Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ᐃᓕᓯᒪᓃᑦ ᐃᒃᓖᓯᐊᓯᑏᔅ 6 - ᐊᒡᓔᑦ ᐃᑦᔪᕐᖕᓁᑦᑐᑦ

1 ᐱᐅᖏᑦᑐᒥᒃ ᑕᑯᓯᒪᒋᕗᖓ ᓯᕿᓂᐅᑉ ᐊᑖᓂ ᐊᑐᕐᑕᐅᔪᒥᒃ, ᐃᓄᖕᓂᓪᓗ ᐅᓄᕐᑐᓂᑦ ᐊᑐᕐᑕᐅᓪᓗᓂ:

2 ᒎᑎᐅᑉ ᐃᓄᒃ ᑐᓂᓯᕕᒋᕚ ᐊᔪᕐᓴᖏᑦᔪᑎᓂᒃ, ᑮᓇᐅᔭᖃᕐᔪᐊᕐᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᓱᓇᒥᒃ ᑭᖒᒪᒋᔭᖃᖁᓇᒍ ᐱᔪᒪᔭᓕᒫᒥᓂᒃ; ᒎᑎᐅᓪᓕ ᑖᒃᑯᓂᖓ ᐃᒻᒥᓄᑦ ᐊᑐᕐᑎᓐᖏᓛ, ᓄᓇᖃᑎᒋᓐᖏᑕᖓᓂᓪᓕ ᑕᒪᒃᑯᐊ ᓄᖑᑕᐅᕗᑦ. ᑕᒪᓐᓇ ᑐᑭᖃᓐᖏᓚᖅ, ᐱᐅᖏᑦᑐᒧᓪᓗ ᐋᓐᓂᐊᕐᑎᑕᐅᓂᐅᓪᓗᓂ.

3 ᐊᖑᑦ ᕿᑐᕐᖓᕐᑖᕐᐸᑦ 100ᓂᒃ ᐃᓅᓗᓂᓗ ᐊᕐᕌᒍᓂᒃ ᐅᓄᕐᑐᓂᒃ, ᐅᓪᓗᓂᒃ ᐅᓄᕐᑐᕐᔪᐊᓂᒃ ᐃᓅᒐᓗᐊᕈᓂ ᐊᕐᕌᒍᓂ ᐃᓅᕕᒋᔭᒥᓂ, ᖁᕕᐊᓱᒍᑎᖃᖏᒃᑯᓂᓕ ᐃᓅᓯᕐᒥ ᐱᐅᔪᓂᒃ, ᐃᓗᕕᕐᑕᐅᑦᓯᐊᖏᓪᓗᓂᓗ, ᑍᒤᑉᐸᑦ ᑐᖁᖓᓪᓗᓂ ᐃᕐᓂᐊᖑᓚᐅᕐᑐᖅ ᑖᑦᓱᒪᓐᖓᑦ ᐱᐅᓂᕐᓴᐅᕗᖅ.

4 ᓱᕙᓕᑭᐊᕐᒧᑦ ᑎᑭᑉᐳᖅ ᑖᕐᑐᒧᓪᓗ ᐂᓪᓗᓂ, ᐊᑎᖓᓗ ᑖᕐᑐᒥᒃ ᐅᓕᒃᓯᒪᕗᖅ.

5 ᓯᕿᓂᕐᒥᒃ ᑕᑯᓚᐅᖏᒃᑲᓗᐊᕋᒥ ᓱᓇᒥᒡᓘᓐᓃᑦ ᖃᐅᔨᓚᐅᖏᒃᑲᓗᐊᕋᒥ ᐃᓄᖕᒥᑦ ᐊᔪᕐᓴᖏᑦᑐᒥᑦ ᐃᓂᓪᓚᖓᑦᓯᐊᕐᓂᕐᓴᐅᕗᖅ.

6 ᐃᓅᒐᓗᐊᕈᓂ ᐊᕐᕌᒍᓂᒃ 1,000ᓂᒃ ᒪᕐᕈᐃᕐᑑᑎᓪᓗᐊᖏᓐᓂᒃ, ᐱᐅᔪᒥᒡᓗ ᖃᐅᔨᖏᓪᓗᓂ. ᑕᒪᕐᒥᒡᓕ ᐊᑕᐅᓯᕐᒧᑦ ᐂᖏᓛᑦ?

7 ᐃᓅᑉ ᑎᒥᒥᓄᑦ ᓴᓇᓗᓂ ᐊᒃᓱᕈᕐᓂᖏᑦ ᖃᓂᕐᒧᑦ ᑐᕌᕐᑐᐃᓐᓇᐅᕗᑦ, ᐃᓄᖕᒥᒡᓕ ᐊᕿᐊᑦᑐᕐᑎᑦᓯᓐᖏᓚᑦ.

8 ᓱᓇᒥᒃ ᓯᓚᑐᔪᖅ ᐊᔪᖏᓐᓂᕐᓴᐅᑦᔪᑎᖃᕐᐹ ᓯᓔᑦᑐᒥᑦ? ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᔪᖅ ᐃᓄᐃᑦ ᑕᒃᑯᐊᓂ ᐃᒻᒥᓂᒃ ᑲᒪᒋᑦᓯᐊᕈᓐᓇᕐᐹᑦ?

9 ᐱᐅᓂᕐᓴᐅᒋᕗᖅ ᐃᔩᒃ ᑕᑯᓐᓇᑦᓯᐊᕐᐸᑎᒃ ᓇᒧᑐᐃᓐᓇᖅ ᐃᒃᓯᒎᕐᓂᕐᒥᑦ. ᑕᒪᓐᓇᑦᑕᐅᖅ ᑐᑭᖃᓐᖏᓚᖅ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᑑᔮᕐᓂᖅ.

10 ᐱᑕᖃᕐᑐᑦ ᐊᑎᖃᕐᑎᑕᐅᓕᕇᕐᒪᑕ, ᖃᐅᔨᒪᔭᐅᓚᐅᕐᐳᕐᓗ ᐃᓅᖕᒪᑦ; ᐃᓄᒡᓗ ᓵᓚᖃᕋᓱᐊᕈᓐᓇᓐᖏᓚᖅ ᐃᒻᒥᓂᑦ ᓴᓐᖏᓂᕐᓴᐅᔪᒥᒃ.

11 ᓱᓇᑐᐃᓐᓁᑦ ᐅᓄᕐᓯᖕᒪᑕ ᑐᑭᖃᖏᑦᑐᑦ ᐊᖏᓂᕐᓴᐅᓕᕐᐳᑦ, ᖃᓄᕐᓕ ᐃᓅᑉ ᓇᓪᓕᐊ ᐱᐅᓂᕐᓴᐅᕚ?

12 ᑭᓇᓕ ᖃᐅᔨᒪᕙ ᐃᓅᑉ ᐱᕙᓪᓕᕈᑎᒃᓴᖓᓂᒃ ᐃᓅᓯᕐᒥ, ᐅᓪᓗᐃᑦ ᐃᓅᔭᖏᑦ ᓱᕙᓕᑭᐊᖑᔪᑦ, ᐊᓂᒍᕐᐸᓪᓕᐊᕗᑦ ᑕᕐᕋᕐᑐᑦ? ᑭᐊᓗ ᐃᓄᒃ ᐅᖃᐅᑎᔪᓐᓇᕐᐸᐅᒃ ᐊᑐᕈᒫᕐᑐᓂᒃ ᑖᑦᓱᒪ ᑭᖑᓂᖓᓂ ᓯᕿᓂᐅᑉ ᐊᑖᓂ?

Eastern Arctic Inuktitut Bible © Canadian Bible Society, 2012, 2021-2023.

Canadian Bible Society
ကြှနျုပျတို့နောကျလိုကျပါ:



ကြော်ငြာတွေ