ᑯᕉᓂᑲ ᐂᑉᐸᖏᑦ 18 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᒥᑬᐊᐅᑉ ᐃᓂᕐᑎᕆᓂᖓ ᐂᕼᐊᐱᒥᒃ

¹ ᔨᕼᐆᓴᐸᑦ ᐊᒃᓗᐃᑦᑐᒻᒪᕆᐅᓚᐅᕐᐳᖅ ᐅᐱᓐᓇᕐᓗᓂᓗ, ᓄᓕᐊᕐᑖᕐᓂᕐᒥᒍᓪᓗ ᐃᓚᓕᐅᑎᓚᐅᕐᐳᖅ ᐂᕼᐊᐱᒧᑦ.

² ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓪᓗᒋᑦ ᐂᕼᐊᑉᒥᒃ ᐳᓛᕆᐊᕐᐳᖅ ᓴᒥᐊᕆᐊᒦᑦᑐᒥᒃ. ᐂᕼᐊᑉᓗ ᑐᖁᑦᓯᕗᖅ ᓰᐱᓂᒃ ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᐅᓄᕐᑐᕐᔪᐊᓂᒃ ᑖᓐᓇ ᐱᓪᓗᒍ ᐃᓚᒋᔭᖏᓐᓄᓪᓗ, ᐃᓇᓐᓇᓱᐊᕐᐹᓗ ᕌᒪᑦ-ᒋᓖᑎᒧᑦ ᐅᓇᑕᖃᑎᒋᔪᒪᓪᓗᒍ.

³ ᐂᕼᐊᑉᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ ᔨᕼᐆᓴᐸᑦᒧᑦ ᐅᖃᕐᐳᖅ, “ᐅᓇᑕᕆᐊᖃᑎᒋᔪᓐᓇᕐᐱᖔ ᕌᒪᑦ-ᒋᓖᑎᒨᑦ?” ᑭᐅᕚ, “ᐃᓕᒃᑐᑦ ᑍᒤᑉᐳᖓ, ᐃᓄᖁᑎᒃᑲ ᐃᓄᖁᑎᒋᕙᑎᑦ, ᐃᓚᒋᓂᐊᕐᐸᑦᑎᒋᑦ ᐅᓇᑕᕐᓂᕐᒥ.”

⁴ ᔨᕼᐆᓴᐸᑦᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐅᖃᐅᓯᖓᓂᒃ ᖃᐅᔨᒋᐊᖅᑳᕐᑐᒃᓴᐅᕗᒍᒃ.”

⁵ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, ᐊᖑᑏᑦ 400, ᐅᖃᐅᑎᓪᓗᒋᓪᓗ, “ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑎᒧᑦ, ᐅᕝᕙᓗ ᐅᓇᑕᕆᐊᕐᑐᒃᓴᐅᓐᖏᓚᒎᑦ?” ᑖᒃᑯᐊ ᐅᖃᐅᑎᕚᑦ, “ᑕᑉᐸᐅᖓ ᐂᓕᕆᑦ, ᒎᑎᐅᑉ ᐊᖓᔪᖅᑳᕐᔪᐊᑉ ᐊᒡᒐᖏᓐᓄᑦ ᑐᓂᓂᐊᕐᐰᑦ.”

⁶ ᔨᕼᐆᓴᐸᑦᓕ ᐅᖃᕐᐳᖅ, “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᐱᑕᖃᕆᐊᓪᓚᓐᖏᓛᖅ ᐊᐱᕆᔪᓐᓇᕐᑕᑦᑎᓐᓂᒃ?”

⁷ ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᑭᐅᕗᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᐊᐱᕆᔪᓐᓇᕐᑕᑦᑎᓐᓂᒃ ᐊᑕᓂᐅᑉ ᐅᖃᐅᓯᖓᓂᒃ, ᒤᑬᐊ ᐃᒻᓚᐅᑉ ᐃᕐᓂᖓ; ᑭᓯᐊᓂᓕ ᐆᒥᒋᕙᕋ, ᐱᐅᔪᓂᒃ ᐅᖃᕈᓐᓇᖏᒻᒪᑦ ᐅᕙᓐᓄᑦ, ᐱᐅᖏᑦᑐᒥᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

⁸ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᕾᖁᔨᕗᖅ ᐊᖓᔪᖅᑳᖑᔪᒥᒃ ᐅᖃᐅᑎᓪᓗᒍᓗ, “ᒤᑬᐊ ᐃᒻᓚᐅᑉ ᐃᕐᓂᖓ ᑐᐊᕕᓪᓗᓯ ᕾᖁᓯᐅᒃ.”

⁹ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᓗ ᔫᑕᐅᑉ ᐊᖓᔪᖅᑳᕐᔪᐊᖓ ᐊᓐᓄᕌᕐᓯᒪᕘᒃ ᐅᓕᒡᔪᐊᒥᖕᓂᒃ, ᐊᑐᓂᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᑎᒃ; ᐃᕖᔧᕕᐅᑉ ᓇᑎᖓᓂ ᓴᒥᐊᕆᐊᑉ ᐃᑎᕐᑕᕐᕕᖓᑕ ᓯᕗᕌᓂ; ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᓯᕗᕌᓂ ᐅᖃᓪᓚᒃᑎᓪᓗᒋᑦ.

¹⁰ ᔨᑎᑬᐊ ᓯᓈᓇᐅᑉ ᐃᕐᓂᖓ ᓴᓇᓯᒪᕗᖅ ᐃᒻᒥᓄᑦ ᓇᒡᔪᓂᒃ ᓴᕕᕋᔭᖕᓂᒃ, ᐅᖃᕐᓗᓂᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐅᑯᖕᓄᖓ ᓯᕆᐊᒥᐅᑦ ᑐᖁᕋᕈᒫᕐᐸᑎᑦ ᓄᖑᓚᐅᖅᑳᕐᑎᓐᓇᒋᑦ.’”

¹¹ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑍᒫᑦᓮᓐᓇᖅ ᐅᖄᕗᑦ ᐅᖃᕐᓗᑎᒃ, “ᑕᑉᐸᐅᖓ ᐂᓕᕆᑦ ᕌᒪᑦ-ᒋᓖᑎᒧᑦ ᓵᓚᖃᕆᐊᕐᑐᕐᓗᑎᑦ, ᐊᑕᓂᐅᑉ ᐊᖓᔪᖅᑳᕐᔪᐊᑉ ᐊᒡᒐᖏᓐᓄᑦ ᑐᓂᓂᐊᕐᐹ.”

¹² ᐅᖃᕆᐊᕐᑐᕐᑎᑕᐅᔪᖅ ᒤᑬᐊᒧᑦ ᐅᖃᕐᐳᖅ, ᐅᖃᐅᑎᓪᓗᒍ, “ᑕᑯᒋᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐊᑕᐅᓯᐅᓕᖅᑲᖓᔪᒥᒃ ᐅᖃᓪᓚᒃᐳᑦ ᑲᔪᖏᕐᓮᓪᓗᑎᒃ ᐊᖓᔪᖅᑳᕐᔪᐊᕐᒥᒃ; ᑍᒫᒃᑕᐅᖅ ᐃᕝᕕᑦ ᐅᖃᐅᓯᖏᑎᑐᑦ ᐅᖃᓕᕆᑦ ᑲᔪᖏᕐᓮᓗᑎᑦ ᐊᖓᔪᖅᑳᕐᔪᐊᕐᒥᒃ.”

¹³ ᒤᑬᐊᓕ ᐅᖃᕐᐳᖅ, “ᐊᑕᓂᖅ ᐃᓅᖕᒪᑦ, ᒎᑎᒪ ᐅᖃᖁᔭᖓᓂᒃ, ᐅᖃᕐᓂᐊᕐᐳᖓ.”

¹⁴ ᐊᖓᔪᖅᑳᕐᔪᐊᕐᒧᑦ ᑎᑭᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒥᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑎᒧᑦ, ᐅᕝᕙᓘᓐᓃᑦ ᐅᓇᑕᕆᐊᕐᑐᒃᓴᐅᓐᖏᓚᖓ?” ᑖᑦᓱᒪ ᑭᐅᕚ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᑍᒃᑯᐊ ᐊᒡᒐᖕᓄᑦ ᑐᓂᔭᐅᓂᐊᕐᐳᑦ.”

¹⁵ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᖃᑦᓯᐊᕐᑎᕐᓗᖓ ᐅᖃᐅᑎᖃᑦᑕᕆᐊᖃᕐᐱᒌᑦ ᐅᖃᖁᓪᓗᑎᑦ ᓱᓕᓪᓚᕆᑦᑐᒥᒃ ᐊᑕᓂᐅᑉ ᐊᑎᖓᓂ?”

¹⁶ ᐅᖃᐅᑎᕚᓗ, “ᐃᓴᕆᐊᓕᒥᐅᓕᒫᑦ ᑕᑯᓚᐅᕐᐸᒃᑲ ᓯᐊᒻᒪᕐᓯᒪᑎᓪᓗᒋᑦ ᖃᖅᑬᑦ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑕᖏᕐᓗᑎᒃ ᐊᑐᓂᑦ ᐊᖏᕐᕋᓕᕐᓕᑦ ᐃᓱᒫᓗᖏᓪᓗᑎᒃ.’”

¹⁷ ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᒧᑦ ᐅᖃᕐᐳᖅ, “ᐅᖃᐅᑎᓚᐅᓐᖏᓚᒌᑦ? ᐱᐅᔪᓂᒃ ᐅᖃᓪᓚᓚᐅᕐᓯᒪᖏᓐᓂᖓᓂᒃ ᐅᕙᓐᓅᑦ, ᐱᐅᖏᑦᑐᓂᒃ ᑭᓯᐊᓂ.”

¹⁸ ᒤᑬᐊᓗ ᐅᖃᓕᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ: ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᔪᖅ ᐃᒃᓯᕙᐅᑕᕐᔪᐊᕐᒥᓂ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᑐᑦ ᑕᓕᕐᐱᐊᓂ ᓴᐅᒥᐊᓂᓗ;

¹⁹ ᐊᑕᓂᕐᓗ ᐅᖃᕐᐳᖅ, ‘ᑭᐊᓕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐂᕼᐊᑉ ᑎᓕᐅᕐᓂᐊᕐᐸᐅᒃ ᐂᖁᓗᒍ ᕌᒪᑦ-ᒋᓖᑎᒧᑦ ᑲᑕᖁᓪᓗᒍ?’ ᐃᓚᖏᑦ ᐃᒫᒃ ᐅᖃᕐᐳᑦ, ᐃᓚᖏᓪᓗ ᐃᒫᒃ ᐅᖃᕐᓗᑎᒃ.

²⁰ ᑕᕝᕙ ᐊᓂᕐᓂᖅ ᓯᕗᒧᐊᒃᐳᖅ ᓇᖏᕐᓯᓪᓗᓂᓗ ᐊᑕᓂᐅᑉ ᓵᖓᓂ, ᐅᖃᕐᓗᓂ, ‘ᑎᓕᐅᕈᒪᕙᕋ.’ ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’

²¹ ᐅᖃᐅᑎᕚᓗ, ‘ᐅᕙᖓ ᐊᓂᕐᓂᐅᓗᖓ ᓴᒡᓗᓂᕐᒥᒃ ᐅᖃᕐᑎᖏᑕ ᖃᓂᖏᓐᓄᑦ ᐃᓕᓯᓂᐊᕐᐳᖓ.’ ᐊᑕᓂᐅᑉ ᐅᖃᐅᑎᕚ, ‘ᑲᔪᖏᕐᓴᕐᓂᐊᕐᐸᑦ, ᓵᓚᖃᕐᓂᐊᕐᐳᑎᑦ; ᐂᓕᕆᑦ ᑍᒤᓕᐅᕆᐊᕐᑐᕐᓗᑎᑦ.’

²² “ᒫᓐᓇ ᑍᒤᒻᒪᑦ ᑕᑯᒋᑦ, ᐊᑕᓂᐅᑉ ᐊᓂᕐᓂᕐᒥᒃ ᓴᒡᓗᔪᒥᒃ ᐅᖃᕐᑎᓕᒫᑎᑦ ᖃᓂᖏᓐᓄᑦ ᐃᓕᓯᕕᒋᓯᒪᕔᑦ; ᐊᑕᓂᐅᑉ ᐱᐅᖏᑦᑐᒥᒃ ᐅᖃᐅᓯᕆᓯᒪᕚᑎᑦ.”

²³ ᑕᕝᕙ ᔨᑎᑬᐊᐅᑉ ᓯᓈᓇᐅᑉ ᐃᕐᓂᖓᑕ ᐅᐸᒃᐹ ᒤᑬᐊᓗ ᐸᑎᒃᐹ ᐅᓗᐊᖓᒍᑦ, ᐅᖃᐅᑎᓪᓗᒍᓗ, “ᖃᖓ ᐊᑕᓂᐅᑉ ᐊᓂᕐᓂᖓ ᐅᕙᓐᓂᓐᖔᕐᓗᓂ ᐃᓕᖕᓄᑦ ᐅᖃᓪᓚᓕᕐᓂᕐᐸ?”

²⁴ ᒤᑬᐊᐅᑉ ᐅᖃᐅᑎᕚ, “ᑕᑯᒋᑦ, ᐅᓪᓗᖅ ᓇᓪᓕᐅᑎᒃᐸᑦ ᖃᐅᔨᔪᒫᕐᐳᑎᑦ ᐃᔨᕆᐊᕐᑐᕈᕕᑦ ᐃᒡᓗᕈᓯᐅᑉ ᐃᓗᓪᓕᕐᐹᖓᓄᑦ.”

²⁵ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐅᖃᕐᐳᖅ, “ᒤᑬᐊ ᑎᒍᔭᐅᓗᓂ ᐅᑎᕐᑎᑕᐅᓕ ᐋᒪᓐᒧᑦ ᐃᒡᓗᒐᓮᑦ ᐊᐅᓚᑦᓯᔨᖓᓄᑦ, ᔪᐊᓯᒧᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᓄᑦ,

²⁶ ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ, ᐅᓇ ᑎᒍᔭᐅᒪᕕᖕᒧᐊᕐᑕᐅᓕ, ᓂᕿᖃᕐᑎᓪᓗᒍᓗ ᓂᐅᖂᔭᒥ ᐃᒥᕐᒥᒡᓗ ᐊᓯᖃᖏᑦᑐᓂᒃ, ᐅᑎᖅᑳᕐᑎᓐᓇᖓ ᖃᓄᐃᖏᑦᓯᐊᕐᓗᖓ.’”

²⁷ ᒤᑬᐊᓕ ᐅᖃᕐᐳᖅ, “ᐅᑎᕐᓂᐊᕈᕕᑦ ᖃᓄᐃᖏᑦᓯᐊᕐᓗᑎᑦ, ᑕᕝᕙ ᐊᑕᓂᖅ ᐅᕙᒃᑯᑦ ᐅᖃᓪᓚᒃᓯᒪᒐᔭᓐᖏᓚᖅ.” ᐅᖃᒃᑲᓐᓂᕐᐳᕐᓗ, “ᓈᓚᒋᑦᓯ ᐃᓄᓕᒫᖑᔪᓯ, ᐅᖃᐅᓯᕆᔭᓐᓂᒃ!”

ᐂᕼᐊᐱᐅᑉ ᑐᖁᓂᖓ

²⁸ ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᓗ ᔫᑕᒥᐅᑦ ᐊᖓᔪᖅᑳᕐᔪᐊᖓ ᐂᓚᐅᕐᐴᒃ ᕌᒪᑦ-ᒋᓖᑎᒧᑦ.

²⁹ ᐃᓴᕆᐊᓕᒥᐅᑦ ᐊᖓᔪᖅᑳᖓ ᐅᖃᕐᐳᑦ ᔨᕼᐆᓴᐸᑦᒧᑦ, “ᐅᕙᓐᓂᒃ ᐃᓕᑕᕐᓇᕈᓐᓃᕐᑎᓪᓗᖓ ᐅᓇᑕᕆᐊᕈᒪᕗᖓ, ᐃᕝᕕᓪᓕ ᐅᓕᒡᔪᐊᑦ ᐊᑐᓕᕈᒃ.” ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐃᓕᑕᕐᓇᕈᓐᓃᕐᑎᑉᐳᖅ; ᐅᓇᑕᕆᐊᓕᕐᓗᑎᒡᓗ.

³⁰ ᓯᕆᐊᒥᐅᓪᓕ ᐊᖓᔪᖅᑳᕐᔪᐊᖓᑦ ᑎᓕᓯᓚᐅᕐᐳᖅ ᐊᖓᔪᖅᑳᖁᑎᒥᓄᑦ ᐊᒃᓴᓗᐊᓕᖕᒦᑦᑐᓄᑦ ᐅᖃᐅᑎᓪᓗᒋᑦ, “ᐅᓇᑕᕐᑍᓕᒋᑦᓯ ᒥᑭᔪᓂᒃ ᐊᖏᔪᓂᒡᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂᒃ ᑖᑦᓱᒥᖓᑐᐊᖅ ᐱᓇᓱᐊᕐᓂᐊᕐᐳᓯ.”

³¹ ᐊᒃᓴᓗᐊᓕᖕᓃᑦᑐᑦ ᐊᖓᔪᖅᑲᐅᔪᑦ ᑕᑯᒐᒥᒃ ᔨᕼᐆᓴᐸᑦᒥᒃ ᐅᖃᕐᐳᖅ, “ᑍᑲ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ!” ᑖᑦᓱᒥᖓᓗ ᐅᓇᑕᕆᐊᓕᕐᐳᑦ; ᔨᕼᐆᓴᐸᑦᓕ ᐊᑕᓂᕐᒧᑦ ᕾᒐᓛᕐᐳᖅ ᐃᑲᔪᕐᑕᐅᔪᒪᓪᓗᓂ, ᐊᑕᓂᐅᓪᓗ ᐃᑲᔪᓕᕐᐹ. ᒎᑎᐅᓪᓗ ᓴᖑᑎᑉᐰᑦ ᑖᑦᓱᒪᓐᖓᑦ.

³² ᐊᒃᓴᓗᐊᓕᖕᓂᒡᓕ ᐊᖓᔪᖅᑳᑦ ᑕᑯᒐᒥᒃ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᖏᓐᓂᖓᓂᒃ, ᕿᒪᒃᐹᑦ ᒪᓕᒍᓐᓃᕐᓗᒍ.

³³ ᐊᖑᑏᓪᓕ ᐃᓚᖓᑦ ᐱᓯᒋᐊᕐᐳᖅ ᑕᕝᕗᖓᑐᐃᓐᓇᖅ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᓴᐴᓗᑕᖓᑕ ᓴᒡᕕᖕᒥᐅᑕᖓᑕᓗ ᑭᒡᓕᖓᒍᑦ ᐱᓯᒃᐹ; ᑍᒤᒻᒪᑦ ᐅᖃᕐᐳᖅ ᐊᖁᑎᒥᓄᑦ ᐊᒃᓴᓗᐊᓕᖕᓄᑦ, “ᐅᑎᕆᐊᓕᕆᖅ ᕿᒪᐅᑎᓗᖓ ᐅᓇᑕᕐᑐᓂᑦ, ᐃᑭᓕᕐᑕᐅᒐᒪ.”

³⁴ ᐅᓇᑕᕐᑐᒻᒪᕆᐊᓘᓚᐅᕐᐳᑦ ᑕᕝᕙᓂ ᐅᓪᓗᒥ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐃᑲᔫᓯᕐᓯᒪᓪᓗᓂ ᕿᒧᒃᓯᐅᑎᒧᑦ ᐊᒃᓴᓗᐊᓕᖕᒧᑦ ᓯᕆᐊᒥᐅᑦ ᓵᓐᖓᓚᐅᕐᐰᑦ ᐅᓐᓄᒃ ᑎᑭᓪᓗᒍ; ᓯᕿᓂᕐᓗ ᓂᐱᑎᓪᓗᒍ ᑐᖁᕗᖅ.