭᓐᓇᓱᐊᕐᐳᑦ ᐅᕙᓐᓂᒃ ᐊᑭᕋᕐᑐᕈᒪᓪᓗᑎᒃ.

² ᐅᓄᕐᑐᑦ ᐅᕙᓐᓂᒃ ᐅᖃᐅᓯᖃᕐᐳᑦ ᐅᖃᕐᓗᑎᒃ, “ᐅᓇ ᒎᑎᐅᑉ ᐃᑲᔪᕐᓂᐊᖏᑕᖓ.” ᓰᓚ

³ ᐃᕝᕕᓪᓕ ᐊᑕᓃᖅ ᐊᕙᑎᓐᓄᑦ ᓴᐴᓗᑕᕆᕙᒋᑦ, ᓂᕐᑐᕐᓇᕐᑐᖁᑎᒋᕙᒋᑦ, ᓂᐊᖁᕋ ᒪᑭᑎᒐᕕᐅᒃ.

⁴ ᓂᐱᓐᓄᑦ ᐊᑕᓂᖅ ᓂᓪᓕᐊᕕᒋᕙᕋ, ᖃᖅᑲᒥᓪᓗ ᐃᑦᔪᕐᓁᑦᑐᒥᑦ ᑐᓴᕐᐹᖓ. ᓰᓚ

⁵ ᐃᓐᓇᖓᓪᓗᖓ ᓯᓂᒃᐸᒃᐳᖓ, ᑐᐸᒃᐸᒡᓗᖓᓗ, ᐊᑕᓂᐅᑉ ᑲᒪᒋᑦᓯᐊᕐᒪᖓ.

⁶ ᐃᓄᐃᑦ 10,000ᐃᑦ ᑲᑉᐱᐊᒋᓂᐊᓐᖏᓚᒃᑲ, ᐅᕙᓐᓂᒃ ᐊᕙᓗᓯᓯᒪᔪᑦ ᐊᑭᕋᕐᑐᕈᒪᓪᓗᑎᒃ.

⁷ ᒪᑭᓕᕆᑦ ᐊᑕᓃᖅ; ᒎᑎᒐ ᓴᐳᑎᓗᖓ! ᐊᑭᕋᕐᑐᕐᑎᒃᑲ ᐊᒡᓕᕈᖏᑎᒍᑦ ᐊᓇᐅᓯᒪᒐᕕᒋᑦ, ᒎᑎᖃᖏᑦᑐᑦ ᑭᒍᑎᖏᑦ ᓯᖁᒥᓯᒪᕙᑎᑦ.

⁸ ᐱᐅᓕᕐᓯᓂᖅ ᐊᑕᓂᐅᑉ ᐱᒋᕚ, ᓮᒻᒪᕐᑎᑦᓯᓃᓪᓗ ᐃᓄᖁᑎᖕᓃᑉᐳᖅ. ᓰᓚ