ᐃᓐᖏᕈᑎᑦ 116 - ᐊᒡᓔᑦ ᐃᑦᔪᕐᖕᓁᑦᑐᑦ

ᖁᔭᓕᓂᖅ ᑐᖁᒥᑦ ᓴᐳᑦᔭᐅᓂᕐᒥᑦ

¹ ᐊᑕᓂᖅ ᐅᖓᒋᕙᕋ, ᓂᐱᓐᓂᒃ ᕿᓄᓂᓐᓂᒡᓗ ᑐᓴᓚᐅᕐᒪᑦ.

² ᑖᑦᓱᒪ ᓯᐅᑎᓂ ᒪᓂᑎᒻᒪᒍ ᐅᕙᓐᓄᑦ, ᑍᒤᒻᒪᑦ ᑐᒃᓯᐊᕐᕕᒋᖃᑦᑕᕐᓂᐊᕐᐸᕋ ᐃᓅᓂᓕᒫᓐᓂ.

³ ᑐᖂᑉ ᕿᓚᕈᑎᖏᑕ ᐊᕙᑎᓐᓂᑦ ᕿᓚᒃᓱᓚᐅᕐᐹᖓ, ᑲᑉᐱᐊᓇᕐᑐᕕᐅᑉ ᐋᓐᓂᐊᓇᕐᓂᖓᑕ ᑎᒍᒥᐊᓚᐅᕐᐹᖓ; ᐃᓱᒪᔮᕐᓇᕐᑐᒧᑦ ᕿᒃᓵᖕᓇᕐᑐᒧᓪᓗ ᑎᑭᐅᑎᓚᐅᕐᐳᖓ.

⁴ ᑕᕝᕙ ᐊᑕᓂᐅᑉ ᐊᑎᖓ ᓂᓪᓕᐊᕕᒋᓕᕐᐸᕋ: “ᐊᑕᓃᖅ, ᕿᓄᕕᒋᕙᒋᑦ, ᐃᓅᓯᕋ ᐱᐅᓕᓚᐅᕈᒃ!”

⁵ ᐊᑕᓂᖅ ᐱᑦᓯᐊᕐᑑᕗᖅ, ᐃᓱᐊᕐᑑᓪᓗᓂᓗ; ᐄᓛᒃ, ᒎᑎᕗᑦ ᓂᑲᒍᓱᒃᑑᕗᖅ.

⁶ ᐊᑕᓂᐅᑉ ᐃᑲᔪᕐᑎᒃᓴᖃᕈᓐᓃᕐᑐᑦ ᓴᐳᑎᕔᑦ; ᓱᕖᕈᑦᔭᐅᓯᒪᓕᕐᑎᓪᓗᖓ ᐊᑕᓂᐅᑉ ᐱᐅᓕᓚᐅᕐᐹᖓ.

⁷ ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.

⁸ ᐊᑕᓃᖅ ᑕᕐᓂᕋ ᐱᐅᓕᓚᐅᕐᐸᑦ ᑐᖁᒥᑦ; ᖁᕝᕕᐅᕐᓂᒃᑲᓗ ᓄᖅᑲᕐᑎᓚᐅᕐᐸᑎᑦ, ᓵᓚᒋᔭᐅᑎᓚᐅᓐᖏᓚᕐᒪᓗ.

⁹ ᐱᓱᖁᓪᓗᖓ ᐊᑕᓂᐅᑉ ᓵᖓᓂ ᐃᓅᔪᑦ ᓄᓇᖓᓐᓂ.

¹⁰ ᐅᒃᐱᕋᒪ, ᑕᕝᕙ ᐅᖃᓚᐅᕐᐳᖓ, “ᐊᖏᔪᒥᒃ ᐋᓐᓂᐊᑎᑕᐅᕗᖓ.”

¹¹ ᐅᐸᓗᐃᓪᓗᖓ ᐅᖃᓚᐅᕐᐳᖓ, “ᐃᓄᓕᒫᑦ ᓴᒡᓗᑐᔪᐊᓗᐃᑦ.”

¹² ᖃᓄᕐᓕ ᐊᑕᓂᖅ ᐅᑎᕐᑎᑦᓯᕕᒋᔪᓐᓇᕐᐸᕌ? ᑕᒤᓐᓂᒃ ᐱᕙᓪᓕᐅᑎᒃᓴᓐᓄᑦ ᐱᓇᓱᐊᕐᓯᒪᓂᖓᓄᑦ?

¹³ ᐃᒥᐅᑦ ᐱᐅᓕᔭᐅᓂᐅᑉ ᓇᓗᓁᒃᑯᑕᖓ ᐃᓴᐅᑎᓂᐊᕐᐸᕋ ᑖᑦᓱᒧᖓ, ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᒋᓂᐊᕐᐸᕋ.

¹⁴ ᐊᑕᓂᖅ ᐊᖏᕈᑎᒋᓯᒪᔭᓐᓂᒃ ᑐᓂᓯᕕᒋᓂᐊᕐᐸᕋ ᐃᓄᖁᑎᖏᑦ ᑕᒪᕐᒥᒃ ᓇᔫᑎᑎᓪᓗᒋᑦ.

¹⁵ ᐊᑕᓂᐅᑉ ᑕᑯᓐᓇᕐᑕᖓᒍᑦ ᐃᑦᔪᕐᓁᑦᑐᖁᑎᖏᑕ ᑐᖁᓂᖏᑦ ᐊᑭᑐᔪᕐᔪᐊᖑᕗᑦ.

¹⁶ ᐊᑕᓃᖅ ᐃᓛᒃ ᐱᔨᒋᕙᕐᒪ; ᐱᔨᒋᕙᕐᒪ, ᐃᕐᓂᕆᔭᐅᓪᓗᖓ ᐱᔨᖕᓄᑦ ᐊᕐᓇᒧᑦ. ᕿᓚᒃᑕᐅᓯᒪᓂᒃᑲ ᐲᔭᓚᐅᕐᐸᑎᑦ.

¹⁷ ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

¹⁸ ᐊᑕᓂᖅ ᐊᖏᕈᑎᒋᓯᒪᔭᓐᓂᒃ ᑐᓂᓯᕕᒋᓂᐊᕐᐸᕋ ᐃᓄᖁᑎᖏᑦ ᑕᒪᕐᒥᒃ ᓇᔫᑎᑎᓪᓗᒋᑦ.

¹⁹ ᐊᑕᓂᐅᑉ ᐃᒡᓗᖓᑕ ᐃᑦᔪᕐᓁᑦᑐᕕᖁᑎᖓᓂ, ᐃᓕᖕᓂ ᔨᕉᓴᓕᒻ. ᐊᑕᓂᖅ ᓂᕐᑐᕐᑕᐅᓕ!