ᓲᓗᒨᓂᐅᑉ ᐅᖃᓪᓚᖕᓂᖏᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦ

ᓯᓚᑐᓂᖅ ᓯᓔᑦᑑᓂᕐᓗ

¹ ᓯᓚᑐᓂᖅ ᐃᒡᓗᓕᐅᕐᐳᖅ ᐊᖏᕐᕋᒃᓴᒥᓂᒃ, ᐃᒡᓗᓕᐊᖓᑕᓗ ᓱᑲᒃᓴᖏᓐᓂᒃ 7ᓂᒃ ᐃᓕᓯᓪᓗᓂ.

² ᓂᕐᔪᑎᖁᑎᒥᓂᑦ ᓂᕆᔭᒃᓴᒥᒃ ᐊᑐᐃᓐᓇᕈᐃᕗᖅ, ᐸᐅᕐᖎᓪᓗ ᐃᑦᑎᖏᑦ ᐃᒥᕐᑕᐅᔪᒃᓮᑦ ᐃᓚᐅᕈᑎᓂᒃ ᐃᓚᓪᓗᒋᑦ, ᓵᓗ ᓂᕆᕕᐅᓂᐊᕐᑐᖅ ᐋᖅᑭᒃᓱᕐᐹ.

³ ᐱᔨᑦᓯᕋᕐᑎᓂ ᐊᕐᓁᑦ ᑎᓕᕔᑦ ᕾᖁᔨᖁᓪᓗᒋᑦ ᐃᒡᓗᒐᓮᑦ ᐳᕐᑐᓂᕐᐹᖏᓐᓃᑦᑐᓂᑦ, ᕾᖁᔨᕗᑦ:

⁴ “ᓇᓪᓕᐊᑦ ᓯᓔᑦᑐᖅ ᕾᓗᓂ ᐃᑎᓕᕐᓕ!” ᓯᓔᑦᑐᒧᓪᓗ ᐅᖃᕐᐳᖅ,

⁵ “ᕾᓗᑎᑦ, ᓂᕆᔭᒃᓴᖁᑎᓐᓂᒃ ᓂᕆᓕᕆᑦ ᐸᐅᕐᖎᓪᓗ ᐃᑦᑎᖓᓂᒃ ᐃᒥᕐᓗᑎᑦ ᐃᓚᐅᕈᓯᕐᓯᒪᔭᓐᓂᒃ.

⁶ ᓯᓔᓐᓂᖅ ᕿᒪᒡᓗᒍ, ᐃᓅᓕᕆᑦ ᑐᑭᓯᓯᒪᓂᐅᓪᓗ ᐊᖅᑯᓯᓂᖓᒍᑦ ᐃᖏᕐᕋᓕᕆᑦ.”

⁷ ᒥᑕᐅᑎᒃᓴᕐᑎᒥᒃ ᐃᓂᕐᑎᕆᔪᖅ ᓵᑕᐅᑦᔪᑎᒋᕚ, ᐱᐅᖏᓐᓂᕐᒦᑦᑐᒥᒃ ᐃᓂᕐᑎᕆᔪᖅ ᐃᒻᒥᓂᒃ ᐋᓐᓂᕐᑕᐅᑎᑉᐳᖅ.

⁸ ᒥᑕᐅᑎᒃᓴᕐᑎᒥᒃ ᐃᓂᕐᑎᕆᓂᐊᕐᓇᒃ, ᐆᒥᒋᔭᐅᓕᖁᓇᒃ, ᓯᓚᑐᔪᖅ ᐃᓂᕐᑎᕈᕕᐅᒃ ᑖᑦᓱᒪ ᓇᒡᓕᒋᓂᐊᕐᐹᑎᑦ.

⁹ ᓯᓚᑐᔪᒥᒃ ᐊᔪᕆᕐᑐᐃᒍᕕᑦ, ᑕᕝᕙ ᓯᓚᑦᑐᒃᑲᓐᓂᕐᓂᐊᕐᐳᖅ, ᐃᓱᐊᕐᑐᒥᒃ ᐃᓕᓮᒍᕕᑦ ᐃᓱᐊᕐᑐᒥᒃ ᐃᓕᑦᓯᒃᑲᓐᓂᕐᓂᐊᕐᐳᖅ.

¹⁰ ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᓂᐅᕗᖅ, ᖃᐅᔨᓂᕐᓗ ᐃᑦᔪᕐᓁᑦᑐᑐᐊᒥᒃ ᐱᒋᐊᕐᓂᐅᕗᖅ ᑐᑭᓯᓂᕐᒥᒃ.

¹¹ ᐅᕙᒃᑯᑦ ᐅᓪᓗᕆᓛᕐᑕᑎᑦ ᐅᓄᕐᓯᑎᑕᐅᓂᐊᕐᐳᑦ, ᐊᕐᕌᒍᐃᓪᓗ ᐃᓅᕕᒋᓂᐊᕐᑕᑎᑦ ᐃᓚᔭᐅᓂᐊᕐᓗᑎᒃ.

¹² ᓯᓚᑐᒍᕕᑦ, ᓯᓚᑐᓃᑦ ᐃᓕᖕᓄᑦ ᐃᑲᔪᕐᓂᐊᕐᐳᖅ, ᒥᑕᐅᑎᖃᕈᕕᓪᓕ ᓇᖕᒥᓂᖅ ᐅᖁᒤᒃᓴᕐᑎᓐᓂᐊᕐᐳᑎᑦ.

¹³ ᐊᕐᓇᖅ ᓯᓔᑦᑐᖅ ᓂᓪᓕᐊᓗᐊᕋᔪᒃᐳᖅ, ᐃᓱᒪᒃᓴᕐᓯᐅᕈᓐᓇᓐᖏᓚᖅ, ᑲᓐᖑᓱᖕᓂᕐᒥᒡᓗ ᖃᐅᔨᒪᓇᓂ.

¹⁴ ᐃᒃᓯᕙᕗᖅ ᐃᒡᓗᒥ ᐅᒃᑯᐊᖓᑕ ᓯᓚᑖᓂ, ᐃᒃᓯᕚᕐᐸᒃᐳᖅ ᐃᒡᓗᒐᓴᖕᓄᑦ ᓄᐃᑕᑦᓯᐊᕐᓂᕐᐹᒥ.

¹⁵ ᐊᖅᑯᓵᑐᐃᓐᓇᕐᑐᓂᒃ ᕾᖁᔨᖃᑦᑕᕐᓗᓂ, ᐊᓯᒥᖕᓂᒃ ᑲᒪᒐᓱᐊᖏᑦᑑᒐᓗᐊᓂᒃ,

¹⁶ “ᓇᓪᓕᐊᑦ ᓯᓔᑦᑐᖅ ᕾᓗᓂ ᐃᑎᓕᕐᓕ!” ᓯᓔᑦᑐᓄᓪᓗ ᐅᖃᕐᐳᖅ,

¹⁷ “ᐃᒪᖅ ᑎᒡᓕᒑᕕᓂᖅ ᒪᒪᕐᓂᕐᓴᐅᕗᖅ, ᓂᐊᖂᔭᕐᓗ ᐃᔨᕋᕐᑐᐊᖅ ᒪᒪᕐᐳᖅ.”

¹⁸ ᖃᐅᔨᒪᓐᖏᓚᓪᓕ ᑐᖁᔪᑦ ᑕᕝᕗᖓ ᐃᑎᖃᑦᑕᕐᒪᑕ, ᑐᔪᕐᒥᐊᖏᓪᓗ ᑐᖁᖓᔪᑦ ᐃᓂᖓᓃᓕᕐᐸᒃᓗᑎᒃ.