ᔮᓱᐊᑉ ᐊᒡᓚᖏᑦ 19 - ᐊᒡᓔᑦ ᐃᑦᔪᕐᖕᓁᑦᑐᑦ

ᓄᓇ ᑐᓂᔭᐅᔪᖅ ᓯᒥᐅᓂᒧᑦ

¹ ᑭᖑᓪᓕᕐᒥᒃ ᓇᓚᐅᑕᐅᕗᑦ ᐃᓚᒌᑦ ᓯᒥᐅᓂᐅᑉ ᑭᖑᕚᖏᑦ, ᓄᓇᖁᑎᖓ ᐊᒃᑐᐊᕗᖅ ᔫᑕᐅᑉ ᑭᖑᕚᖏᑕ ᓄᓇᖁᑎᖓᓄᑦ.

² ᐅᑯᓂᖓ ᐃᓚᖃᕐᐳᖅ ᓄᓇ ᑭᖑᕐᖑᑎᔭᖓᑦ ᐱᐊᕐᓯᐸ, ᓰᐸ, ᒧᓚᑕ,

³ ᕼᐊᔭᕐ-ᓯᐅᓪ, ᐹᓚ, ᐃᔨᒻ,

⁴ ᐃᐅᓪᑐᓛᑦ, ᐱᑐᓪ, ᕼᐅᕐᒪ,

⁵ ᔨᒡᓛᒡ, ᐱᑦ-ᒫᑲᐳᔅ, ᕼᐊᔭᕐ-ᓲᓴ,

⁶ ᐱᑦ-ᓚᐸᐅᔅ, ᓴᕈᕼᐃᓐᓗ: ᐃᒡᓗᒐᓮᑦ 13ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

⁷ ᐅᑯᐊᓗ ᐃᓐ-ᕆᒪᓐ, ᐃᑎᕆ, ᐊᓵᓐᓗ: ᐃᒡᓗᒐᓮᑦ ᓯᑕᒪᐅᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

⁸ ᓄᓇᓕᖕᓂᒃ ᐃᒡᓗᒐᓴᖕᓂᒃ ᖃᓂᒋᔭᖓᓃᑦᑐᓕᒫᓂᒃ ᐃᓚᖃᕆᕗᑦ ᐸᓛᑦ-ᐱᐊᕐ, ᕌᒪ ᓂᒡᒋᑉᒦᑦᑐᖅ. ᑕᒪᓐᓇ ᓄᓇ ᑐᓂᔭᐅᕗᖅ ᑭᖑᕐᖑᑎᔭᐅᖁᓪᓗᒍ ᐃᓚᒌᓄᑦ ᓯᒥᐅᓂᐅᑉ ᑭᖑᕚᖏᓐᓄᑦ.

⁹ ᓄᓇ ᑐᓂᔭᐅᔪᖅ ᑭᖑᕐᖑᑎᔭᐅᖁᓪᓗᒍ ᔫᑕᒧᑦ ᐊᖏᓗᐊᓚᐅᕐᒪᑦ ᐃᓚᖓ ᑐᓂᔭᐅᓚᐅᕐᐳᖅ ᓯᒥᐅᓂᐅᑉ ᑭᖑᕚᖏᓐᓄᑦ.

ᓄᓇ ᑐᓂᔭᐅᔪᖅ ᓯᐳᓗᓂᒧᑦ

¹⁰ ᐱᖓᔪᐊᓐᓂᒃ ᓇᓚᐅᑕᐅᔪᖅ ᐃᓚᒌᓄᑦ ᑐᓂᔭᐅᕗᖅ ᑭᖑᕐᖑᑎᔭᐅᖁᓪᓗᒍ ᓯᐳᓗᓂᐅᑉ ᑭᖑᕚᖏᓐᓄᑦ, ᓄᓇᖁᑎᖓ ᑎᑭᐅᒪᕗᖅ ᓴᕆᑦᒧᑦ.

¹¹ ᑕᕝᕙᓐᖓᑦ ᐱᒋᐊᕐᓗᓂ ᓯᕿᓂᐅᑉ ᓂᐱᕕᐊᓄᐊᖓᕗᖅ ᒪᕆᐅᓪᒧᑦ, ᐊᒃᑐᐊᓪᓗᓂᓗ ᑕᐱᓯᔅᒧᑦ, ᑕᕝᕙᓐᖓᑦ ᔫᒃᓂ-ᐊᒻ ᑰᖓᓄᐊᖓᕗᖅ ᓯᕿᓂᐅᑉ ᓄᐃᕕᐊᓃᑦᑐᒧᑦ.

¹² ᓴᕆᑦᒥᑦ ᐃᒡᓗᐊᓄᐊᖓᔪᖅ ᓯᕿᓂᐅᑉ ᓄᐃᕕᐊᓃᓐᓂᕐᓴᒧᐊᖓᕗᖅ ᓯᔅᓛᔅ-ᑕᐱᕋᒧᑦ, ᑕᕝᕙᓐᖓᑦ ᑕᐱᕋᑦᒧᐊᖓᕗᖅ, ᐊᒻᒪ ᑕᑉᐸᐅᖓ ᖃᖅᑲᓄᑦ ᔮᐱᐊᒧᐊᖓᓪᓗᓂ.

¹³ ᑕᕝᕙᓐᖓᑦ ᓯᕿᓂᐅᑉ ᓄᐃᕕᐊᓄᐊᖓᕗᖅ ᒑᑎ-ᕼᐃᐱᕆᒧᑦ, ᐃᑕ-ᑲᔩᓐᒧᓪᓗ, ᑕᕝᕙᓐᖓᑦ ᓴᖑᓪᓗᓂ ᓂᐊᑉ ᓇᓛᓄᑦ ᕆᒪᓐ ᐊᖅᑯᓵᕐᓗᒍ.

¹⁴ ᑕᕝᕙᓐᖓᑦ ᐅᓐᓄᐊᓪᓗᐊᑉ ᓇᓛᓄᐊᖓᕗᖅ ᓄᓇᖁᑎᖓᑕ ᑭᒡᓕᖓ ᓴᖑᓯᒪᕗᖅ ᕼᐊᓇᑖᓐ ᓇᓛᓄᑦ, ᐃᓱᖃᕐᓗᓂ ᐃᐱᑕᕼᐂᐅᓪ ᓇᕐᓴᖓᓄᑦ.

¹⁵ ᑲᑖᔅᓗ, ᓇᕼᐊᓚᐅᓪ, ᓯᒻᕌᓐ, ᐂᑕᓚ, ᐱᑦᓕᐊᒻᓗ: ᐃᒡᓗᒐᓮᑦ 12ᖑᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ.

¹⁶ ᑖᒃᑯᐊ ᑭᖑᕐᖑᑎᔭᐅᓕᕐᐳᑦ ᐃᓚᒌᓄᑦ ᓯᐳᓗᓂᐅᑉ ᑭᖑᕚᖏᓐᓄᑦ. ᐃᓚᒌᓄᑦ ᐊᕕᒃᑐᕐᑕᐅᓪᓗᑎᒃ ᐃᒡᓗᒐᓮᑦ ᓄᓇᓖᓪᓗ ᖃᓂᒋᔭᖏᓐᓃᑦᑐᑦ.

ᓄᓇ ᑐᓂᔭᐅᔪᖅ ᐃᓴᑲᕆᒧᑦ

¹⁷ ᓯᑕᒪᖓᑦ ᓇᓚᐅᑕᐅᔪᖅ ᑐᓂᔭᐅᓚᐅᕐᐳᖅ ᑭᖑᕐᖑᑎᔭᐅᖁᓪᓗᒍ ᐃᓴᑳᕆᐅᑉ ᑭᖑᕚᖏᓐᓄᑦ, ᐃᓚᒌᑦ ᒪᓕᒡᓗᒋᑦ.

¹⁸ ᓄᓇᖁᑎᖓ ᐃᓚᖃᕐᐳᖅ ᔨᔭᕆᐅᓪᒥᒃ, ᓯᓱᓛᔅ, ᓲᓂᒻ,

¹⁹ ᕼᐊᕙᕅᒻ, ᓰᐅᓐ, ᐊᓇᕼᐊᕋᔅ,

²⁰ ᕌᐱᔅ, ᑭᓯᐊᓐ, ᐃᐱᔨ,

²¹ ᕆᒥᑎ, ᐃᓐ-ᒐᓂᒻ, ᐃᓐ-ᕼᐊᑕᔅ, ᐱᑦ-ᐸᔨᔨᓗ;

²² ᓄᓇᐅᑉ ᑭᒡᓕᖓ ᐊᒃᑐᐊᕗᖅ ᑍᐸᕆᒧᑦ, ᓴᕼᐊᔪᒪᒧᑦ, ᐱᑦ-ᓯᒥᔅᒧᓪᓗ, ᔪᐊᕐᑕᓂᐅᑉ ᑰᖓᓄᑦ ᐃᓱᖃᕐᓗᓂ, ᐃᒡᓗᒐᓮᑦ 16ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

²³ ᑖᒃᑯᐊ ᓄᓇᑖᕆᔭᐅᓪᓗᑎᒃ ᑭᖑᕐᖑᑎᔭᐅᓚᐅᕐᐳᑦ ᐃᓚᒌᓄᑦ ᐃᓴᑳᕆᐅᑉ ᑭᖑᕚᖏᓐᓄᑦ, ᐃᓚᒌᑦ ᒪᓕᒡᓗᒋᑦ; ᐃᒡᓗᒐᓮᑦ ᓄᓇᓖᓪᓗ ᖃᓂᒋᔭᖏᓐᓃᑦᑐ ᐃᓚᒋᓪᓗᒋᑦ.

ᓄᓇ ᑐᓂᔭᐅᔪᖅ ᐊᓱᕆᒧᑦ

²⁴ ᑕᓪᓕᒪᖓᓐᓂ ᓇᓚᐅᑕᐅᔪᖅ ᓄᓇ ᑐᓂᔭᓚᐅᐳᖅ ᐃᓚᒌᓄᑦ ᐋᓱᕆᐅᑉ ᑭᖑᕚᖏᓐᓄᑦ.

²⁵ ᓄᓇᖁᑎᖓ ᐃᓚᖃᕐᐳᖅ ᐅᑯᓂᖓ ᕼᐃᐅᓪᑲᔅ, ᕼᐊᓕ, ᐱᑎᓐ, ᐊᒃᓴᐸ,

²⁶ ᐊᓚᒥᓕᒃ, ᐊᒪᑦ, ᒥᓴᐅᓗ; ᓯᕿᓂᐅᑉ ᓂᐱᕕᐊᓃᑦᑐᖅ ᓄᓇᖓ ᐊᒃᑐᐊᕗᖅ ᖃᖅᑲᒧᑦ ᑳᕐᒥᐅᓪᒧᑦ ᓯᕼᐅᐊ-ᓕᑉᓇᐅᑉ ᑰᖓᓄᑦ ᑎᑭᐅᒪᓪᓗᓂ.

²⁷ ᓯᕿᓂᐅᑉ ᓄᐃᕕᐊᓄᑦ ᓴᖑᖓᓪᓗᓂ, ᐱᑦ-ᑕᒑᓐᒧᑦ ᑎᑭᐅᒪᕗᖅ; ᐊᒃᑐᐊᓪᓗᓂ ᓯᐳᓗᓂᒧᑦ ᐃᐱᑕᕼᐂᐅᓪᓗ ᓇᕐᓴᖓᓄᑦ ᐅᓐᓄᐊᓪᓗᐊᒨᖓᓪᓗᓂ ᐱᑦ-ᐃᒥᒃ ᓂᐅᓗ ᐊᖅᑯᓵᕐᓗᒋᑦ; ᑲᔪᓯᓪᓗᓂ ᐅᓐᓄᐊᓪᓗᐊᑉ ᓇᓛᓄᑦ ᑲᐳᓪᒧᑦ,

²⁸ ᐃᑉᐳᕌᓐ, ᕅᕼᐊᑉ, ᕼᐊᒪᓐ, ᑲᓇ, ᐊᒻᒪ ᓮᑐᓂ ᑎᑭᓪᓗᒍ.

²⁹ ᓄᓇᖓᑕ ᑭᒡᓕᖓ ᓴᖑᖓᕗᖅ ᕌᒪᒧᑦ, ᐃᒡᓗᒐᓴᖕᓄᑦ ᑍᕆᒧᑦ ᐊᕙᓗᓕᐅᕐᓯᒪᔪᒧᑦ ᑎᑭᐅᒪᓪᓗᓂ; ᐊᒻᒪ ᓴᖑᖓᓪᓗᓂ ᕼᐅᓴᒧᑦ, ᐊᒻᒪ ᐃᓱᖃᕐᓗᓂ ᒥᑎᑎᕆᓂᐊᑉ ᑕᕆᐅᖓᓄᑦ; ᐅᕗᖓ ᒪᕼᐊᓚᑉᒧᑦ ᐊᑲᔨᑉᒧᑦ,

³⁰ ᐅᑯᓄᖓᓗ ᐅᒪ, ᐊᐱᒃ, ᕅᕼᐊᑉᓗ, ᐃᒡᓗᒐᓮᑦ 22ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

³¹ ᑖᒃᑯᐊ ᐋᓱᕆᐅᑉ ᐃᓚᖏᓐᓄᑦ ᓄᓇᑖᕆᔭᐅᓚᐅᕐᐳᑦ ᑭᖑᕐᖑᑎᔭᐅᓪᓗᑎᒃ ᐃᒡᓗᒐᓮᑦ ᓄᓇᓕᖁᑎᖏᓪᓗ ᐱᖃᓯᐅᑎᓪᓗᒋᑦ.

ᓄᓇ ᑐᓂᔭᐅᔪᖅ ᓇᐸᑖᓕᒧᑦ

³² ᓇᓚᐅᑕᐅᔪᖅ ᓄᓇ ᐱᖓᓲᔪᕐᑐᖓᓐᓂ ᑐᓂᔭᐅᕗᖅ ᓇᐸᑖᓕᐅᑉ ᑭᖑᕚᖏᓐᓄᑦ, ᓈᑉᑕᓕᐅᑉ ᐃᓚᖏᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

³³ ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᕼᐃᓕᐸᒥᑦ, ᓇᐹᕐᑐᓂᑦ ᐆᒃᓂᑦ ᔮ-ᐊᓇᓂᒦᑦᑐᓂᑦ, ᐊᑕᒥ-ᓂᑭᑉᒥᓪᓗ, ᔭᑉᓂᐅᓪᒥᓪᓗ, ᓚᒃᑰᒻᒧᑦ ᑎᑭᓪᓗᒍ; ᔪᐊᕐᑕᓂᐅᑉ ᑰᖓᓄᑦ ᐃᓱᖃᕐᓗᓂ;

³⁴ ᑍᑲᓐᖓᑦ ᕼᐃᓕᐸᒥᑦ ᓴᖑᖓᕗᖅ ᓯᕿᓂᐅᑉ ᓂᐱᕕᐊᓄᑦ ᐊᔭᓈᔅ-ᑍᐸᕐᒧᑦ, ᑕᕝᕙᓐᖓᓪᓗ ᕼᐅᑲᒃᒧᐊᖓᕗᖅ, ᐊᒃᑐᐊᓪᓗᓂ ᓯᐳᓗᓂᐅᑉ ᐅᓪᓗᓪᓗᐊᖓᑕ ᓇᓛᓄᑦ, ᐊᒻᒪ ᐋᓱᕆᐅᑉ ᓄᓇᖓᓄᑦ ᓯᕿᓂᖓᑕ ᓂᐱᕕᐊᓃᑐᒧᑦ, ᔫᑕᐅᓪᓗ ᓄᓇᖓᓄᑦ ᐊᒃᑐᐊᒋᓪᓗᓂ ᔪᐊᕐᑕᓂᐅᑉ ᑰᖓᓄᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ ᐃᓱᖃᕐᓗᓂ.

³⁵ ᐅᑯᐊ ᐃᒡᓗᒐᓮᑦ ᓴᐴᓗᑕᓖᑦ ᐅᑯᐊᖑᕗᑦ ᔨᑎᒻ, ᔨᕆ, ᕼᐊᒪᑕ, ᕋᑲᑕ, ᓯᓂᕆᑎ,

³⁶ ᐋᑕᒪ, ᕌᒪ, ᕼᐂᔭ,

³⁷ ᑭᑎᔅ, ᐃᑐᕆᐂ, ᐃᓐ-ᕼᐂᔭ,

³⁸ ᔨᕉᓐ, ᒥᒡᑕᐅᓪ-ᐃᐅᓪ, ᕼᐅᕆᒻ, ᐱᑦ-ᐊᓇᑕ, ᐱᑦ-ᓯᒥᔅᓗ: ᑖᒃᑯᐊ ᐃᒡᓗᒐᓮᑦ 19ᖑᕗᑦ ᓄᓇᓖᓪᓗ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ.

³⁹ ᑖᒃᑯᐊ ᐃᒡᓗᒐᓮᑦ ᓄᓇᓖᓪᓗ ᖃᓂᒋᔭᖏᓐᓃᑦᑐᑦ ᑭᖑᕐᖑᑎᔭᐅᕗᑦ ᓈᑉᑕᓕᐅᑉ ᑭᖑᕚᖏᓐᓄᑦ ᓄᓇᑖᕆᔭᐅᓪᓗᑎᒃ ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

ᓄᓇ ᑐᓂᔭᐅᔪᖅ ᑖᓐᒧᑦ

⁴⁰ ᓄᓇ ᓇᓚᐅᑕᐅᔪᖅ 7ᖓᓂ ᑐᓂᔭᐅᕗᖅ ᑖᓐ ᑭᖑᕚᖏᓐᓄᑦ, ᑖᓐ ᐃᓚᖏᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

⁴¹ ᓄᓇᖁᑎᖓ ᑭᖑᕐᖑᑎᔭᐅᔪᖅ ᐃᓚᖃᕐᐳᖅ ᐅᑯᓂᖓ ᔫᕋ, ᐃᔅᑕᐅᓪ, ᐃᕐ-ᓯᒥᔅ,

⁴² ᓵ-ᐊᓚᐱᓐ, ᐂᔭᓚᓐ, ᐂᑕᓚ,

⁴³ ᐃᓘᓐ, ᑎᒻᓇ, ᐃᑯᕋᓂ,

⁴⁴ ᐃᐅᓪᑎᑭ, ᒋᐱᑖᓐ, ᐹᓛᑦ,

⁴⁵ ᔨᕼᐅᑦ, ᐱᓂ-ᐱᕌᒃ, ᒑᑎ-ᕆᒪᓐ,

⁴⁶ ᒥᔮᑲᓐ, ᕌᑲᓐᓗ, ᓄᓇᓖᓪᓗ ᔮᐸᐅᑉ ᖃᓂᒋᔭᖓᓃᑦᑐᑦ.

⁴⁷ ᑖᓐ ᐃᓄᖏᑦ ᓄᓇᖁᑎᒃᓴᒥᖕᓂᒃ ᐊᔪᕐᓴᓕᕋᒥᒃ ᐅᓇᑕᕆᐊᕐᐳᑦ ᓕᓯᒻᒥᒧᑦ, ᓵᓚᒋᓚᐅᕐᐹᑦ ᐃᓄᖏᓪᓗ ᑐᖁᕋᕐᓗᒋᑦ ᓴᕕᒡᔪᐊᒧᑦ, ᓄᓇᖓᓪᓗ ᓄᓇᑖᕆᓚᐅᕐᐹᑦ, ᓄᓇᑖᕆᒐᒥᑦᔪᒃ ᐃᒡᓗᒐᓮᑦ ᐊᑎᖓ ᓕᓯᒻᒥ ᐊᓯᑦᔨᕐᐹᑦ ᐊᑎᕐᑖᕐᑎᓪᓗᒍ ᑖᓐᒥᒃ, ᓯᕗᓕᕐᒥᓄᑦ ᐊᑦᑎᐊᕆᓪᓗᒍ.

⁴⁸ ᑖᒃᑯᐊ ᑕᕝᕙ ᓄᓇᓖᑦ ᑭᖑᕐᖑᑎᔭᐅᓚᐅᕐᑐᑦ ᑖᓐ ᑭᖑᕚᖏᓐᓄᑦ, ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᐃᒡᓗᒐᓮᑦ ᓄᓇᓖᓪᓗ ᖃᓂᒋᔭᖓᓃᑦᑐᑦ ᓄᓇᑖᕆᔭᐅᓚᐅᕐᐳᑦ ᑖᓐ ᑭᖑᕚᖏᓐᓄᑦ.

ᓄᓇ ᑭᖑᓪᓕᕐᐹᖅ ᑐᓂᔭᐅᔪᖅ

⁴⁹ ᐃᓴᕆᐊᓕᒥᐅᑉ ᐃᓄᖏᑦ ᓄᓇᒥᒃ ᑕᒪᒃᑯᓂᖓ ᐊᕕᒃᑐᕇᕋᒥᒃ ᑭᖑᕐᖑᑎᔭᐅᓂᐊᓕᕐᑐᓂᒃ, ᐃᓴᕆᐊᓕᒥᐅᑦ ᓄᓇᒥᒃ ᑐᓂᓯᕗᑦ ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ ᑭᖑᕐᖑᑎᓂᐊᕐᑕᖓᓂᒃ ᓄᓇᑖᕆᓗᒍ.

⁵⁰ ᐊᑕᓂᐅᑉ ᑎᓕᓯᓯᒪᓂᖓ ᒪᓕᒡᓗᒍ ᐃᒡᓗᒐᓴᖕᓂᒃ ᔮᓱᐊᑉ ᐱᔪᒪᔭᖓᓂᒃ ᑐᓂᓯᕕᒋᓚᐅᕐᐹᑦ ᑎᒻᓇᑦ-ᓯᕋᒥᒃ, ᐃᕗᕅᑎᐅᑉ ᓄᓇᖓᑕ ᖃᖅᑲᖏᓐᓃᑦᑐᒥᒃ; ᐃᒡᓗᒐᓮᓪᓗ ᓴᓇᒋᐊᓚᐅᕐᓗᒋᑦ, ᑕᕝᕙᓂ ᓄᓇᑖᕐᐳᖅ.

⁵¹ ᑕᒪᒃᑯᐊ ᑕᕝᕙ ᑭᖑᕐᖑᑎᔭᐅᓂᐊᓕᕐᑎᓪᓗᒋᑦ ᐊᕕᒃᑐᕐᑕᐅᓚᐅᕐᑐᑦ ᐃᓕᓯᕆᒧᑦ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓴᕆᐊᓕᒥᐅᓪᓗ ᐃᓚᒌᑦ ᓯᕗᓕᕐᑎᖏᓐᓄᑦ ᑖᒃᑯᐊ ᑐᓂᐅᖅᑬᓚᐅᕐᐳᑦ ᓄᓇᒥᒃ ᓇᓚᐅᑦᑖᕈᑎᒃᑯᑦ ᐊᑕᓂᐅᑉ ᓵᖓᓂ ᓮᓗᐊᒥ, ᑐᐱᐅᑉ ᑲᑎᒪᕕᐅᔫᑉ ᐃᑎᕐᑕᕐᕕᖓᓃᓪᓗᑎᒃ. ᑍᒤᓕᐅᕐᓗᑎᒃ ᐱᔭᕇᓚᐅᕐᐳᑦ ᓄᓇᒥᒃ ᐊᕕᒃᑐᐃᓂᖓᑦ.