Umarku 3 - Ibibemuwe-Num Iyiki Ifa Ru Dũya

Uner ushai ubok ru Ukafarnahum

¹ Ivang iyɔɔ unga aka atsĩ ru abã ifɛn-Num, uner uwɔɔ umɔ nggu uboknga ushushai.

² Abɔɔ abee ubinkpi umbɔ aka ikũ akpo uvau ru Uyesu. Umbɔ atsu asumbɔ nu unga use unga awuri ikikerhuka utsak ha ru unum ukpuku uwosha.

³ Uyesu agɔr uner uwuku ushai ubok ha agɛ, <>

⁴ Uyesu arhusa umbɔ agɛ, <> Bɔr umbɔ asei ukutata.

⁵ Unga arhi adziira umbɔ ra avɔm, amɛnnga adake ra amɛn aka akermbɔ, unga agɔr uner ushai ubok ha agɛ, <> Unga anamu uboknga udzek, Kanying ukpɔ ukerhukpɔ.

⁶ Mɔcɛ abi Ufarisi adzek akɛki itsũwã nggu aner Uhiridu, abee udĩ ukpuku ufɛr Uyesu.

Ikikɔng idɔsu Uyesu

⁷ Uyesu adzek nggu angwɛ̃ imesanga azĩmbɔ ubang ukau, arhɛrha anera adzeku Ugarhirhi adɔsa unga.

⁸ Umbɔ aka agũ abinkɛ unga aka akorhe kishoo, anera arhɛrhɛ aka adzeku Uyahudiya aba ru unga, nu Urusharhima, nu Uidumiya, nu abi ugar Azɛ̃ Urdun, nu aner Utaya nu Usidon.

⁹ Anera aka arhɛmbɔ, unga agɔr angwɛ̃ imesanga akpowe ukhukhɔɔ amɛ̃ uwuku uci adzowe unga, utsur anera afĩĩmbɔ unga.

¹⁰ Unga akerhuka anera arhɛrhɛ, nggee abi irhãrhã abee izĩ ra asu abanga unga.

¹¹ Ivangyɛ ípfu iyiki ibewe iki inyã unga, ngge igba nú abĩ ra anangnga ni itsui ivum igɛ, <>

¹² Bɔr unga avange ngge niba idɛyikungge unera unerwi unga aka awe.

Isɛng abi itser Uyesu usɔkdũmɛn

¹³ Uyesu afũã igũ na ayisa abirabɛ unga aka abee, umbɔ aba ru unga.

¹⁴ Unga asɛng usɔkdũmɛn umbɔ aka iwe abi itser Uyesu ugɛ umbɔ awe nggu unga, nú unga adene umbɔ adzek adzise isarhe.

¹⁵ Umbɔ awuri iyiyɛimbɔ ijee iyiki itsusuwe ípfu iyiki ibewe.

¹⁶ Umbɔ hã abɛ, usɔkdũmɛn hã unga aka asɛng, Usiman, uwu ha Uyesu aki iyisa Ubitru,

¹⁷ nu Uyaku ungwɛ̃ Uzabadi nu ungwɛ̃mbɔ Uyohana, abirabɛ Uyesu iki iyisa ugɛ Ubuwarnaji, agbena agburh <>

¹⁸ nu Uandarawu, nu Ufirhibu, nu Ubatorhomi, nu Umatiyu, nu Utoma, nu Uyaku ungwɛ̃ Uharhfa, nu Utaddiyu, nu Usiman uner Ukan'ana,

¹⁹ nu Uyahuda Uiskariyoti uwuku ugha adaknga.

Uyesu nu Uba'arhzaburh

²⁰ Mɔcɛ Uyesu abvui atsĩ ri iya. Anera abvui akɔng ikɛi, utsɛku unga nu angwɛ̃ imesanga asi idɛ̃ɛ̃ aghambɔ ubingha.

²¹ Abi iyambɔ aka agũ rimi, asok azĩmbɔ idzur unga. Anera anu igɔr agɛ, <>

²² Abika amesuwe Ikpem igambɔ adzeku Urusharhima aba agɔr agɛ, <>

²³ Nggee Uyesu ayisa umbɔ na arherhuwe umbɔ unyaka arherhe agɛ, <

²⁴ Iyɛrhe iba igaungge itsingge, iyɛrha ha isi ídɛ̃ɛ̃ngge.

²⁵ Iya iba igauke itsike, iya ha isi ídɛ̃ɛ̃ke.

²⁶ Rimi Ushaitan aba ugapa itsinga, unga asi ídɛ̃ɛ̃nga, imimashanga iki ibangge.

²⁷ Idzidzɛrhe, unera asi ídɛ̃ɛ̃ atsĩã ri iya uner uwuku uker akarhuka abinnga, awuri itirhi abow uner uwuku uker ha. Mɔcɛ unga awuri idɛ̃ɛ̃ avura abin iya ha.

²⁸ Umum idɛyiwa umbi idzidzɛrhe, kishoo arhim nu irhenu Unum anera aki ikorhe, awuri itsitsũwũkumbɔ ake.

²⁹ Bɔr ubɛn uwuku urhenu Ipfu Isarsatangge asi ítsũwũkumbɔ unga, awu ra arhim aki ugbagbaa.>>

³⁰ Unga arherhe rimi, ubinkutsu umbɔ aka agɔr agɛ, <>

Uya Uyesu nu angwɛ̃mbɔ

³¹ Mɔcɛ uya Uyesu nggu angwɛ̃mbɔ aba atsĩ. Adɛ̃ɛ̃ nú awiya, na adene uwɔɔ unga ayisuwe Uyesu.

³² Ikikɔnga isei adziira unga, umbɔ adɛyiwe unga agɛ, <>

³³ Unga arhusa umbɔ agɛ, <>

³⁴ Unga arhi abirabɛ aka asei adziira unga na agɛ, <

³⁵ Ubɛn unera aka ikorhu ubinkpi Unum aka abema, unga awu ungwɛ̃mɛn nu unapumɛn nu uyamum.>>