ᔫᐱᐅᑉ ᐊᒡᓚᖏᑦ 22 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᖃᖃᑎᒌᖕᓂᐅᑉ ᐱᖓᔪᖓᑦ 22:1—27:23 ᐃᓕᐹᓯ

¹ ᑕᕝᕙ ᐃᓕᐹᓯ ᑎᒪᓁᑎᒥᐅᖅ ᑭᐅᕗᖅ:

² “ᐃᓄᒃ ᐱᕙᓪᓕᕈᑕᐅᔪᓐᓇᕐᐹ ᒎᑎᒧᑦ? ᓯᓚᑐᔫᒍᓂ ᐱᕙᓪᓕᕐᑎᑦᓯᔪᓐᓇᕋᔭᕐᐹ ᑖᑦᓱᒥᖓ?

³ ᐊᔪᒐᖃᖏᑦᑐᖅ ᖃᓄᖅ ᖁᕕᐊᓱᒃᑎᒃᑲᔭᕐᐱᐅᒃ ᓇᓛᒎᕐᓂᕐᓄᑦ? ᖃᓄᕐᓗ ᐱᕙᓪᓕᕐᑎᑕᐅᒐᔭᕐᐹ ᐱᓂᐊᕐᓂᒃᑯᑦ ᐸᓯᔭᒃᓴᐅᖏᒃᑯᕕᑦ?

⁴ ᑖᑦᓱᒥᖓ ᓯᕘᕋᒋᔭᖃᕐᓂᕐᓄᑦ ᐋᖅᑭᒋᐊᓚᕿᕚᑏᑦ? ᐃᖅᑲᕐᑐᐃᕕᖕᒧᓪᓗ ᐃᑎᖃᑎᒋᓪᓗᑎᑦ?

⁵ ᐱᐅᖏᑦᑐᓕᓯᒪᓗᐊᕐᓂᕐᓄᑦ ᑕᒪᓐᓇ ᑍᒤᑎᑕᐅᓐᖏᓛᖅ? ᐊᔪᕐᑐᓕᓂᕕᓪᓗ ᐅᓄᓗᐊᕐᓂᖏᓐᓄᑦ ᑍᒤᑦᔪᑎᖃᓐᖏᓛᖅ?

⁶ ᐃᓚᒋᔭᕐᓂᒃ ᐊᑭᓖᑎᑦᓯᖃᑦᑕᕐᓯᒪᒐᕕᑦ ᓱᓇᐅᖏᑦᑐᒧᑦ, ᐊᓐᓄᕅᔭᕐᓗᒋᓪᓗ ᓱᓇᑕᖃᕈᓐᓁᕐᑎᓪᓗᒋᑦ ᕿᒪᒃᐸᒃᓗᒋᑦ.

⁷ ᑕᖃᒪᔪᓂᒃ ᐃᒥᕈᒃᑐᓂᒃ ᐃᒥᕐᑎᑦᓯᖃᑦᑕᕐᓯᒪᖏᓐᓇᕕᑦ, ᑳᒃᑐᓂᒡᓗ ᓂᕆᑎᑦᓯᖃᑦᑕᕐᓯᒪᓇᒃ.

⁸ ᐱᔪᓐᓇᕐᓂᓕᐊᓘᓯᒪᒐᕕᑦ ᓄᓇᖁᑎᖃᕐᓗᑎᓪᓗ, ᐅᐱᒋᔭᐅᓪᓗᑎᓪᓗ ᑕᕝᕙᓂ ᓄᓇᒋᔭᕐᓂ.

⁹ ᐅᐃᒡᒐᕐᓃᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᖃᑦᑕᓚᐅᕐᐸᑎᑦ, ᐃᓕᐊᕐᔪᐃᓪᓗ ᐱᔪᓐᓇᕐᓂᖏᓐᓂᒃ ᐊᕐᓵᕐᐸᒡᓗᒋᑦ.

¹⁰ ᑍᒤᒻᒪᑦ ᒫᓐᓇ ᐊᕙᑎᓕᒫᕐᓂ ᓂᒐᕐᑕᖃᓕᕐᐳᖅ, ᓂᕆᐅᓇᖏᑦᑐᓄᓪᓗ ᑲᑉᐱᐊᓇᕐᑐᓄᑦ ᖁᐊᕐᓵᖓᑎᑕᐅᓕᕐᓗᑎᑦ;

¹¹ ᑖᕐᓯᐅᓕᕐᓯᒪᒐᕕᑦ, ᑕᑯᔪᓐᓁᓪᓕᓯᒪᕗᑎᑦ, ᐅᓗᑦᔭᐅᓂᕐᒧᓪᓗ ᐅᓕᒃᑕᐅᓯᒪᓕᕐᓗᑎᑦ.

¹² ᒎᑎ ᖁᑦᓯᒃᑐᒦᓐᖏᓛᖅ ᕿᓚᖕᒥ? ᐅᓪᓗᕆᐊᓂᒃ ᐊᒧᑦ ᑕᑯᓐᓇᕐᐸᒃᑐᖅ ᖁᑦᓯᖕᓂᕐᐹᖑᒐᓗᐊᓂᒃ.

¹³ ᑍᒤᑎᓪᓗᒍᓕ ᐅᖃᕐᐸᒃᐳᑎᑦ, ‘ᒎᑎ ᖃᐅᔨᒪᒐᓗᐊᕐᐹ? ᓄᕗᔭᓄᑦ ᑖᕐᑐᓄᑦ ᑕᓕᐅᒪᑎᑕᐅᓗᓂ ᐃᖅᑲᕐᑐᕈᓐᓇᕐᐹᑎᒎᑦ?

¹⁴ ᓄᕗᑦᑕᕆᒃᑐᒧᑦ ᑕᓕᐅᒪᑎᑕᐅᒐᒥ ᑕᑯᔪᓐᓇᓐᖏᓚᖅ, ᕿᓚᐅᑉ ᐃᒡᓗᕕᒐᐅᔮᕐᑑᑉ ᖁᓛᒍᑦ ᐱᓱᑲᑕᑐᐃᓐᓇᕋᒥ.’

¹⁵ ᐱᐅᖏᑦᑐᓕᔪᑦ ᐊᖅᑯᓯᓂᖏᑎᒍᑦ ᓄᑕᐅᖏᑦᑐᒃᑯᑦ ᐊᖅᑯᑎᖃᖃᑕᐅᔪᒪᕖᑦ?

¹⁶ ᑐᖁᕕᒃᓴᖏᑦ ᓇᓪᓕᐅᑎᓚᐅᕐᑎᓐᓇᒋᑦ ᑎᒍᔭᐅᑲᓪᓚᒃᓯᒪᕗᑦ; ᑐᓐᖓᕕᒋᔭᖓᑦ ᐅᓕᕕᒡᔪᐊᒧᑦ ᐅᓗᑦᔭᐅᓚᐅᕐᒪᑦ.

¹⁷ ᒎᑎᒧᑦ ᐅᖃᓚᐅᕐᒪᑕ, ‘ᐅᕙᑦᑎᓐᓂᑦ ᕿᒪᕉᑎᓚᐅᕆᑦ! ᖃᓄᖅ ᐊᔪᒐᖃᖏᑦᑐᖅ ᐅᕙᑦᑎᓐᓄᑦ ᐱᓇᓱᐊᕈᓐᓇᕐᐹ?’

¹⁸ ᓱᓕᓕ ᐊᖏᕐᕋᖏᑦ ᐊᔪᕐᓴᕈᓐᓁᕐᑎᓚᐅᕐᐰᑦ ᐱᐅᔪᓂᒃ; ᐱᐅᖏᑦᑐᓕᔪᓪᓕ ᐃᓱᒪᒋᔭᖏᑦ ᐱᖃᑕᐅᕕᒋᔪᓐᓇᓐᖏᓚᒃᑲ.

¹⁹ ᐃᓱᐊᕐᑐᓕᔪᓪᓕ ᑕᒪᑐᒥᖓ ᑕᑯᒐᒥᒃ ᖁᕕᐊᓱᒃᐳᑦ; ᐸᓯᔭᒃᓴᐅᖏᑦᑐᑦ ᐃᔪᕐᐳᑦ ᑖᒃᑯᐊ ᒥᑕᐅᑎᒋᓪᓗᒋᑦ,

²⁰ ᐅᖃᕐᓗᑎᒃ, ‘ᐊᑭᕋᕐᑐᕐᑎᑦᑕ ᐱᖁᑎᓕᒫᖏᑦ ᓄᖑᑕᐅᕗᑦ, ᐊᒥᐊᒃᑯᓕᒫᖏᓪᓗ ᐃᑯᒪᒧᑦ ᓄᖑᑕᐅᓪᓗᑎᒃ.’

²¹ ᒎᑎᒥᒃ ᐊᑭᕋᕐᑐᕈᓐᓁᕐᓗᑎᑦ, ᓮᒻᒪᖃᑎᒋᓕᕈᒃ; ᑍᒤᓕᐅᕈᕕᑦ ᑕᕝᕙ ᐱᐅᔪᒥᒃ ᑎᑭᑕᐅᓂᐊᐳᑎᑦ.

²² ᑖᑦᓱᒪ ᓇᖕᒥᓂᖅ ᐊᔪᕆᕐᑑᓯᖏᑦ ᐃᓚᓕᐅᓕᒃᑭᑦ, ᐅᖃᐅᓯᖏᓪᓗ ᑐᖅᑯᕐᓗᒋᑦ ᐆᒻᒪᑎᖕᓄᑦ.

²³ ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ, ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,

²⁴ ᒎᓗᖁᑎᑎᑦ ᐃᓕᓗᒋᑦ ᓄᓇᒧᑦ, ᒎᓗᖁᑎᑎᓪᓗ ᐱᐅᓂᕐᐹᑦ ᐅᐱᕼᐃᒥᐅᑍᑦ ᐃᓕᓗᒋᑦ ᕾᕐᑐᑦ ᖂᖕᓂᖏᓐᓄᑦ,

²⁵ ᐊᔪᒐᖃᖏᑦᑐᖅ ᒎᓗᖁᑎᒋᓕᕈᕕᐅᒃ, ᓯᐅᓪᕕᕆᖁᑎᒋᓕᕐᓗᒍ ᑕᑯᒥᓇᕐᑐᕐᔪᐊᖅ.

²⁶ ᑕᕝᕙ ᖁᕕᐊᓇᕐᑐᒥᒃ ᓇᓂᓯᓂᐊᕐᐳᑎᑦ ᐊᔪᒐᖃᖏᑦᑐᒥᑦ, ᖁᒻᒧᓪᓗ ᐋᕐᓗᕐᕕᒋᓂᐊᕈᕕᐅᒃ ᒎᑎ.

²⁷ ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

²⁸ ᑕᒪᓐᓇ ᑐᑭᑖᕈᑎᒋᒍᕕᐅᒃ, ᑕᕝᕙ ᐱᕙᓪᓕᐊᓕᕐᓂᐊᕐᐳᑎᑦ, ᐊᖅᑯᑎᒃᓴᑎᓪᓗ ᓯᕗᓂᕐᓂ ᖃᐅᒻᒪᒃᑎᑕᐅᓯᒪᓕᕐᓂᐊᕐᐳᑦ.

²⁹ ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ, ᐱᐅᔪᕆᖏᑦᑐᓪᓕ ᐱᐅᓕᕔᑦ.

³⁰ ᑖᑦᓱᒪ ᐸᓯᔭᒃᓴᐅᖏᑦᑐᑦ ᓴᐳᑎᕔᑦ; ᑖᑦᓱᒪ ᓴᐳᑎᓂᐊᕐᐹᑎᑦ ᐱᓂᐊᕐᓂᑎᑦ ᐸᓯᔭᒃᓴᐅᓂᖃᖏᑉᐸᑕ.”