ᐃᓐᖏᕈᑎᑦ 126 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᓴᐳᑎᔭᐅᔪᒪᓂᕐᒧᑦ ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒧᑦ 1 ᐊᑕᓂᐅᑉ ᐅᑎᕐᑎᒻᒪᑎᒍᑦ ᓮᐅᓂᒧᑦ, ᓯᓐᓇᒃᑑᒪᔪᑎᑐᑦ ᑍᒤᓚᐅᕐᐳᒍᑦ. 2 ᐃᔪᓚᐅᕐᐳᒍᑦ ᖁᕕᐊᓱᖕᓂᕐᒧᓪᓗ ᕾᒐᓛᓚᐅᕐᐳᒍᑦ ᓂᕐᑐᐃᓂᕐᒥᒃ; ᐃᓅᖃᑎᒌᒡᔪᐊᑦ ᑕᕝᕙ ᐅᖃᕐᑐᖃᓚᐅᕐᐳᑦ, “ᐊᑕᓂᐅᑉ ᐊᖏᔪᕐᔪᐊᒥᒃ ᐱᓇᓱᐊᕐᕕᒋᓯᒪᕔᑦ.” 3 ᐄᓛᒃ, ᐊᑕᓂᐅᑉ ᐊᖏᔪᐊᓗᖕᒥᒃ ᐱᓇᓱᐊᕐᕕᒋᓚᐅᕐᐹᑎᒍᑦ; ᑍᒤᒻᒪᑦ ᖁᕕᐊᓱᒃᑐᐊᓘᓚᐅᕐᐳᒍᑦ! 4 ᐊᑕᓃᖅ, ᐅᑎᕐᑎᑦᓯᕕᒋᓚᐅᕐᑎᒍᑦ ᐊᕐᓵᕐᑕᐅᑦᔪᑎᒋᓚᐅᕐᑕᑦᑎᓐᓂᒃ, ᑰᒃᑎᑐᑦ ᐸᓂᕐᓂᑰᓕᓚᐅᕐᓗᓂ ᐃᒪᕐᒧᑦ ᐅᑎᕐᕕᐅᓕᕐᑐᑎᑐᑦ ᓂᒋᑉᒥᑦ. 5 ᖁᕝᕕᐅᕐᓗᑎᒃ ᑲᓐᖓᕐᓱᐃᓚᐅᕐᑐᑦ ᑲᑎᕐᓱᐃᔪᒫᕐᐳᑦ ᖁᕕᐊᓱᖕᓂᕐᒧᑦ ᕾᒐᓛᕐᓗᑎᒃ. 6 ᖁᕝᕕᐅᕐᓗᑎᒃ ᑲᓐᖓᕐᓱᐃᔭᕐᑐᕐᑐᑦ, ᐱᕈᕐᑎᑦᓯᓂᐊᕐᐳᑦ ᐱᕈᕐᓯᐊᒃᓴᓂᒃ ᐱᐅᔪᐊᓗᖕᓂᒃ, ᐅᑎᓕᕐᓂᐊᕐᐳᑦ ᐃᓐᖏᕐᓗᑎᒃ ᖁᕕᐊᓱᖕᓂᕐᒧᑦ, ᑲᑎᕐᓱᕐᑕᒥᑕ ᕿᐱᑕᖏᓐᓂᒃ ᐊᒡᔭᕐᓯᓗᑎᒃ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society