Umarku 11 - Ibibemuwe-Num Iyiki Ifa Ru Dũya

Uyesu atsĩ Urusharhima nggu ininang

¹ Umbɔ aka aba akhapa ru Urusharhima ru Ubetafaji ru Ubetani Igũ Acucii Uzaitun, Uyesu adene angwɛ̃ imesanga avaa.

² Agɔr umbɔ agɛ, <<Àka azĩ ru ungwɛ̃rhũ uteu ukpɔɔ ra asumbi, ubɛn itsitsĩmbi, umbi awuri inyãmbi ungwɛ̃ uzhika umbɔ aka abow, unera aka anasi ifũã umgbɔ. Àka agarha umgbɔ akũ aba.

³ Unera aba arhusunga umbi agɛ, Àka agɔr unga agɛ, >>

⁴ Umbɔ azĩ anyã ungwɛ̃ uzhika uku udɛ̃ɛ̃ ru ubang utsĩndĩã, ubow ra angwĩ iya. Umbɔ atirhi igarha umgbɔ.

⁵ Abirabɛ aka adɛ̃ɛ̃ umɔ arhusa umbɔ agɛ, <>

⁶ Umbɔ adzipa arherhe ubinkpi Uyesu aka adɛyiwe umbɔ. Aner ha neke umbɔ akũ ungwɛ̃ uzhika ha azĩmbɔ.

⁷ Ivangyɛ umbɔ aka akũ ungwɛ̃ uzhika ha aba ru Uyesu na abɛtuwe antamambɔ nu undzingmgbɔ, Uyesu afũ asei nu umgbɔ.

⁸ Anera arhɛrhɛ abɛtuwe antamambɔ nu utsĩndĩã, abɔɔ agbɛyi ayerhe ri icang abɛtuwe nu utsĩndĩã.

⁹ Abika awu ra asunga na abika aba ra andzingnga atsui ivum agɛ, <

¹⁰ Idorh iwe ri ibiba iyɛrhe utɛmɛn Udauda! Ikpikpoi iwe afafã ra afã.>>

¹¹ Uyesu aka atsĩ Urusharhima, azĩã ri Iya-Num atsĩ arhisa abina kishoo. Nggayɛ unum uku utsĩkpɔ, nggee unga abvui adzek azĩã Ubetani nggu angwɛ̃ imesanga usɔkdũmɛn.

Uyesu atsuke ikponum ru uvorhvo

¹² Ukpe unum uvaa umbɔ aka asoku Ubetani, imerh ifɛr Uyesu.

¹³ Unga aka anyã ucucii uvorhvo ukukaa uku ukpusha ayerhe udɛ̃ɛ̃, unga azĩa ibee ikpũrhã ru umgbɔ. Ivangyɛ unga aka azĩ atsĩ ru umgbɔ, unga asi ikpoa ubin, ayerhe ukpekũ ake akpusha adɛ̃ɛ̃, ubinkutsu, asi iwea ivang ikpũrhũ uvorhvo.

¹⁴ Mɔcɛ unga agɔr uvorhvo ha agɛ, <> Angwɛ̃ imesa igambɔ agũmbɔ ubinkpi unga aka arherhe.

Uyesu asare Iya-Num

¹⁵ Umbɔ aka atsĩ Urusharhima, Uyesu atsĩ ri Iya-Num atirha awayiwe abika agoi igoi nu abika agugoyiwe umɔ. Akwɛr atsime atebur abika afaruwe uhwɛk nu anang isei abika agoyiwe anurhɛu.

¹⁶ Akɛna anera ikũ ubin ukpuku ugoiwe atɔng ra angwĩ Iya-Num.

¹⁷ Unga amesuwe anera agɛ, < Nggayɛ umbi atsu ike iwu utai uwoyi avɛu.>>

¹⁸ Ateiya abika adzowe idɛm-Num nu abika amesuwe Ikpem aka agũ arherhe akɛrɛ umbɔ abee utsĩndĩ uwuku ufɛre unga, na agũ iwei unga ubinkutsu anera kishoo adzeidzeu imesanga.

¹⁹ Urhɛɛ uku uwe, Uyesu nu angwɛ̃ imesanga adzembɔ ru uteu ha.

Ucucii uvorhvo uwuku usherhe

²⁰ Ru ukpeeka, umbɔ aka atɔng, umbɔ anyã ucucii uvorhvo ha uku ukoyi kishoo nggu anunanga.

²¹ Ubitru ayita na agɔr Uyesu agɛ, <>

22 Uyesu agɔr umbɔ agɛ, <<Àka awe ru imangmang ru Unum!

²³ Umum indɛyiwa umbi idzidzɛrhe, unera aba agɔr igũ iyɛrɛ agɛ, unga aba asi icicanga ra amɛnnga nu ubinkpi unga aka arherhe, na awea ri imangmang awuri ikorhukumbɔ unga.

²⁴ Nggee umum idɛyiwa umbi, ubɛn ubinkpi umbi aka ifɛna ru ifɛn-Num, aka awe ru imangmang ugɛ umbi aka akpombi ukpɔ, ukpɔ iwuri iwu ukpumbi.

²⁵ Ikɛi ubɛn ivangyɛ umbi aka idɛ̃ɛ̃ na afɛn-Num, umbi aba awembi ra avɔm nggu unera, àka atsũwe uner ha, nu Utɛmbi uwu afã atsũwã umbi ra arhimmbi.>>

Acucang ijee Uyesu

²⁷ Umbɔ aka abvui atsĩ Urusharhima, Uyesu atsĩ azɛ̃rhã ri irhɛrh Iya-Num nukpi, umɔ ateiya abika adzowe idɛm-Num, nu abika amesuwe Ikpem nu anggbaashi anera aba ru unga.

²⁸ Agɔr unga agɛ, <>

²⁹ Uyesu agɔr umbɔ agɛ, <

³⁰ Ubɔtisima Uyohana udzeka afã use udzeka anera? Àka adɛyiwa umum!>>

³¹ Umbɔ akɛki itsũwã nggu adɔkambɔ, agɛ, < unga awuri irhusa umɛn agɛ,

³² Bɔr umɛn iba igɔr ugɛ, umɛn igũ iwei anera abɛrɛ, ubinkutsu, umbɔ anyangu Uyohana awu uner uwuku usɔm Arherhu-Num.>>

³³ Nggee umbɔ agɔr Uyesu agɛ, <> Uyesu agɔr umbɔ agɛ, <>