ᐃᓐᖏᕈᑎᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦᑕᑎᖃᕐᓂᖅ ᐊᑕᓂᐅᑉ ᐱᐅᓕᕐᓯᓂᖓᓂᒃ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᐳᐃᒍᕐᓯᒪᓂᐊᕐᐱᖔ? ᖃᓄᕐᓗ ᐊᑯᓂᐅᑎᒋᔪᒥᒃ ᑮᓁᑦ ᐃᔨᕐᓯᒪᓂᐊᕐᐱᐅᒃ ᐅᕙᓐᓂᑦ? 2 ᖃᓄᖅ ᐊᑯᓂᐅᑎᒋᔪᒥᒃ ᑕᕐᓂᒃᑯᑦ ᐃᓱᒪᒃᓴᕐᓯᐅᕆᐊᖃᕐᐳᖔ? ᖃᐅᑕᒫᑦ ᐆᒻᒪᑎᓐᓂ ᕿᒃᓵᒡᓗᖓ? ᖃᓄᖅ ᐊᑯᓂᐅᑎᒋᔪᒥᒃ ᐊᑭᕋᕐᑐᕐᑎᒃᑲ ᓵᓚᖃᕐᓯᒪᓂᐊᕐᐹᑦ ᐅᕙᓐᓂᒃ? 3 ᐃᓱᒪᒋᓚᐅᓐᖓ, ᑐᓵᓗᖓᓗ, ᐊᑕᓃᖅ, ᒎᑎᒐ; ᐃᔩᒃᑲᒃ ᖃᐅᒻᒪᒃᓴᓚᐅᒃᑭᒃ, ᓯᓂᓕᖁᓇᖓ ᑐᖂᑉ ᓯᓂᒃᑎᑦᓯᓂᖓᓄᑦ; 4 ᐊᑭᕋᑐᕐᑎᒐ ᐅᖃᓕᖁᓇᒍ, “ᐅᓇ ᓵᓚᒋᓚᐅᕐᑕᕋ.” ᐅᕙᓐᓂᒡᓗ ᐅᖁᒤᒃᓴᕐᑎᑦᓯᔪᑦ ᖁᕕᐊᓲᑎᖃᖁᓇᒋᑦ ᐅᕐᕈᒍᒪ. 5 ᓇᒡᓕᒍᓱᖕᓃᓪᓕ ᓱᖁᓯᔪᐃᑦᑐᖅ ᑕᑎᒋᓚᐅᕐᐸᕋ: ᐆᒻᒪᑎᒐ ᖁᕕᐊᓲᑎᖃᕈᒫᕐᐳᖅ ᐱᐅᓕᕐᓯᓂᕐᓂᒃ. 6 ᐊᑕᓂᖅ ᐃᓐᖏᕐᕕᒋᔪᒪᕙᕋ, ᐅᕙᓐᓄᑦ ᐱᑦᓯᐊᕐᓯᒪᖕᒪᑦ ᐊᖏᔪᒥᒃ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society