ᒨᓯᓯ ᓯᑕᒪᖏᑦ 26 - ᐊᒡᓔᑦ ᐃᑦᔪᕐᖕᓁᑦᑐᑦ

ᓈᓮᓂᐅᑉ ᐂᑉᐸᖓ

¹ ᐃᒤᓚᐅᕐᐳᖅ, ᓂᓐᖓᐅᒻᒪᓯᐅᑉ ᑐᖁᓮᔫᑉ ᑭᖑᓂᖓᓂ, ᐊᑕᓂᖅ ᒨᓯᓯᒧᑦ ᐃᓕᓯᕆᒧᓪᓗ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᓂᖓᓄᑦ, ᐅᖃᕐᐳᖅ:

² “ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᓈᓴᓕᕐᓯᒋᒃ ᐃᓴᕆᐊᓕᒥᐅᑦ ᐅᓇᑕᕆᐊᕈᓐᓇᕐᑐᑦ.”

³ ᑍᒫᒃ ᒨᓯᓯᐅᑉ ᑐᓂᕐᕈᓯᕐᑎᑦᓯᔨᐅᓪᓗ ᐃᓕᓯᕆᐅᑉ ᐅᖃᖃᑎᒋᓚᐅᕐᐹᒃ ᓇᑎᕐᓇᒥ ᒧᐊᐱᒥ ᔪᐊᕐᑕᓂᐅᑉ ᖃᓂᒋᔭᖓᓂ, ᔨᕆᑰᑉ ᐊᑭᐊᓂ, ᐅᖃᕐᓗᓂ:

⁴ “ᐃᓄᓕᒫᑦ ᓈᓴᕐᓯᒋᒃ ᐊᕐᕌᒍᓕᖕᓂᑦ 20ᓂᑦ ᐱᒋᐊᕐᓗᒍ ᐅᖓᑖᓄᑦ ᐊᕐᕌᒍᖃᕐᑐᓄᑦ, ᑍᒫᒃᑕᐅᖅ ᒨᓯᓯ ᐃᓴᕆᐊᓕᒥᐅᓪᓗ ᐊᑕᓂᐅᑉ ᐱᖁᓚᐅᕐᒪᒋᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ.”

⁵ ᕉᐱᓂ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᒋᓚᐅᕐᒪᒍ. ᕉᐱᓂᐅᑉ ᕿᑐᕐᖓᖏᑦ ᐅᑯᐊᖑᕗᑦ: ᕼᐊᓅᒃ, ᐃᓚᒌᑦ ᑍᔭᐅᕗᑦ ᕼᐊᓄᑬᑎᓂᒃ; ᐸᓪᓗ, ᐃᓚᖏᑦ ᑍᔭᐅᕗᑦ ᐸᓪᓗᐂᑎᓂᒃ;

⁶ ᕼᐃᔅᕋᓐ, ᐃᓚᖏᑦ ᑍᔭᐅᕗᑦ ᕼᐃᔭᕋᓁᑎᓂᒃ; ᑳᕐᒥ, ᐃᓚᖏᑦ ᑍᔭᐅᕗᑦ ᑳᕐᒤᑎᓂᒃ.

⁷ ᑖᒃᑯᐊ ᑕᕝᕙ ᑍᔭᐅᔪᑦ ᕉᐱᓁᑎᓂᒃ, ᑖᒃᑯᓇᓂ ᓈᓴᕐᑕᐅᔪᑦ ᐅᓄᕐᓂᖏᑦ 43,730ᐅᓚᐅᕐᐳᑦ.

⁸ ᐸᓪᓘᑉ ᐃᕐᓂᖓ ᐃᓔᐊᑉᒥᒃ ᐊᑎᖃᕐᐳᖅ.

⁹ ᐃᓔᐊᑉ ᐃᕐᓂᖏᑦ ᐅᑯᐊᖑᕗᑦ ᓂᒧᐃᓕ, ᑖᐊᑕᓐ, ᐊᐱᕋᒻ. ᑖᒃᑯᐊᖑᔪᑦ ᑖᑕᓐ ᐊᐱᐅᕋᒻᓗ, ᐃᓄᐃᑦ ᐱᔪᑎᓪᓗᒋᑦ, ᒨᓯᓯᒥᒃ ᐂᕉᓂᒥᒡᓗ ᐊᑭᕋᕐᑐᓚᐅᕐᑐᑦ ᑰᕋ ᐃᓚᒋᓪᓗᒍ, ᑍᑦᓱᒪᓂ ᐊᑕᓂᕐᒥᒃ ᐊᑭᕋᕐᑐᕐᒪᑕ;

¹⁰ ᓄᓇᕐᔪᐊᑉ ᖃᓂᓂ ᐂᑦᑕᓚᐅᕐᐹ ᐄᓪᓗᒋᓪᓗ ᑰᕋᒃᑯᑦ ᐃᓚᒋᓪᓗᒋᑦ ᑐᖁᓚᐅᕐᑐᑦ, ᐃᑯᒪᐅᓪᓗ ᓄᖑᓚᐅᕐᐰᑦ ᐊᖑᑎᑦ 250; ᑖᒃᑯᐊ ᓇᓗᓁᒃᑯᑕᐅᓕᕐᓗᑎᒃ.

¹¹ ᑭᓯᐊᓂᓕ ᑰᕋᐅᑉ ᕿᑐᕐᖓᖏᑦ ᑐᖁᓚᐅᓐᖏᓚᑦ.

¹² ᓯᒥᐅᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᓂᒧᐃᓕ, ᐃᓚᒌᑦ ᑍᔭᐅᕗᑦ ᓂᒧᐃᓔᑎᓂᒃ; ᔭᒥᓐ, ᐃᓚᒌᑦ ᑍᔭᐅᕗᑦ ᔮᒥᓁᑎᓂᒃ; ᔭᑭᓐ, ᐃᓚᒌᑦ ᑍᔭᐅᕗᑦ ᔭᑭᓁᑎᓂᒃ,

¹³ ᔨᕋ, ᐃᓚᒌᑦ ᑍᔭᐅᕗᑦ, ᔨᕋᕼᐂᑎᓂᒃ; ᓴᐅᓪᓗ, ᐃᓚᒌᑦ ᑍᔭᐅᕗᑦ ᓴᐅᓔᑎᓂᒃ.

¹⁴ ᑖᒃᑯᐊ ᑕᕝᕙ ᓯᒥᐅᓂᐅᑉ ᑭᖑᕚᖏᑦ: 22,200ᓂᒃ ᐅᓄᕐᓂᖃᓚᐅᕐᑐᑦ.

¹⁵ ᒑᑎᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᔨᕘᓂ, ᐃᓚᒌᑦ ᑍᔭᐅᕗᑦ ᔨᕘᓁᑎᓂᒃ; ᕼᐊᒋ, ᐃᓚᒌᑦ ᑍᔭᐅᕗᑦ ᕼᐊᒊᑎᓂᒃ; ᓲᓂ, ᐃᓚᒌᑦ ᑍᔭᐅᕗᑦ ᓲᓁᑎᓂᒃ;

¹⁶ ᐆᔅᓂ, ᐃᓚᒌᑦ ᑍᔭᐅᕗᑦ ᐆᔅᓁᑎᓂᒃ; ᐃᕆ, ᐃᓚᒌᑦ ᑍᔭᐅᕗᑦ ᐃᕆᑍᑎᓂᒃ;

¹⁷ ᐊᕋᑦ, ᐃᓚᒌᑦ ᑍᔭᐅᕗᑦ ᐊᕋᑍᑎᓂᒃ; ᐊᕆᓕ, ᐃᓚᒌᑦ ᑍᔭᐅᕗᑦ ᐊᕆᓔᑎᓂᒃ.

¹⁸ ᑖᒃᑯᐊ ᑕᕝᕙ ᒑᑦ ᑭᖑᕚᖏᑦ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᑐᑦ ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ: ᐅᓄᕐᓂᖏᑦ 40,500ᐅᓚᐅᕐᐳᑦ.

¹⁹ ᔫᑕᐅᑉ ᐃᕐᓂᖏᑦ ᐅᑯᐊᖑᓚᐅᕐᐳᑦ ᐃᕆ ᐅᓇᓐᓗ; ᑖᒃᑯᐊᒡᓕ ᐃᕐᕆᓗ ᐅᓇᓐᓗ ᑬᓇᓂᒥ ᑐᖁᓚᐅᕐᐴᒃ.

²⁰ ᓯᒥᐅᓂᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᑦ: ᓰᓚ, ᐃᓚᒌᑦ ᑍᔭᐅᕗᑦ ᓰᓚᓁᑎᓂᒃ; ᐱᕆᔾ, ᐃᓚᒌᑦ ᑍᔭᐅᕗᑦ ᐱᕆᔧᑎᓂᒃ; ᔨᕋ, ᐃᓚᒌᑦ ᑍᔭᐅᕗᑦ ᔨᕋᕼᐂᑎᓂᒃ,

²¹ ᐱᕆᔨᐅᑉ ᐃᕐᓂᖏᑦ ᐅᑯᐊᖑᓚᐅᕐᐳᑦ: ᕼᐃᔅᕋᓐ, ᐃᓚᒌᑦ ᑍᔭᐅᕗᑦ ᕼᐃᔭᕋᓁᑎᓂᒃ; ᕼᐊᒧᓕ, ᐃᓚᒌᑦ ᑍᔭᐅᕗᑦ ᕼᐊᒧᓔᑎᓂᒃ.

²² ᑖᒃᑯᐊ ᑕᕝᕙ ᔫᑕᐅᑉ ᑭᖑᕚᖏᑦ ᐃᓚᒌᑦ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 76,500ᓚᐅᕐᐳᑦ.

²³ ᐃᓴᑳᕆᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᖅ: ᑑᓚ, ᐃᓚᒌᑦ ᑍᔭᐅᕗᑦ ᑑᓚᐂᑎᓂᒃ; ᐳᕙ, ᐃᓚᒌᑦ ᑍᔭᐅᕗᑦ ᐳᓁᑎᓂᒃ;

²⁴ ᔮᓱᑉ, ᐃᓚᒌᑦ ᑍᔭᐅᕗᑦ ᔮᓱᐰᑎᓂᒃ; ᓯᒻᕌᓐ, ᐃᓚᒌᑦ ᑍᔭᐅᕗᑦ ᓯᒻᕌᓐᓁᑎᓂᒃ.

²⁵ ᑖᒃᑯᐊ ᑕᕝᕙ ᐃᓴᑳᕆᐅᑉ ᑭᖑᕚᖏᑦ ᐃᓚᒌᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 64,300ᓚᐅᕐᐳᑦ.

²⁶ ᓯᐳᓗᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᑦ: ᓯᕆᑦ, ᐃᓚᒌᑦ ᑍᔭᐅᕗᑦ ᓯᕆᑍᑎᑦ; ᐃᓛᓐ, ᐃᓚᒌᑦ ᑍᔭᐅᕗᑦ ᐃᓚᓁᑎᑦ; ᔮᓕᐅᓕ, ᐃᓚᒌᑦ ᑍᔭᐅᕗᑦ ᔮᐊᓕᐅᓔᑎᓂᒃ.

²⁷ ᑖᒃᑯᐊ ᐃᓚᒌᑦ ᑍᔭᐅᕗᑦ ᓯᐳᓗᓁᑎᓂᒃ ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 60,500ᓚᐅᕐᐳᑦ.

²⁸ ᔫᓯᐱᐅᑉ ᐃᕐᓂᖏᓐᓂ ᐃᓚᒌᑦ, ᒫᓇᓯᐅᑉ: ᐃᕗᕅᒥᐅᓪᓗ ᐃᓚᖏᑦ ᐅᑯᐊᖑᕗᑦ.

²⁹ ᒫᓇᓯᐅᑉ ᐃᕐᓂᖏᑦ: ᒪᑬᕆ, ᐃᓚᒌᑦ ᑍᔭᐅᕗᑦ ᒪᑬᕅᑎᓂᒃ; ᒪᑬᕆ ᐃᕐᓂᕐᑖᕐᐳᖅ ᒋᓕᐊᑎᒥᒃ; ᒋᓕᐊᑎᒃᑯᑦ, ᐃᓚᒌᑦ ᑍᔭᐅᕗᑦ ᒋᓕᐊᑍᑎᓂᒃ.

³⁰ ᒋᓕᐊᑎᐅᑉ ᐅᑯᐊ ᐃᕐᓂᖏᑦ: ᓕᓴᕆ, ᐃᓚᒌᑦ ᑍᔭᐅᕗᑦ ᓕᓴᕅᑎᓂᒃ; ᕼᐃᓕᒃ, ᐃᓚᒌᑦ ᑍᔭᐅᕗᑦ ᕼᐃᓕᑬᑎᓂᒃ;

³¹ ᐊᔅᕅᐊᓪ, ᐃᓚᒌᑦ ᑍᔭᐅᕗᑦ ᐊᔅᕅᐊᓔᑎᓂᒃ; ᓯᑭᒻ, ᐃᓚᒌᑦ ᑍᔭᐅᕗᑦ ᓯᑭᒻᒤᑎᓂᒃ;

³² ᓯᒤᑕ, ᐃᓚᒌᑦ ᑍᔭᐅᕗᑦ ᓯᒤᑍᑎᓂᒃ; ᕼᐃᕙᕐ, ᐃᓚᒌᑦ ᑍᔭᐅᕗᑦ ᕼᐃᕙᕅᑎᓂᒃ.

³³ ᔨᓘᕕᕼᐊᑦ ᕼᐃᕙᕆᐅᑉ ᐃᕐᓂᖓ ᐃᕐᓂᖃᓚᐅᖏᒻᒪᑦ, ᐸᓂᖃᓚᐅᕐᐳᕐᓕ ᐅᑯᓂᖓ: ᒪᕼᐊᓚ, ᓄᐊ, ᕼᐅᒡᓚ, ᒥᐅᓪᑲ, ᑏᕐᔭᓗ.

³⁴ ᑖᒃᑯᐊ ᑕᕝᕙ ᒫᓇᓯᐅᑉ ᐃᓚᖏᑦ: ᑖᒃᑯᓇᓐᖓᑦ ᓈᓴᕐᑕᐅᔪᑦ ᐃᓚᒌᑦ ᐅᓄᕐᓂᖏᑦ: 52,700ᐅᓚᐅᕐᐳᑦ.

³⁵ ᐅᑯᐊ ᑕᕝᕙ ᐃᕗᕅᑎᒥᐅᑉ ᐃᓚᖏᑦ ᐃᓚᒌᑦ ᒪᓕᒡᓗᒋᑦ: ᓱᑎᓚ, ᐃᓚᒌᑦ ᑍᔭᐅᕗᑦ ᓱᑎᓚᕼᐂᑎᓂᒃ; ᐱᑲᕐ, ᐃᓚᒌᑦ ᑍᔭᐅᕗᑦ ᐱᑲᕅᑎᓂᒃ; ᑕᕼᐊᓐ, ᐃᓚᒌᑦ ᑍᔭᐅᕗᑦ ᑕᕼᐊᓁᑎᓂᒃ.

³⁶ ᐅᑯᐊᓗ ᓱᑎᓚᐅᑉ ᐃᕐᓂᖏᑦ: ᐃᕌᓐ, ᐃᓚᒌᑦ ᑍᔭᐅᕗᑦ ᐃᕋᓁᑎᓂᒃ.

³⁷ ᑖᒃᑯᐊ ᑕᕝᕙ ᐃᕗᕅᑎᒥᐅᑉ ᐃᕐᓂᖏᑕ ᐃᓚᖏᑦ, ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 32,500ᓚᐅᕐᐳᑦ. ᑖᒃᑯᐊ ᑕᕝᕙ ᔫᓯᐱᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ.

³⁸ ᐱᓐᔭᒥᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᐲᓚ, ᐃᓚᒌᑦ ᑍᔭᐅᕗᑦ ᐲᓔᑎᓂᒃ; ᐊᓯᐱᐅᓪ, ᐃᓚᒌᑦ ᑍᔭᐅᕗᑦ ᐊᓯᐱᓔᑎᓂᒃ; ᐊᕼᐂᕋᒻ, ᐃᓚᒌᑦ ᑍᔭᐅᕗᑦ ᐊᕼᐂᕋᒤᑎᓂᒃ;

³⁹ ᓯᐳᐹᒻ, ᐃᓚᒌᑦ ᑍᔭᐅᕗᑦ ᓲᐸᒤᑎᓂᒃ; ᕼᐅᕚᒻ, ᐃᓚᒌᑦ ᑍᔭᐅᕗᑦ ᕼᐅᕙᒤᑎᓂᒃ.

⁴⁰ ᐲᓚᐅᓪᓗ ᐃᕐᓂᖏᑦ ᐅᑯᐊ ᐋᕐᑎ, ᐊᒻᒪᓗ ᓈᒪᓐ: ᐋᕐᑎᒃᑯᑦ ᐃᓚᒌᑦ ᑍᔭᐅᕗᑦ ᐋᕐᑍᑎᓂᒃ; ᓈᒪᓐ, ᐃᓚᒌᑦ ᑍᔭᐅᕗᑦ ᓈᒪᓁᑎᓂᒃ.

⁴¹ ᑖᒃᑯᐊ ᑕᕝᕙ ᐱᓐᔭᒥᓂᐅᑉ ᐃᕐᓂᖏᑦ ᐃᓚᒌᖕᓂᖏᑦ ᒪᓕᒡᓗᒋᑦ ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 45,600ᓚᐅᕐᐳᑦ.

⁴² ᐅᑯᐊ ᑕᕝᕙ ᑖᓐ ᑭᖑᕚᖏᑕ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ: ᓲᕼᐊᒻ, ᐃᓚᒌᑦ ᑍᔭᐅᕗᑦ ᓲᕼᐊᒤᑎᓂᒃ. ᑖᒃᑯᐊ ᑕᕝᕙ ᑖᓐ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ.

⁴³ ᐃᓚᒌᓕᒫᑦ ᓲᕼᐊᒤᑎᓂᑦ ᓈᓴᕐᑕᐅᔪᑦ, ᐅᓄᕐᓂᖃᓚᐅᕐᐳᑦ, 64,400ᓂᒃ.

⁴⁴ ᐋᓱᕆᐅᑉ ᑭᖑᕚᖏᑦ ᐃᓚᒌᑦ ᐅᑯᐊᖑᓚᐅᕐᐳᑦ: ᐃᒻᓇ, ᐃᓚᒌᑦ ᑍᔭᐅᕗᑦ ᐃᒻᓁᑎᓂᒃ ᐃᔅᕕᒃᑯᑦ ᐃᓚᒌᑦ ᑍᔭᐅᕗᑦ ᐃᔅᕔᑎᓂᒃ; ᐱᕅᐊ, ᐃᓚᒌᑦ ᑍᔭᐅᕗᑦ ᐱᕅᑎᓂᒃ.

⁴⁵ ᐱᕅᐊᐅᑉ ᐃᕐᓂᖏᑦ ᐅᑯᐊ: ᕼᐃᐸᕐ, ᐃᓚᒌᑦ ᑍᔭᐅᕗᑦ ᕼᐃᐸᕋᓁᑎᓂᒃ; ᒪᓪᑬᐅᓪ, ᐃᓚᒌᑦ ᑍᔭᐅᕗᑦ ᒪᓪᑬᓔᑎᓂᒃ.

⁴⁶ ᐋᓱᕆᐅᑉ ᐸᓂᖓ ᐊᑎᑲᓚᐅᕐᐳᖅ ᓯᕋ.

⁴⁷ ᑖᒃᑯᐊ ᑕᕝᕙ ᐋᓱᕆᐅᑉ ᑭᖑᕚᖏᑕ ᐃᓚᒌᑐᖁᑎᖏᑦ, ᑖᒃᑯᓇᓐᖓᑦ ᐃᓚᒌᑦ ᓈᓴᕐᑕᐅᔪᑦ: 53,400ᓂᒃ ᐅᓄᕐᓂᖃᓚᐅᕐᐳᑦ.

⁴⁸ ᓈᑉᑕᓕᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᔭᔨᐅᓪ, ᐃᓚᒌᑦ ᑍᔭᐅᕗᑦ ᔭᔨᐅᓔᑎᓂᒃ; ᒍᓂ, ᐃᓚᒌᑦ ᑍᔭᐅᕗᑦ ᒍᓁᑎᓂᒃ;

⁴⁹ ᔨᔨᕆ, ᐃᓚᒌᑦ ᑍᔭᐅᕗᑦ ᔨᔨᕅᑎᓂᒃ; ᓯᓕᒻ, ᐃᓚᒌᑦ ᑍᔭᐅᕗᑦ ᓯᓕᒤᑎᓂᒃ.

⁵⁰ ᑖᒃᑯᐊ ᑕᕝᕙ ᓈᑉᑕᓕᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ; ᑖᒃᑯᓇᓐᖓᑦ ᓈᓴᕐᑕᐅᔪᑦ 45,400ᐅᓚᐅᕐᐳᑦ.

⁵¹ ᑖᒃᑯᐊᓕᒫᑦ ᐃᓴᕆᐊᓕᒥᐅᓂᑦ ᓈᓴᕐᑕᐅᔪᑦ ᑲᑎᓪᓗᒋᑦ: 601,730ᓂᒃ ᐅᓄᕐᓂᖃᓚᐅᕐᐳᑦ.

⁵² ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, ᐅᖃᕐᓗᓂ:

⁵³ “ᓄᓇ ᑖᒃᑯᓄᖓ ᐱᒃᓴᕆᔭᐅᖁᓪᓗᒍ ᐊᕕᒃᑐᑕᐅᔭᕆᐊᖃᕐᐳᖅ, ᐃᓄᐃᑦ ᐊᑎᖏᑕ ᐅᓄᕐᓂᖏᑦ ᒪᓕᒡᓗᒋᑦ.

⁵⁴ ᑭᖑᕚᖑᖃᑎᒌᑦ ᐃᓄᒋᐊᖕᓂᕐᓮᑦ ᐊᖏᔪᒥᒃ ᓄᓇᒥᒃ ᐱᑖᕆᐊᖃᕐᐳᑦ, ᑭᖑᕚᖑᖃᑎᒌᓪᓗ ᐅᓄᖏᓐᓂᕐᓮᑦ ᓄᓇᒥᒃ ᒥᑭᓐᓂᕐᓴᒥᒃ ᐱᑖᕆᐊᖃᕐᐳᑦ. ᐊᑐᓂᑦ ᓄᓇᖁᑎᑖᕐᓗᑎᒃ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᓂᖏᑦ ᒪᓕᒡᓗᒋᑦ.

⁵⁵ ᓄᓇ ᐊᕕᒃᑐᕆᐊᖃᕐᐳᖅ ᓇᓚᐅᑦᑖᕈᑎᒃᑯᑦ ᐊᖏᓂᖃᕆᐊᖃᕐᓂᖓ ᒪᓕᒡᓗᒍ; ᓄᓇᖁᑎᑖᕆᐊᖃᕐᐳᑦ ᓯᕗᓕᕕᓂᖏᑕ ᐊᑎᖏᑦ ᒪᓕᒡᓗᒋᑦ.

⁵⁶ ᓄᓇᖁᑎᑖᕆᔭᐅᔪᓕᒫᑦ ᐊᒡᒍᕐᑕᐅᔭᕆᐊᖃᕐᐳᑦ ᓇᓚᐅᑦᑖᕈᑎᒃᑯᑦ ᐃᓄᒋᐊᖕᓂᕐᓮᑦ ᐃᓄᑭᓐᓂᕐᓮᓪᓗ ᒪᓕᒡᓗᒋᑦ.”

⁵⁷ ᐅᑯᐊᑦᑕᐅᖅ ᑕᕝᕙ ᓕᕔᑎᑦ ᓈᓴᕐᑕᐅᓚᐅᕐᑐᑦ ᐃᓚᒌᑦ ᒪᓕᒡᓗᒋᑦ: ᒌᕐᓲᓂ, ᐃᓚᒌᑦ ᑍᔭᐅᕗᑦ ᒌᕐᓲᓁᑎᓂᒃ; ᑯᕼᐋᑎ, ᐃᓚᒌᑦ ᑍᔭᐅᕗᑦ ᑯᕼᐋᑍᑎᓂᒃ, ᒥᕋᕆ, ᐃᓚᒌᑦ ᑍᔭᐅᕗᑦ ᒥᕋᕅᑎᓂᒃ

⁵⁸ ᐅᑯᐊᑦᑕᐅᖅ ᓕᕔᑉ ᑭᖑᕚᖏᑦ ᓈᓴᖃᓯᐅᔭᐅᓚᐅᕐᑐᑦ: ᐃᓚᒌᑦ ᓕᑉᓁᑎᓂᒃ ᑍᔭᐅᔪᑦ, ᐃᓚᒌᑦ ᕼᐃᐸᕋᓁᑎᓂᒃ ᑍᔭᐅᔪᑦ, ᐃᓚᒌᑦ ᒪᕼᐊᓔᑎᓂᒃ ᑍᔭᐅᔪᑦ, ᐃᓚᒌᑦ ᒧᓮᑎᓂᒃ ᑍᔭᐅᔪᑦ, ᐃᓚᒌᑦ ᑰᕋᕼᐂᑎᓂᒃ ᑍᔭᐅᔪᑦ. ᑯᕼᐋᑎᓗ ᐃᕐᓂᖃᓚᐅᕐᐳᖅ ᐊᒪᕌᒻᒥᒃ.

⁵⁹ ᐊᒪᕌᒻ ᓄᓕᐊᖓ ᐊᑎᖃᓚᐅᕐᐳᖅ ᔫᑭᐱᑎᒥᒃ ᑖᓐᓇ ᓕᕔᑉ ᐸᓂᖓ, ᓕᕔᑉ ᐸᓂᒃᑖᕆᓚᐅᕐᑕᖓ ᐄᑦᔨᑉᑎᒥ; ᐊᒻᕋᒻᑯᑦ ᐃᕐᓂᕐᑖᓚᐅᕐᐳᖅ ᐂᕉᓂᒥᒃ ᒨᓯᓯᒥᒡᓗ ᓇᔭᖓᓐᓂᒃᓗ ᒥᕆᐊᒻᒥᒃ.

⁶⁰ ᐂᕉᓂ ᐃᕐᓂᖃᓚᐅᕐᐳᖅ ᓁᑖᑉᒥᒃ ᐊᐱᕼᐅᒥᒡᓗ, ᐃᓕᓯᕆᒥᒡᓗ ᐃᑕᒫᕐᒥᒡᓗ.

⁶¹ ᓁᑖᑉᓕ ᐊᐱᕼᐅᓗ ᑐᖁᓚᐅᕐᐴᒃ ᐊᑕᓂᕐᒧᑦ ᐃᑯᐊᓚᑎᑦᓯᓪᓗᑎᒃ ᑐᓂᕐᕈᓯᕐᒪᑎᒃ ᐱᖁᔭᐅᓯᒪᓇᑎᒃ.

⁶² ᓕᕔᑎᓪᓕ ᐊᖑᑎᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᓈᓴᕐᑕᐅᔪᑦ 23,000ᐅᓚᐅᕐᐳᑦ. ᐃᓴᕆᐊᓕᐅᖃᑎᒥᖕᓂᑦ ᓈᓴᖃᓯᐅᑎᔭᐅᓚᐅᓐᖏᓚᑦ ᓄᓇᒥᒃ ᓇᖕᒥᓂᑖᓚᐅᖏᒻᒪᑕ.

⁶³ ᑖᒃᑯᐊ ᑕᕝᕙ ᓈᓴᕐᑕᐅᓚᐅᕐᑐᑦ ᒨᓯᓯᒧᑦ ᑐᓂᕐᕈᓯᕐᑎᑦᓯᔨᒧᓪᓗ ᐃᓕᓯᕆᒧᑦ, ᑖᒃᑯᐊᒃ ᓈᓮᓚᐅᕐᐳᒃ ᐃᓴᕆᐊᓕᒥᐅᓂᒃ ᒧᐊᐱᒥ ᓇᑎᕐᓇᒥ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.

⁶⁴ ᓈᓴᕐᑕᐅᔪᓂ ᑖᒃᑯᓇᓂ ᐊᖑᒻᒥᒃ ᐱᑕᖃᓚᐅᓐᖏᓚᖅ ᓈᓴᕐᑕᐅᖃᓯᐅᑎᔭᐅᓯᒪᔪᒥᒃ ᒨᓯᓯᐅᓪᓗ ᐂᕉᓂᐅᓪᓗ ᓈᓴᓚᐅᕐᑕᖏᓐᓂ, ᐃᓴᕆᐊᓕᒥᐅᑦ ᓈᓴᕐᑕᐅᑎᓪᓗᒋᑦ ᐃᓄᖃᖏᑦᑐᒥ ᓮᓁᒥ.

⁶⁵ ᐊᑕᓂᐅᑉ ᐅᖃᐅᓯᕆᓚᐅᕐᒪᒋᑦ, “ᑐᖁᓪᓚᕆᒍᒫᕐᐳᖅ ᐃᓄᖃᖏᑦᑐᒥ.” ᑍᒤᒻᒪᑦ ᐊᒥᐊᒃᑯᖃᓚᐅᓐᖏᓚᑦ ᐅᑯᐊᑐᐊᖅ ᐊᒥᐊᒃᑰᓚᐅᕐᐴᒃ, ᑬᓚᐱ ᔨᐳᓂᐊᐅᑉ ᐃᕐᓂᖓ, ᔮᓱᐊᓗ ᓈᓂᐅᑉ ᐃᕐᓂᖓ.