Irhuka 7 - Ibibemuwe-Num Iyiki Ifa Ru Dũya

Imangmang unggba iwa abi iwa

¹ Ivang Uyesu aka amaa arherhe kishoo ri igigũ anera, unga atsĩã Ukafanahum.

² Nggɔɔ ha ugãrhã unggba iwa abi iwa, uwuruwi uteiyanga aka abema akarhãrhã, aghonga unga akpurha abɔra akpe.

³ Unggba iwa abi iwa ha agũ isarhe Uyesu na adene akakũ abi Uyahuda azĩmbɔ ru unga, ashɔ̃rhũ Uyesu amaa aba akerhuwe ugãrhãnga.

⁴ Ivangyɛ umbɔ aka aba ru Uyesu, umbɔ ashɔ̃rhã unga akarhãrhã agɛ, <

⁵ ubinkutsu abema abĩmɛn. Unga adzin abã ifɛn-Nummɛn.>>

⁶ Nggee Uyesu asok azĩã nggu umbɔ. Unga aka ayoki iya, uteiya abi iwa ha adene awɛrhanga umbɔ azĩ agɔr unga agɛ, <

7 Ngge itsu umum inyã umum ibɔtũci umum iki inba ru ungo. Bɔr urherhu urhɛm, nu ugãrhãmum awuri ikerhunga.

⁸ Umum iwe ru ubok ijee, abi iwa abɔɔ awu ru ubokmum. Igɔr uwɛrɛ inggɛ, unga azĩã, nu uwɔrɔ inggɛ, unga abanga. Umum iba igɔr ugãrhãmum inggɛ, unga akorhe.>>

⁹ Uyesu aka agũ rimi, unga adzeidzeu ru unga. Na adzipa udika anera aka adɔsa unga, na agɛ, <>

¹⁰ Mɔcɛ, aner ha umbɔ aka adene umbɔ itser ha, abvui atsĩwã ri iya akpo ugãrhã ha aka akerhunga.

Uyesu azituwe ungwɛ̃ utsɛ̃rhãpfu

¹¹ Asi idãrhũmbɔ, nu Uyesu azĩã uteu ukpɔɔ ugburh Unayin, angwɛ̃ imesanga nu anera arhɛrhɛ azĩmbɔ nggu unga.

¹² Unga aka ayoka ra angwĩ uteu ha, anyã ukom umbɔ aka atsã, ukom hã uwu unanyĩ ungwɛ̃ utsɛrh uwɔɔ. Anera arhɛrhɛ adzeku utepa adɔsu utsɛ̃rhãpfu ha.

¹³ Ivangyɛ Uteijee aka anyã utsɛrh ha, atorh afɛr unga. Unga agɔr unga agɛ, <>

¹⁴ Unga agɔpa azĩ abangu ukom hã, abika atsã ukom hã adɛ̃ɛ̃ uku udzik. Unga agɛ, <>

15 Ukom hã uso asei isei nu utirha arherhe. Uyesu adzowuka unga ru uyisunga.

¹⁶ Kishoo agũ iwei, na akpoi Unum agɛ, <>

¹⁷ Isarhe iyɛrɛ ri itsi Uyesu itɛ̃rhã imaangge abĩ abi Uyahudiya nu ikãwãngge.

Uyesu nu Uyohana Uner Ubɔtisima

¹⁸ Angwɛ̃ imesu Uyohana adɛyiwe unga ifɛrhɛ ha kishoo. Uyohana ayisa angwɛ̃ imesanga avaa,

¹⁹ adene umbɔ azĩ arhusu Uteijee, agɛ, <>

²⁰ Ivangyɛ aner ha aka azĩ atsĩ ru Uyesu, agɔr unga agɛ, < >>

²¹ Ri ivang hã Uyesu akerhuwe arhɛrha anera abika awe ru uver ri irhãrhã, nu ípfu iyiki ibewe, na ayanguwe asu abi ibvuta arhɛrhɛ.

²² Nggee unga adzipa agɔr abika akũ itser ha aba agɛ, <<Àka abvui azĩ adɛyiwe Uyohana ubinkpi umbi aka anyã na agũ. Abi ibvuta anyãmbɔ, akatarhu azɛ̃rhũmbɔ uzɛ̃rhã, abi ingbim akerhumbɔ, abi igbau agũmbɔ, ikom isongge nggu urhɛ, adzowukumbɔ Isarhe Iyiki Ize ra atsũwã.

²³ Unum awuri idzowuka idorh ru unerwi aka asi icicanga imangmangnga ri itsimum.>>

²⁴ Angwɛ̃ itser Uyohana aka azĩmbɔ, Uyesu atirha arherhe nggu ikikɔnga ri itsi Uyohana agɛ, <

²⁵ Ngge iba isi iwengge rimi, ude umbi azĩ izɛrhu use? Umbi azĩ izɛrhe unera aka atsim atorho imang? Ishingge rimi, abika igũibɛn na atsim atorho imang, aka isaka akpombɔ ra adzepurhe iyɛrhe ru utepa.

²⁶ Bɔr umbi adzek azĩ izɛrhu use? Uwuku usɔm Arherhu-Num? Ĩĩ, umum idɛyiwa umbi, ananga uwuku usɔm Arherhu-Num.

²⁷ Unga hã uwi umbɔ aka atsɛng ra Arherhu-Num ri itsinga agɛ, <<

²⁸ Umum idɛyiwa umbi, abirabɛ akatsɛrh aka amar kishoo, unera asi igɔnga Uyohana. Rimi hã, uwuku ucia ri Iyɛrhe Unum agɔnga unga Uyohana.>>

²⁹ Anera kishoo, nu abika ayɛsu ikirbi abĩ aka agũ irhɛm Uyesu, umbɔ abema ugɛ utsĩndĩ Unum uwu uku uzea, ubinkutsu Uyohana aka akorhuka umbɔ ubɔtisima.

³⁰ Bɔr abi Ufarisi nu abika amesuwe Íkpem Umusa akpɛ̃mbɔ ubinkpi Unum aka abee ikorhuwe umbɔ, ubinkutsu Uyohana anasi ikorhuka umbɔ ubɔtisima.

³¹ <

³² Awu ru nyaka awɛkaci aki iseyi ra anang izɛɛ na ayisa adɔkambɔ agɛ, <<

³³ Uyohana Uner Ubɔtisima aka aba, asi itãinga uborodi, asi ihwaa adɛ, umbi agɔra agɛ,

³⁴ Nggayɛ Ungwɛ̃-Ner aka aba agha na ahwa, umbi agɛ,

³⁵ Bɔr awu itser unera iwuri idɛyiwe ugɛ unga awea ri itsoi.>>

Utsɛrh arhim adzukuwe atsei nú Uyesu

³⁶ Utsa Ufarisi uwɔɔ ayisu Uyesu igha ubingha, Uyesu atsĩ ri iya utsa ha azĩ asei ra anang ubingha.

³⁷ Utsɛrh uwɔɔ ru uteu ha awu ra arhim. Ivangyɛ unga aka agũ ugɛ Uyesu awe ri igha ubingha ri iya utsa Ufarisi ha, unga azĩ nggu udzoma atsei isung imang akarhãrhã.

³⁸ Unga adɛ̃ɛ̃ udiku undzingnga, udika adaknga, aciu awua anyĩ ra adaknga, na akũ igwar itsinga adzukuwe, na atar uwɛɛ, na atsuke atsei isung hã nu ake.

³⁹ Ivang utsa Ufarisi uwuku uyisa unga, aka anyã rimi, unga agɔr ra amɛnnga agɛ, <>

⁴⁰ Uyesu agɔr unga agɛ, <> Unga agɛ, <>

41 Uyesu agɛ, <

⁴² Ikivarhambɔ ashimbɔ ri imangyɛ umbɔ aka ifai unga. Unga anekuka umbɔ ikivarhambɔ. Uwukusong awuri ibema unga anang udɔka?>>

⁴³ Usiman agɔr unga agɛ, <> Uyesu agɛ, <>

⁴⁴ Mɔcɛ unga adzipa arhi udiku utsɛrh ha na agɔr Usiman agɛ, <

⁴⁵ Ungo usi idzaango umum imor nu itar uwɛɛ, bɔr utsɛrh uwurɛ udzur ri ivangyɛ umum iki itsĩwã ri iya ikɛrɛ unga anasi nekuka idzaa umum imor nu itang awɛɛ.

⁴⁶ Ungo usi itsukango atsei ni itsimum, bɔr unga atsukanga atsei isung ra adakmum.

⁴⁷ Nggee, umum idɛyiwa ungo, aka itsũwũkumbɔ arhɛrha arhimnga ha, ibibemanga iwu irhɛrhɛ. Bɔr uwuruwi umbɔ aka atsũwe arhim ukunjiir, abema ukunjiir.>>

⁴⁸ Mɔcɛ, Uyesu agɔr utsɛrh ha agɛ, <>

⁴⁹ Atsen abɔɔ atirhi igɔr adɔkambɔ agɛ, <>

⁵⁰ Uyesu agɔr utsɛrh ha agɛ, <>