Umatta 13 - Ibibemuwe-Num Iyiki Ifa Ru Dũya

Unyaka arherhe uner uwuku udoi abin

¹ Ru unum hã Uyesu adzeki iya azĩ aseisa ru ubang ukau.

² Ikikɔng anera irhɛirhɛ iki ikɔng idziranga, itsu unga atsĩ ru ukhukhɔɔ amɛ̃ asei umɔ. Ikikɔnga idɛ̃ɛ̃ ru ubang ukau ha.

³ Mɔcɛ unga adɛyiwe umbɔ abina arhɛrhɛ ru unyaka arherhe agɛ, <

⁴ Unga adɛ̃ɛ̃ inna ikpũ hã, ikpũ iyɔɔ igbei nu utsĩndĩ anunu aba akpɔuke iyi ha kanying.

⁵ Iyɔɔ igbei ru ukpɔrha, abĩ asi iweke akarhãrhã. Ngge imɛr kanying ubinkutsu, abĩ anang hã asi ighorke.

⁶ Bɔr ivangyɛ unum uku umani iyi ha ikoingge, ubinkutsu, ngge iki ishingge ra anũnang.

⁷ Ikpũ iyɔɔ igbei ri ididɔk, ngge isɛng itong ngge iyi ha.

⁸ Ikpũ iyɔɔ igba ra abĩ aka aze, anangkɛ ngge iki ighwɛr ikpũrhã ananaka, iyɔɔ isɔka utɔ̃tɔ̃ĩ use isɔka itaitaar.

⁹ Unga uwuku awe ra ato, neke unga agũ.>>

¹⁰ Angwɛ̃ imesa ha aba arhusa unga agɛ, <>

¹¹ Unga agɔr umbɔ agɛ, <

¹² Uwuruwi aka awe ru ihwihwɛng awuri itomuwe unga akpo arhɛrhɛ. Uwuruwi aka ashia, awuri iyɛse ungwɛ̃rhĩ ihwihwɛng ha unga aka awerangge.

¹³ Umum irherhuwe umbɔ arherhe nggu unyaka arherhe ubinkutsu, <

¹⁴ Irhɛm uwuku usɔm Arherhu-Num Uishaya iki itsuifɛrngge ra atsimbɔ. Iki igɔr igɛ, <<

¹⁵ Ubinkutsu, amɛn anera abɛrɛ awe akerketake, aghong umbɔ agũ nggu atombɔ, aka abvurkumbɔ asumbɔ. Iba isi iwengge rimi, umbɔ awuri anyãmbɔ nggu asumbɔ, umbɔ awuri igũmbɔ nggu atombɔ, na ahwɛngmbɔ nggu amɛnmbɔ, na adzipa aba ru umum ikerhuwe umbɔ.>

¹⁶ Bɔr idorh iwe iyi asumbi ubinkutsu, ake adɛ̃ɛ̃ anyãke, nu atombi ubinkutsu ake adɛ̃ɛ̃ agũke.

¹⁷ Umum indɛyiwa umbi idzidzɛrhe, abika asɔm Arherhu-Num nu abika arhurhika arhɛrhɛ aka abee inyã ubinkpi umbi aka anyã bɔr asi inyãmbɔ, use agũ ubinkpi umbi aka agũ, bɔr asi igũmbɔ.

¹⁸ <<Àka akpeto na agũ agben unyaka arherhe uner uwuku unna ikpũ abin hã.

¹⁹ Ivangyɛ ubɛn unera aka agũ arherhe Iyɛrhe afã na asi ihwɛnga ake, Undenggũ unga aka isaka aba avur ubinkpi umbɔ aka adoi ra amɛnnga. Iwu ikpũ iyiki igba ru utsĩndĩ.

²⁰ Iyiriyɛ iki igba ra ukpɔrha, iwe ru nyaku uwuku ugũ arherhe ha na ayɛi nggu anggɔm.

²¹ Bɔr unga aka ashia ra anũnang, asi idãrhũnga. Ivang arherhe ha aki ikũ uver nggu ayetnum uba, unga awuri izĩ ra andzing.

²² Iyiriyɛ iki igba ra anang ididɔk ngge iwe ru nyaku uwuku ugũ arherhe ha, bɔr iwãrhãna abin upfung ri ibee iwe ru ubin ibɛrh ni ikɛnngge arherhe ha ighwɛr ikpũrhã.

²³ Bɔr iyiriyɛ iki igba ra abĩ aka aze iwe ru nyaku uwuku ugũ arherha ha na ahwɛnga ake. Unga aghwɛr ikpũrhã, ananaka, isɔka utɔ̃tɔ̃ĩ, use isɔka itaitaar idikunga nggu ubinkpi umbɔ aka adoi.>>

Unyaka arherhe ubĩĩ ri itsem

²⁴ Uyesu abvui adzowe umbɔ unyaka arherhe akɔɔ agɛ, <

²⁵ Bɔr ivangyɛ anera kishoo aka awu ru urhɔ, unggamtsaknga azĩ adoi ikpũ ubĩĩ ri icang itsem hã na azĩã.

²⁶ Ivangyɛ ikpũ abin hã iki imɛr, umɔ ubĩĩ igakpɔ umɛr.

²⁷ <

²⁸ <<

²⁹ <

³⁰ Àka aneke ake aseng urhɔnga utsɛku ivang iyiki ititeng. Ri ivang hã umum iwuri ĩdɛyikũ abi aka ateng hã, umbɔ agbaashia ateng ubĩã hã apfuma, aboyi atsã atsã, umbɔ akpĩĩwe, bɔr akarhi itsema aba atsuku ungbanmum.> >>

Unyaka arherhe ishaa ikpũ iyiki ici

³¹ Unga abvui adɛyiwe umbɔ unyaka arherhe akɔɔ agɛ, <

³² Ngge iwu iyiki icia ri ikpũ abin, bɔr ngge iki imɛr iseng, ngge iwu ucucii uwuku ugɔng, anunu akang ashiyake ra aboka.>>

Unyaka arherhe aki uga

³³ Unga abvui adzowe umbɔ unyaka arherhe akɔɔ agɛ, <>

³⁴ Uyesu adɛyiwe ikikɔng anera kishoo abin akɛrɛ nggu unyaka arherhe. Unga asi irherhunga ubin ukpɔɔ umɔ uku usi iwekpɔ unyaka arherhe.

³⁵ Ngge itsuifɛr ubin uwuku usɔm Arherhu-Num aka arherhe agɛ, <>

Agben unyaka arherhe ubĩĩ ru itsem

³⁶ Mɔcɛ unga abɔre ikikɔng anera na atsĩã ri iya. Angwɛ̃ imesanga aba agɔr unga agɛ, <>

³⁷ Unga agɛ, <

³⁸ Icang hã ngge iwe upfung, ikpũ iyiki ize ha iwe angwɛ̃ Iyɛrhe afã. Ubĩĩ uwe angwɛ̃ Undenggũ.

³⁹ Nu unggamtsak uwuku udoi ubĩĩ hã, awu Undenggũ. Ivang iyiki iteng hã, awe imimaa upfung, abika atuteng hã awe ípfu itser-Num.

⁴⁰ <

⁴¹ Ungwɛ̃-Ner awuri idene ípfu itsernga ngge idze, iwuri ikpotuwe Iyɛrhe afãnga ubɛn ubin uku utsu igba ra arhim nu kishoo abika akorhi iyiki ibewe.

⁴² Umbɔ awuri itare abika abewunga ri ikon urha, ra anangkɛ umbɔ aka iciu akpe na atãi anyĩ.

⁴³ Mɔcɛ abika arhika awuri irhang ru nyaki ishaa unum ri Iyɛrhe Utɛmbɔ. Unga uwuku awe ra ato, neke unga agũ.

Unyaka arherhe abin ugarh ri iwɔk

⁴⁴ <
Unyaka arherhe utarh ukpuku uwe ru ugarh

⁴⁵ <

⁴⁶ Ivangyɛ unga aka akpo utarh ugarh ha akarhãrhã, unga azĩ agoshuka kishoo abinkɛ unga aka awe ra ake na agoi utarh ugarh ha.

Unyaka arherhe itang igber

⁴⁷ <

⁴⁸ Ivangyɛ ngge iki itɔk, abi udɛm agbiir azĩ ru ubang ukau ukugɔng hã. Mɔcɛ umbɔ asei na atɛng abɛrh aka azea atsuku uzing na atare akika abewe.

⁴⁹ Iwuri iwe rimi ri imimashu upfung. Ípfu itser-Num iwuri iba igashuwe abika abewe nggu abika arhurhika.

⁵⁰ Umbɔ awuri itare abika abewunga ri ikon urha, ra anangkɛ umbɔ aka iciu akpe na atãi anyĩ.>>

⁵¹ Uyesu arhusa agɛ, <> Umbɔ agɛ, <<Ĩĩ.>>

⁵² Unga agɔr umbɔ agɛ, <>

Akpɛ̃mbɔ Uyesu ru Unazarat

⁵³ Ivangyɛ Uyesu aka amaa unyaka arherhe akɛrɛ, unga abɔruka anang hã.

⁵⁴ Ivangyɛ unga aka aba utepunga, unga atirhi imesuwe anera ru ubã ifɛn-Nummbɔ. Umbɔ adzeidzeu na arhusa agɛ, <

⁵⁵ Asi iwea uwɛrɛ ha awu ungwɛ̃ ukapinta ha? Asi iwea uyanga umbɔ iki iyisa Umaryamu? Asi iwea angwɛ̃mbɔ rabɛ, umbɔ Uyaku nu Uyusuf nu Usiman nu Uyahuda?

⁵⁶ Asi iwea kishoo anapumbɔ rabɛ nggu umɛn? Awu rinɛɛ unga aka akpo kishoo abin akɛrɛ ha?>>

⁵⁷ Mɔcɛ umbɔ agũ avɔm nggu unga. Bɔr Uyesu agɔr umbɔ agɛ, <>

⁵⁸ Awu ida imangmangmbɔ itsu unga asi ikorhunga abin idzeu arhɛrhɛ nggɔɔ ha.