ᒨᓯᓯ ᓯᑕᒪᖏᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓄᒋᐊᒃᑐᕐᔪᐃᑦ ᓈᒻᒪᒃᓴᕋᑎᒃ ᓂᓪᓕᐊᓂᖏᑦ

¹ ᐃᓄᒋᐊᒃᑐᕐᔪᐊᓪᓕ ᐅᖁᒤᒃᓴᕐᓂᕐᒥᒃ ᓈᒻᒪᒃᓴᕋᑎᒃ ᓂᓪᓕᐊᓕᕐᒪᑕ, ᐊᑕᓂᖅ ᖁᕕᐊᓱᓚᐅᓐᖏᓚᖅ; ᐊᑕᓂᐅᑉ ᑐᓵᓚᐅᕐᒪᒋᑦ ᓂᓐᖓᐅᒪᓂᖓᓗ ᐊᐅᓚᑦᔭᒃᑕᐅᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᐃᑯᒪᖓ ᐃᑯᐊᓚᓚᐅᕐᐳᖅ ᐊᑯᓐᓂᖓᓐᓂ, ᑕᖕᒫᕐᓯᒪᕕᐅᓪᓗ ᓯᓚᑖᓂ ᐃᑯᐊᓪᓚᓚᐅᕐᐳᖅ.

² ᐃᓄᐃᓪᓕ ᓂᓪᓕᐊᓕᕐᐳᑦ ᒨᓯᓯᒧᑦ, ᒨᓯᓯᐅᓪᓗ ᐊᑕᓂᖅ ᑐᒃᓯᐊᕐᕕᒋᖕᒪᒍ, ᐃᑯᒪ ᑕᕝᕙ ᖃᒥᑉᐳᖅ.

³ ᓄᓇ ᑖᓐᓇ ᐊᑎᖃᕐᑎᑉᐹ ᑕᐱᕋᒥᒃ, ᐊᑕᓂᐅᑉ ᐃᑯᒪᖓ ᐊᑯᓐᓂᖓᓐᓂ ᐃᑯᐊᓚᓚᐅᕐᒪᑦ.

⁴ ᐃᓴᕆᐊᓕᐅᖏᑦᑐᓪᓕ ᐃᖏᕐᕋᖃᑕᐅᔪᑦ ᓂᕿᓂᒃ ᐊᓯᖏᓐᓂᒃ ᓂᕆᔪᒪᒻᒪᕆᓕᓚᐅᕐᐳᑦ; ᐃᓴᕆᐊᓕᒥᐅᑦ ᓂᐱᖃᕐᓗᑎᒃ ᕿᐊᓕᓚᐅᕆᕗᑦ ᐅᖃᕐᓗᑎᒃ, “ᑭᐊ ᓂᕿᓪᓚᕆᖕᒥᒃ ᓂᕆᑎᓐᓂᐊᕐᐹᑎᒍᑦ?

⁵ ᐃᖅᑲᐅᒪᕙᕗᑦ ᐃᖃᓗᐃᑦ ᐊᒥᒐᕋᑎᒃ ᓂᕿᒋᓚᐅᕐᑕᕗᑦ ᐄᑦᔨᑉᑎᒥ, ᐱᕈᕐᑐᐃᓪᓗ ᓂᕆᕙᓚᐅᕐᑕᕗᑦ ᐊᑎᖃᕐᑐᑦ ᑭᐅᑲᒻᐳᕆᓂᒃ, ᒥᓚᓐᓂᒡᓗ, ᓖᑭᓂᒡᓗ, ᐂᓂᐊᓂᒡᓗ, ᒑᕐᓕᒡᓂᒡᓗ.

⁶ ᒫᓐᓇᓕ ᑍᒃᑯᓄᖓ ᑭᐱᓕᕐᐳᒍᑦ ᑕᒫᓂ ᐸᓂᓕᕐᑐᑐᑦ; ᒫᓂ ᓱᓇᖃᖏᒻᒪ, ᒫᓇ ᑕᒪᑦᔭᑐᐊᖅ ᑕᑯᕙᒃᑕᑐᐊᕗᑦ!”

⁷ ᒫᓐᓇᓕ ᐱᕈᕐᑐᑦ ᑰᕆᐊᓐᑐᕆᐅᑉ ᐱᕈᕐᓯᐊᒃᓴᖓᑕ ᐊᑦᔨᑲᓴᒋᓚᐅᕐᐹ, ᒥᑭᔫᑎᐅᓪᓗᓂ ᖃᑯᕈᔪᒃᓗᓂ ᖁᕐᓱᑕᐅᕗᖅ ᑎᓕᐊᒻᑎᑐᑦ.

⁸ ᐃᓄᐃᓪᓗ ᑕᒪᑐᒥᖓ ᓄᐊᑦᓯᕙᓚᐅᕐᐳᑦ, ᓯᖃᓪᓕᓪᓗᒍ ᓯᖃᓪᓕᓯᑦᔪᑎᒧᑦ ᐅᔭᕋᕐᒧᑦ ᐅᕝᕙᓘᓐᓃᑦ ᐃᓗᖃᕐᑐᒥ ᓯᖃᓪᓕᑎᑦᓯᔪᑎᒧᑦ, ᓵᑦᑑᔭᐅᑎᒧᑦ ᐃᒐᓪᓗᒍ, ᓂᐊᖂᔭᓕᐊᕆᓪᓗᒍᓗ; ᑎᐱᖓ ᓂᐊᖂᔭᓕᐊᖑᔪᑐᑦ ᑎᐱᖃᓚᐅᕐᐳᖅ ᐅᕐᓱᒧᑦ ᐆᑕᐅᔪᑎᑐᑦ.

⁹ ᑕᖕᒫᕐᓯᒪᕕᒃ ᐅᓐᓄᐊᒃᑯᑦ ᓄᓇ ᖃᐅᓯᕐᑎᑕᐅᔭᕌᖓᑦ, ᒫᓇ ᑲᑕᒐᖃᓯᐅᑎᕙᓚᐅᕐᐳᖅ.

¹⁰ ᒨᓯᓯᐅᑉ ᐃᓄᐃᑦ ᑐᓵᓚᐅᕐᐰᑦ ᕿᐊᑎᓪᓗᒋᑦ, ᐃᒡᓗᒥᐅᖃᑎᒌᑦ ᐊᑐᓂᑦ, ᐃᓄᓕᒫᑦ ᑐᐱᕐᒥ ᐹᖓᓂ; ᐊᑕᓂᐅᓪᓗ ᓂᓐᖓᐅᒪᓂᖓ ᐊᖏᔪᒥᒃ ᐊᐅᓚᑦᔭᓚᐅᐳᖅ; ᒨᓯᓯᓗᑦᑕᐅᖅ ᖁᕕᐊᓱᒍᓐᓃᓚᐅᕆᕗᖅ.

¹¹ ᒨᓯᓯᓗ ᐊᑕᓂᕐᒧᑦ ᐅᖃᕐᐳᖅ, “ᓱᖕᒪᑦ ᐱᔩᑦ ᓱᒋᐊᕐᐱᐅᒃ? ᓱᖕᒪᓪᓗ ᓵᖕᓂ ᖁᕕᐊᒋᖏᑉᐱᖔ? ᐅᑯᐊ ᐃᓄᐃᑦ ᐅᖁᒤᒃᓴᕐᓂᖏᑦ ᐅᕙᓐᓄᑦ ᐃᓕᒐᕕᒋᑦ.

¹² ᐅᑯᐊ ᐃᓄᓕᒫᑦ ᕿᑐᕐᖓᕐᑖᕆᓚᐅᕋᒃᑮᑦ? ᑖᒃᑯᓂᖓ ᐃᕐᓂᕐᑖᓚᐅᕋᒫ? ᐅᕙᓐᓄᑦ ᐅᖃᕈᓐᓇᓕᕐᐲᑦ, ‘ᐅᑯᐊ ᐃᕿᒻᒥᓗᒋᑦ ᐊᒡᔭᒃᑭᑦ, ᓲᕐᓗ ᓄᑕᕋᑯᓗᒃ ᐊᒫᒪᒃᑐᖅ ᑲᒪᔨᒥᓄᑦ ᐊᒡᔭᕐᑕᐅᖕᒪᑦ,’ ᓄᓇᒧᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓄᑦ ᑎᑭᐅᑎᓗᒋᑦ?

¹³ ᓇᑭᓪᓕ ᓂᕿᓪᓚᕆᖕᒥᒃ ᓇᓂᓯᓂᐊᕋᒪ ᐅᑯᐊ ᓂᕿᒃᓴᖏᓐᓂᒃ? ᐅᕙᓐᓄᑦ ᕿᐊᔪᐊᓘᓕᕐᒪᑕ, ᐅᖃᕐᓗᑎᒃ, ‘ᓂᕿᓪᓚᕆᖕᒥᒃ ᐂᑦᑐᓚᐅᕐᑎᒍᑦ, ᓂᕆᓂᐊᕋᑦᑕ.’

¹⁴ ᐃᓄᐃᑦ ᐅᑯᐊ ᐅᕙᖓᑐᐊᖅ ᑲᒪᒋᔪᓐᓇᓐᖏᑕᒃᑲ, ᐅᖁᒤᒋᔭᖏᑦ ᐅᕙᓐᓄᑦ ᐅᖁᒤᓗᐊᕐᒪᑕ.

¹⁵ ᑍᒫᒃ ᐱᑎᓐᓂᐊᕈᕕᖓ, ᐊᑏ ᒫᓐᓇ ᐅᕙᓂ ᑐᖁᓕᓐᖓ, ᐃᓕᖕᓄᑦ ᖁᕕᐊᒋᔭᐅᒍᒪ, ᐊᔪᓕᓕᕐᓂᕐᒥᒃ ᑕᑯᑎᑦᑍᓕᓐᖓ!”

ᓯᕗᓕᕐᑏᑦ 70

¹⁶ ᐊᑕᓂᐅᑉ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: “ᑲᑎᑎᑦᓯᓚᐅᕆᑦ ᓵᓐᓄᑦ ᐊᖑᑎᓂᒃ 70ᓂᒃ, ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ, ᐊᖓᔪᖅᑲᐅᔪᓐᓇᕐᑐᓪᓗ ᖃᐅᔨᒪᔭᑎᑦ; ᑐᐱᕐᔪᐊᒧᓪᓗ ᑲᑎᒪᕕᖕᒧᑦ ᑲᑎᑎᓪᓗᒋᑦ ᐃᓕᖕᓂᒃ ᑕᕝᕙᓂ ᓇᖏᖃᑎᖃᖁᓪᓗᒋᑦ.

¹⁷ ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

¹⁸ ᐃᓄᐃᑦ ᐅᖃᐅᑎᔭᕆᐊᖃᕐᐸᑎᑦ, ᐃᓕᑦᓯᓐᓂᒃ ᓴᓗᒻᒪᕐᑎᓕᕆᑦᓯ ᖃᐅᒃᐸᐅᓂᐊᕐᑐᖅ ᐱᓪᓗᒍ, ᓂᖅᑭᓪᓚᕆᖕᒥᒃ ᓂᕆᔪᒫᓕᕋᑦᓯ, ᕿᐊᓂᕆᔭᓯ ᐊᑕᓂᐅᑉ ᑐᓴᓚᐅᕐᒪᒋᑦ, ᐅᖃᕐᑎᓪᓗᓯ, ‘ᑭᐊ ᓂᕿᓪᓚᕆᖕᒥᒃ ᓂᕆᑎᓂᐊᕐᐹᑎᒍᑦ? ᐄᑦᔨᑉᑎᒥ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᓂᑦᑎᑐᑦ.’ ᑍᒤᒻᒪᑦ ᐊᑕᓂᐅᑉ ᓂᕿᓪᓚᕆᖕᒥᒃ ᑐᓂᓯᕕᒋᓂᐊᕐᐹᓯ ᓂᕆᖁᓪᓗᓯ.

¹⁹ ᐅᓪᓗᒥ ᐊᑕᐅᓯᑐᐃᓐᓇᕐᒥ ᓂᕿᑐᕐᓂᐊᓐᖏᓚᓯ, ᐅᓪᓗᓄᑦ ᒪᕐᕈᐃᓐᓇᕐᓅᖏᑦᑐ, ᐅᓪᓗᓄᑦ ᑕᓪᓕᒪᑐᐃᓐᓇᐅᖏᑦᑐᓄᑦ, ᐅᓪᓗᓄᑦ ᖁᓕᑐᐃᓐᓇᐅᖏᑦᑐᓄᑦ, ᐊᕙᑎᑐᐃᓐᓇᐅᖏᑦᑐᓄᓪᓗ,

²⁰ ᑕᖅᑭᓕᒫᒥᒡᓕ, ᓱᕐᓗᑦᓯᓐᓂᑦ ᓂᕿ ᐊᓂᐊᓕᕐᐸᑦ ᑭᓯᐊᓂ, ᐃᓕᑦᓯᓗ ᐊᕆᐅᒍᑦᓯᐅᒃ, ᐊᑕᓂᖅ ᐊᑯᓐᓇᑦᓯᓐᓃᑦᑐᖅ ᓇᕐᕈᒋᓚᐅᕋᑦᓯᐅᒃ, ᓵᖓᓂᓗ ᕿᐊᓪᓗᓯ ᐅᖃᕐᓗᓯᓗ, ‘ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᐱᑕ?’”

²¹ ᒨᓯᓯᓗ ᐅᖃᕐᐳᖅ, “ᐃᓄᐃᑦ ᐃᓚᒋᔭᒃᑲ ᐊᖑᑎᑦ 600,000ᖏᓐᓃᑉᐳᑦ ᐱᓱᒃᑏᑦ; ᑭᓯᐊᓂ ᐅᖃᕐᐳᑎᑦ, ‘ᓂᕿᓪᓚᕆᖕᒥᒃ ᑐᓂᓯᕕᒋᓂᐊᕐᐸᒃᑲ, ᑕᖅᑭᓕᒫᒧᑦ ᓂᕿᑑᒪᖁᓪᓗᒋᑦ.’

²² ᓰᐲᑦ ᑐᖁᕋᕐᑕᐅᓂᐊᓕᕐᐹᑦ, ᐃᒻᒧᒃᓯᐅᒊᓪᓗ ᑐᖁᕋᕐᑕᐅᓂᐊᓕᕐᐹᑦ ᑖᒃᑯᓄᖓ ᓈᒻᒪᒡᓗᑎᒃ? ᐅᕝᕙᓘᓐᓃᑦ ᐃᒪᕐᒥᑦ ᐃᖃᓗᐃᑦ ᑲᑎᑕᐅᓂᐊᕐᐸᑦ ᑖᒃᑯᐊ ᐱᓪᓗᒋᑦ, ᑖᒃᑯᓄᖓᓕᒫᖅ ᓈᒻᒪᖁᓗᒋᑦ?”

²³ ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

²⁴ ᒨᓯᓯ ᐊᓂᕗᖅ ᐃᓄᐃᑦ ᐅᖃᐅᑎᔭᕐᑐᕐᓗᒋᑦ ᐊᑕᓂᐅᑉ ᐅᖃᐅᓯᕆᔭᖏᓐᓂᒃ, ᐊᖓᔪᖅᑳᓪᓗ 70 ᑲᑎᑎᑉᐰᑦ ᑐᐱᕐᔪᐊᑉ ᐊᕙᑖᓄᐊᕐᑎᓪᓗᒋᑦ.

²⁵ ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

²⁶ ᐊᖑᑏᒡᓕ ᒪᕐᕉᒃ ᑕᖕᒫᕐᓯᒪᕕᖕᒦᖏᓐᓇᓚᐅᕐᑐᒃ: ᐂᑉᐸᖓᑕ ᐊᑎᖓ ᐃᓪᑖᑎ, ᐂᑉᐸᖓᑕᓗ ᐊᑎᖓ ᒥᑖᑎ ᐊᓂᕐᓂᐅᑉ ᑖᒃᑯᐊᒃ ᐃᓂᒋᓕᕐᐹᒃ, ᑖᒃᑯᐊᒃ ᐊᑎᓕᐅᕐᑕᐅᖃᑕᐅᓯᒪᓚᐅᕐᐴᒃ, ᑐᐱᕐᔪᐊᒧᓪᓕ ᐂᓚᐅᖏᑦᑐᑦ; ᑐᐱᕐᒥᖕᓂᓕ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᓪᓚᓚᐅᕐᐴᒃ.

²⁷ ᐃᓅᓱᒃᑐᒥᒡᓕ ᑐᐊᕕᕐᓗᓂ ᒨᓯᓯᒧᑦ ᐅᖃᕆᐊᕐᑐᕐᑐᖃᕐᐳᖅ, ᐅᖃᕐᓗᓂ, “ᐃᓪᑖᑎ ᒥᑖᑎᓗ ᑕᖕᒫᕐᓯᒪᕕᖕᒥ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᓪᓚᒃᑑᒃ.”

²⁸ ᔮᓱᐊᓕ ᓈᓂᐅᑉ ᐃᕐᓂᖓ, ᒨᓯᓯᐅᑉ ᐃᑲᔪᕐᑎᖓ, ᓂᕈᐊᕐᓯᒪᓪᓚᕆᒃᑕᖓ, ᑭᐅᕗᖅ ᐅᖃᕐᓗᓂ, “ᐊᖓᔪᖅᑳᒃ ᒨᓯᓯ, ᑍᒤᓕᐅᖁᓐᖏᓚᐅᒃᑭᒃ!”

²⁹ ᒨᓯᓯᐅᑉ ᐅᖃᐅᑎᕚ, “ᐅᕙᓐᓂᒃ ᓯᖕᓇᒍᑦᔨᕖᑦ? ᐃᓄᓕᒫᑦ ᒎᑎᐅᑉ ᐅᖃᐅᓯᐅᖁᔭᖏᓐᓂᒃ ᐅᖃᕈᓐᓇᖁᒐᓗᐊᕐᐸᒃᑲ ᐊᑕᓂᕐᒧᓪᓗ ᐊᓂᕐᓂᕐᒥᒃ ᑐᓂᓯᕕᐅᖁᒐᓗᐊᕐᐸᒃᑲ!”

³⁰ ᒨᓯᓯᓗ ᑕᖕᒫᕐᓯᒪᕕᖕᒧᑦ ᐅᑎᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ.

ᐊᑕᓂᐅᑉ ᑎᖕᒥᐊᓂᒃ ᑎᑭᑎᑦᓯᓂᖓ

³¹ ᐊᓄᕆᓗ ᑎᑭᑉᐳᖅ ᐊᑕᓂᕐᒥᑦ ᑎᑭᑎᑦᓯᑎᑕᐅᓪᓗᓂ ᑎᖕᒥᐊᓂᒡᓗ ᑯᐂᐅᓪᓂᒃ ᐊᑎᓕᖕᓂᒃ ᑎᑭᑦᑐᖃᕐᐳᖅ ᐃᒪᐅᑉ ᓇᓛᓂᑦ ᐱᔪᓂᒃ, ᒥᓪᓗᑎᒡᓗ ᑕᖕᒫᕐᓯᒪᕕᐅᑉ ᖃᓂᒋᔭᖓᓄᑦ, ᐳᕐᑐᓂᖃᕐᓗᓂ ᐃᑎᒐᖕᓂᒃ ᐱᖓᓱᓂᒃ, ᑭᒡᓕᖃᕐᓗᓂᓗ ᓇᒧᑐᐃᓐᓇᖅ ᑕᖕᒫᕐᓯᒪᕕᖕᒥᑦ ᐱᓱᒡᓗᓂ ᐅᓪᓗᓕᒫᖅ ᐱᓱᒃᕕᓪᓗᐊᒧᑦ ᑎᑭᐅᒪᓪᓗᑎᒃ,

³² ᐃᓄᐃᑦ ᐅᓪᓗᖅ ᐅᓐᓄᐊᕐᓗ ᑍᓐᓇ ᓈᓪᓗᒍ ᖃᐅᑎᓪᓗᒍᓗ ᓄᐊᑦᓯᓚᐅᕐᐳᑦ ᑎᖕᒥᐊᓂᒃ, ᐃᓄᒃ ᐊᑕᐅᓯᖅ ᖁᓕᓂᒃ ᐃᕕᐅᔭᕐᓂᒃ ᑕᑕᓪᓗᒋᑦ ᓄᐊᑦᓯᓚᐅᕐᐳᑦ; ᐸᓂᕐᓯᐊᕆᓪᓗᒋᑦ ᑕᖕᒫᕐᕕᐅᑉ ᓇᑎᕐᓇᖓᓂ.

³³ ᓂᕿᒥᒡᓕ ᓂᕆᓚᐅᕐᑎᓐᓇᒋᑦ ᓱᓕ, ᐊᑕᓂᐅᑉ ᓂᓐᖓᐅᒪᓂᖓ ᑎᑭᓚᐅᕐᐳᖅ ᐃᓄᖕᓄᑦ, ᐃᓄᐃᑦ ᖃᓂᒪᓇᕐᑐᕐᔪᐊᒧᑦ ᑎᑭᑕᐅᓚᐅᕐᐳᑦ.

³⁴ ᑖᓐᓇ ᓄᓇ ᐊᑎᖃᕐᑎᑉᐹᑦ ᑭᐳᕌᑎ-ᕼᐊᑖᕙᒥᒃ ᑐᑭᖓ ᑭᐱᕐᓴᓚᐅᕐᑐᑦ ᐃᓗᕕᖃᕐᕕᖓᑦ, ᑕᕝᕙᓂ ᓂᕿᒧᑦ ᑭᐱᕐᓴᓚᐅᕐᑐᑦ ᐃᓗᕕᕐᑕᐅᓚᐅᕐᒪᑕ.

³⁵ ᑭᐳᕌᑎ-ᕼᐊᑖᕙᒥᑦ ᐃᓄᐃᑦ ᐃᖏᕐᕋᓚᐅᕐᐳᑦ ᕼᐊᔨᕌᑎᒧᑦ ᑍᑲᓃᓕᕐᓗᑎᒡᓗ.