Irhuka 6 - Ibibemuwe-Num Iyiki Ifa Ru Dũya

Uteijee unum ukpuku uwosha

¹ Unum ukpuku uwosha ukpɔɔ Uyesu azɛ̃rhã atɔng ri icang arhkama, angwɛ̃ imesanga agbiu azang arhkama adzuka ra abokmbɔ, na atãi ishaanga.

² Abi Ufarisi abɔɔ arhusa agɛ, <>

³ Uyesu agɔr umbɔ agɛ, <

⁴ Unga atsĩ ru Utsurha-Num, azĩ anyangu ubingha umbɔ anɛmuwe ru Unum, adiki ighigha nggu abi uzɛ̃rhãnga. Ikpem iki igɔr igɛ abika adzowe idɛm-Num ukpekũ umbɔ igha ubingha ha.>>

⁵ Mɔcɛ Uyesu agɔr umbɔ agɛ, <>

Uner ubok ukpuku ushai

⁶ Ru unum ukpuku uwosha ukpɔɔ unga atsĩ ru abã ifɛn-Num amesuwe anera, uner uwɔɔ umɔ ubok ughanga ushushai.

⁷ Abi Ufarisi nu abika amesuwe Ikpem arhi ubin umbɔ aka ikũ atsu uvau ru Uyesu. Nggee umbɔ awing asumbɔ arhi unga use unga awuri ikerhuka ru unum ukpuku uwosha.

⁸ Bɔr Uyesu ahwɛnga ifɛrhkɔmbɔ, umɔ unga agɔr uner uwuku ushai ubok ha agɛ, <> Utsa ha asok aba adɛ̃ɛ̃ umɔ.

⁹ Mɔcɛ Uyesu agɔr umbɔ agɛ, <>

¹⁰ Unga arhi adzipa umbɔ kishoo, na agɔr uner ushai ubok ha agɛ, <> Unga ayɛrhu uboknga, ukpu udiki ikikerhe kishoo.

¹¹ Akɛrɛ ha atsu umbɔ asoyi avɔm akarhãrhã na atirhi arherhe nggu adɔkambɔ ubin umbɔ aka ikorhuwe Uyesu.

Uyesu atsũ abi itsernga usɔkdũmɛn

¹² Unum ukpɔɔ ri inum hã Uyesu azĩ afũã igũ azĩ ifɛn-Num, amaa utsuu unum hã kishoo anu ifɛn-Num.

¹³ Ivangyɛ ukpe uku usar unga ayisa angwɛ̃ imesanga aba ru unga, umɔ unga atsũ usɔkdũmɛn, na ayisa umbɔ abi itsernga.

¹⁴ Usiman uwu ha unga aka atar unga agburh Ubitru, nu ungwɛ̃mbɔ Uandarawu, nu Uyaku, nu Uyohana, nu Ufirhibu, nu Ubatorhomi,

¹⁵ nu Umatiyu, nu Utoma, nu Uyaku ungwɛ̃ Uharhfa, nu Usiman umbɔ iki iyisa Uzarhoti,

¹⁶ nu Uyahuda ungwɛ̃ Uyaku, nu Uyahuda Uiskariyoti uwuku ugha adak.

Igũibɛn nggu atorh

¹⁷ Unga acipuwa nggu umbɔ azĩ adɛ̃ɛ̃mbɔ ri idɛɛ iyɔɔ. Arhɛrha angwɛ̃ imesanga akɔng umɔ, nu arhɛrha anera aka adzeka abĩ Uyahudiya nu Urusharhima, nu abɔɔ aka adzeku ubang azɛ̃ Utaya nu Usidon.

¹⁸ Umbɔ aka aba igosha unga, unga akerhuwe irhãrhãmbɔ. Abika agũ uver nggu ípfu iyiki ibewe ikɛi akerhumbɔ.

¹⁹ Anera kishoo akɔka abee ibanga unga, ubinkutsu unga akerhuwe umbɔ kishoo nggu nggaa ijeenga.

²⁰ Unga arhi angwɛ̃ imesanga, na agɛ, <

²¹ Idorh iwu iyimbi abika agũ imerh icɛrɛ, umbi awuri ishuurmbi. Idorh iwu iyimbi abika adɔng icɛrɛ, umbi awuri inyĩrhũmbi unyĩrhã.

²² Idorh iwu iyimbi anera iki ikpɛ̃na umbi na awayiwe umbi na arhena umbi, na agũ ashĩ umbi ugɛɛ umbi awu abi amɛn aka abewe ni itsi umbi aka adɔsu Uyesu Ungwɛ̃-Ner.

²³ <<Àka agɔm ru unum hã na atengasha nggu anggɔm, ubinkutsu ugbɛtambi uwu ugɔgɔngakpɔ ra afã. Rimi hã ateimbɔ aka akorhuwe abika asɔm Arherhu-Num.

²⁴ <

²⁵ Atorhmbi abika awu ra ashur icɛrɛ, ubinkutsu umbi awuri igbambi imerh. Atorhmbi abika anyĩrhũ unyĩrhã icɛrɛ, ubinkutsu umbi awuri idɔngmbi na aciu.

²⁶ Atorhmbi ivang anera kishoo iki irherhe iyiki ize ru atsimbi, ubinkutsu atokambɔ aka isaka akorhe rimi nggu abika asɔm Arherhu-Num igbɛrangwĩ.

Ibema igamtsak

²⁷ <

²⁸ Àka atsuke idorh ra abika arhena umbi, àka afɛne-Num ra abika ayɔm umbi.

²⁹ Unera aba akwɛra ungo nu utamngo, udzipuwe utam ukpu uvaa ikɛi. Unera aba avura atorhango akagɔng, niba ukɛnɔ unga atorha akɔɔ akaci.

³⁰ Udzowe ubɛn unera aka afɛnu ubinngo, unera aba avura ubinngo, niba ubvui uyɛsɔ.

³¹ Ukorhuwe anera ubinkpi ungo uku ubee umbɔ akorhuwa ungo.

³² <

³³ Umbi aba akorhi iyiki ize nggu abika akorhuwa umbi iyiki ize, umbi awu ru use ugbɛtunga? Uko abi arhim aka isaka akorhe rimi hã.

³⁴ Umbi aba adzowe ikɔw ra abirabɛ umbi aka afosa ugɛ adɛ̃ɛ̃ afaimbɔ, ugbɛtɛ umbi uwu use? Abi arhim aka isaka adzowukumbɔ ikɔw ra abi arhim na ayɛi uku kpengkpeng.

³⁵ Bɔr àka abema anggamtsakmbi, àka akorhe iyiki ize ru umbɔ, àka adzowe umbɔ ikɔw niba arhimbi usu ififai. Mɔcɛ ugbɛtambi uwu ugɔgɔng, umbi awuri iwe angwɛ̃ Nggaa Uwuku Ugɔng, ubinkutsu unga aka amutuka abika akpɛ̃ itar uwɛɛ nu abi amɛn aka abewe.

³⁶ Àka awu abika agũ atorh, ru nyaka Utɛmbi ra afã aka awu uwuku ugũ atorh.

Itsu uvau ra abɔɔ

³⁷ <

³⁸ Àka adzowe, awuri idzaambɔ umbi. Ugbiu utsutɔk, nu ujer, nu uzusa, nu utɔk, nu ubɔr ugba. Ugbiuwi umbi aka akũ amei, awuri ikũ ugbiu ha amei adzaa umbi.>>

³⁹ Uyesu adɛyiwe umbɔ unyaka arherhe agɛ, <

⁴⁰ Ungwɛ̃ imesa asi inangnga uner uwuku umesuwe unga, bɔr ubɛn unera umbɔ aka amesuwe unga abina kishoo, awuri iwea ru nyaku uner uwuku umesuwe unga.

⁴¹ <

⁴² Ungo ukorhu uguse nu ugɔr undɔkango ugɛ, ri ivangyɛ ungo uku usi idɛ̃ɛ̃ unyãɔ ungbũngkũ ru usu ukpungo? Ungo uner ukpukpeta, utirhu utsũwe ugbũkũ uwɔ ra asungo, nu urhi utai nu utsũwe umbumbin ru usu undɔkango.

43 <

⁴⁴ Ahwɛng ubɛn ucucii ri ikpũrhãngge. Asi íkɔɔrmbɔ ikpũrhũ uvorhvo ru ididɔk, use ikpũrhĩ ihwerhe ru ididɔk.

⁴⁵ Uner uwuku uze, aka isaka akũwã abin aka aze, akirakɛ aka awe ra amɛnnga. Uner uwuku ubewe, aka isaka akũwã abin aka abewe, akirakɛ aka awu ra amɛnnga. Nggee, abinkɛ aka atɔk ra amɛn unera, ake angwĩnga iki irherhe.

Idzin uner itsoi nu uguge

⁴⁶ < na asi ikorhumbi ubinkpi umum iki irherhe?

⁴⁷ Umum iwuri idɛyiwamum umbi arherhe ri itsi uwuku uba ru umum na agũ irhɛm arherhamum na atɔ̃ itser nggu ake.

⁴⁸ Unga awu ru nyaku uner idzin iya, unga asim abĩ aghoghotake, na atsu atarh idzin ni ifa. Ivangyɛ amɛ̃ aka adzek aba, ayiri ubandzina ukpɔ usi izusukpɔ, ubinkutsu ubandzin iya ha udɛ̃ɛ̃ ni ifa.

⁴⁹ Bɔr uwuku ugũ arherhamum na asi itɔ̃ itser nggu ake, awu ru nyaku uner idzin aka adzin iya nu uzuzeu. Amɛ̃ aka adzek aba ayiri iya ha ike igba, ni ida kishoo.>>