Irhuka 1 - Ibibemuwe-Num Iyiki Ifa Ru Dũya

Irhuka atsɛnge Utiyofirhu

¹ Anera arhɛrhɛ aka atsu amɛnmbɔ atsɛng isarhe abinkɛ aka atsuafɛr ru umɛn.

² Atsɛng abinkɛ umɛn iki igũ ra angwĩ abika anyã abin hã ra asumbɔ ri inggbaashia na awe agãrhã isarhe Arherhu-Num.

³ Nggee, a uteiya Utiyofirhu, umum iki ingwɛ̃dzɛn ni irhisa abina kishoo aka atirhi ri inggbaashia, umum inyã azea ikɛi umum itsɛnga ungo agbɛgbɛra.

⁴ Ngge itsú ungo uma uhwɛng idzidzɛrhe abinkɛ umbɔ aka amesuwa ungo.

Asɔm imar Uyohana Uner Ubɔtisima

⁵ Ri ivang Uhiridu aka awu uyɛrhe Uyahudiya, uwuku udzowe idɛm-Num nuwɔ agburh Uzakariya, awe ru ukpui Uabija. Utsɛ̃nga Uarhisabatu ikɛi awu unang Uharuna.

⁶ Uzakariya nggu Uarhisabatu arhika ra asu Unum, adɔsi Ikpem Uteijee kishoo asi igbambɔ.

⁷ Bɔr umbɔ ashimbɔ nu ungwɛ̃, ubinkutsu Uarhisabatu awu ukpirh, umbɔ ikivarhambɔ aka akɔ̃mbɔ.

⁸ Ivanga niyɔ ukpui ukpumbɔ Uzakariya awe ri itser, nu Uzakariya atɔ̃ itser iyi uner uwuku udzowe idɛm-Num ra asu Unum.

⁹ Ru nyaka umbɔ aki itang avii asɛng abika adzowe idɛm-Num, umbɔ asɛng Uzakariya azĩ akpĩĩ abin isung ri Iya Uteijee.

¹⁰ Ivang iyiki ikpĩĩ abin isung hã iki iwe, anera abika adzowe igɔng ru Unum akɔng ru awiya anu ifɛn-Num.

¹¹ Mɔcɛ ipfu itser Uteijee ha akapɛɛng ra asunga, idɛ̃ɛ̃ udiku ubok ugha ubeu isung hã.

¹² Ivang Uzakariya aka anyã unga, unga agbipa, iwei ifɛr unga.

¹³ Bɔr ipfu itser-Num hã igɔr unga igɛ, <

14 Unga awuri iwu ubin anggɔm nu itɛnamɛn ru ungo, imarnga iwuri itsu anera arhɛrhɛ agɔm anggɔm.

¹⁵ Unga awuri iwu uner ukugɔng ra asu Uteijee. Awu ufang unga asi íhwaa adɛ nu abin aka atsu afĩrhã, awuri itsuke unga Ipfu Isarsatangge ri imarnga.

¹⁶ Anera arhɛrhɛ ru Uisrairha unga awuri idzipa umbɔ azĩ ru Uteijee Unummbɔ.

¹⁷ Unga awuri inggbaashia azĩ ru Uteijee ha, ri ijee ipfu ru nyaki iyi Uirhiya, awuri itsu amɛn atei adzipa awe nggu angwɛ̃mbɔ na adzipa abi iker itsi umbɔ adɔsi itsoi abika arhurhika na atsu anera agbishi isiseimbɔ nggu Uteijee.>>

¹⁸ Uzakariya arhusu ipfu itser-Num hã agɛ, <>

¹⁹ Ipfu itser-Num hã igɔr unga igɛ, <

²⁰ Ungo ucɛrɛ, unu ukutata usi ídɛ̃ɛ̃ urherhungo arherhe utsɛku unumkpi akɛrɛ ha aka ikorhe, ubinkutsu ungo ushiɔ ru imangmang ru irhɛm arherhamum, arherha ha awuri iweke ri ivangyɛ ngge iki imɛ̃ ngge iwe.>>

²¹ Ri ivang hã, anera aka adɛ̃ɛ̃ adzɛu Uzakariya adzeidzeu ri ididãrhãnga ri Iya-Num.

²² Unga aka adzeka, unga afɔr irherha arherhe adaka nggu umbɔ. Umbɔ adiki ihwihwɛng agɛ anyãã irhi ri Iya-Num, ubinkutsu unga akpurha akũ aboka akorhu utsara na afɔr irhirherhe adaka.

²³ Ivang itsernga iki imaa, unga abvui azĩã ri iya.

²⁴ Inum hã iki imaa, utsɛ̃nga Uarhisabatu adzur anaa, afɛ̃ɛ̃ atɔ̃ɔ̃ asei ri iya, anera asi ihwɛngmbɔ.

²⁵ Uarhisabatu agɛ, <>

Asɔm imar Uyesu

²⁶ Anaa Uarhisabatu awu ru ufɛ̃ uwu utɔ̃ĩ, Unum adene ipfu itser-Num Ujibrairhu izĩ uteu Unazarat ra abĩ Ugarhirhi.

²⁷ Azĩ ru unakugbĩrhĩ anasi ihwɛngnga ukutsa aka awu ukarh unerwi aka agburh Uyusuf, unang Udauda. Itsok unakugbĩrhĩ hã igburh Umaryamu.

²⁸ Ipfu itser-Num hã izĩ igɔr unga igɛ, <>

²⁹ Amɛn Umaryamu agũ ighong akarhãrhã ru urhɛm ighwe ha, na akaifɛrhkɔ ugɛ awu use ighwea iwe rimi.

³⁰ Bɔr ipfu itser-Num hã igɔr unga igɛ, <

31 Ungo uwuri ikɔ̃ anaa umar ungwɛ̃, nu utar itsoknga igburh Uyesu.

³² Unga awuri iwu ukugɔng na awuri iyisa unga Ungwɛ̃ Nggaa Uwuku Ugɔng. Unum Uteijee awuri idzowuka unga anang isei iyɛrhe utɛnga Udauda,

³³ nu unga awuri iwu uyɛrhe iya Uyakubu ugbagbaa, iyɛrhanga isi ímaangge.>>

³⁴ Umaryamu arhusu ipfu itser-Num hã agɛ, <>

³⁵ Ipfu itser-Num hã igɔr igɛ, <

³⁶ Nggayɛ unapumbi Uarhisabatu awu ra anaa uwɛkutsa afɛ̃ɛ̃ utɔ̃ĩ nggu ikɔ̃nernga, umbɔ iki iyisa unga ukpirh.

³⁷ Ubin usi ínangkpɔ Unum.>>

³⁸ Umaryamu agɛ, <> Mɔcɛ ipfu itser-Num hã ibɔrukungge unga.

Umaryamu azĩ iyepu Uarhisabatu

³⁹ Ivang hã Umaryamu asok iki ifefetem azĩã ri igũ abĩ Uyahudiya.

⁴⁰ Unga atsĩ ri iya Uzakariya na aghwe Uarhisabatu.

⁴¹ Uarhisabatu aka agũ ighwe Umaryamu, irheng ungwɛ̃ iso iniir ra ananga. Uarhisabatu awu nggu Ipfu Isarsatangge.

⁴² Unga atsu ivum agɛ, <

⁴³ Awu use utsu umum ikpo umata rimi, uyisa Uteijeemum asok aba ru umum?

⁴⁴ Ivangyɛ umum iki igũ irhak ighwengo ra atomum, irheng ungwɛ̃ ra anaamum iso idɛ̃ɛ̃ anggɔm.

⁴⁵ Idorh iwe nggu unga, aka awe ru imangmang agɛ arherhu Uteijee aka arherhe nggu unga awuri itsuafɛrke.>>

Ubom Umaryamu

⁴⁶ Umaryamu agɛ, <

⁴⁷ nu ipfumum igɔmanggɔm Unum aka awu uwuku ufɔrh umum,

⁴⁸ unga aka ayita umum utsũwũ ugãrhãnga! Utirhi icɛrɛ undana kishoo awuri iyisa umum uner idorh,

⁴⁹ ubinkutsu Uner Igɔng hã aka akorhe abin akagɔng ru umum. Itsoknga isarsatake.

⁵⁰ Atorhnga atɛ̃rhã ru undana kishoo, ra abika agũ iwei unga.

⁵¹ Unga aka akũ aboknga akorhi ifɛrhɛ iyiki igɔng. Unga aka asituwe abi aberi itsi ri ifɛrhkɔmbɔ.

⁵² Unga aka acipuwe ayɛrhe ra anang iseimbɔ, na aberuwe abika arhɛrhi itsi afafã.

⁵³ Unga aka atsu abi imerh ashuurmbɔ nggu abin aka aze, na adene abi ubin nggu abok akatãrhã.

⁵⁴ Unga aka ayikuwe ugãrhãnga Uisrairha, na acorhuwe

⁵⁵ Uibrahim nu anangnga ugbagbaa, ru nyaka unga aka arherhe nggu atokamɛn.>>

⁵⁶ Umaryamu asei nggu Uarhisabatu ayoka afɛ̃ɛ̃ ataar na adɔrha abvui azĩ ri iya.

Imar Uyohana Uner Ubɔtisima

⁵⁷ Ivang Uarhisabatu aka imar, unga amar uwɛkutsa.

⁵⁸ Andɔkanga nu abi iyambɔ agũ ugɛ Uteijee acorhuwe unga akarhãrhã, umbɔ agɔm anggɔm nggu unga.

⁵⁹ Ru unum ukpu utɔrɔk umbɔ aka aba isorhuwe ungwɛ̃ɛ̃, na abee itare itsok utɛnga ru unga ugɛ Uzakariya,

⁶⁰ bɔr uyisa agɛ, <<Ĩ'ĩ! Awuri iyisi itsoknga Uyohana.>>

⁶¹ Umbɔ agɔr unga agɛ, <>

⁶² Mɔcɛ umbɔ akũ abok akorhu utsara nu utesa abee ihwɛng utesa awuri itar itsok ungwɛ̃ɛ̃ igburh ungaa.

⁶³ Unga arhusa umbɔ adzowe ubin itsɛng, nu anera kishoo adzeidzeu unga aka atsɛng, <>

⁶⁴ Kanying angwĩnga ayanga urhɛmnga ugarhe nu unga atirhunga arherhe na akpoi Unum.

⁶⁵ Iwei ifɛr umbɔ, ikɛi umbɔ atsĩmbɔ irherha arherhe ha amaa inanga kishoo ra abĩ ampfũwã Uyahudiya.

⁶⁶ Ubɛn unera aka igũ arherhe ha, unga akaifɛrhkɔ na arhusa agɛ, <> Ubinkutsu ubok Uteijee uwe nggu unga.

Ubom Uzakariya

⁶⁷ Utɛ ungwɛ̃ hã Uzakariya awu nggu Ipfu Isarsatangge na asɔm Arherhu-Num agɛ,

⁶⁸ <

⁶⁹ Unga aka aberunga utsom ififɔrh ru umɛn ri iya ugãrhãnga Udauda,

⁷⁰ ru nyaka unga aka arherhe ra angwĩ asarkasar abika asɔm Arherhu-Numnga ishaisha.

⁷¹ Afɔrh umɛn ru ubok anggamtsakmɛn, nu kishoo abika akpɛ̃na umɛn.

⁷² Adɛyiwe atorhnga ra atokamɛn na ayitu usarkasar ibibemuwenga.

⁷³ Uyirhkpi unga aka ayirhe utɛmɛn Uibrahim,

⁷⁴ unga aka ifɔrh umɛn ru ubok anggamtsakmɛn, na atsu umɛn isi ígũmɛn iwei itɔ̃ itsernga,

⁷⁵ ri isisar nu irhirhika ra asunga ri inummɛn kishoo.

⁷⁶ <

⁷⁷ Ungo uwuri idzowe anernga ihwihwɛng ififɔrh ri itsũwe arhimmbɔ.

⁷⁸ Ubinkutsu atorh Unum aka adzaa umɛn, unga atsu irhirhang ishaa unum iwuri idzeka afã iba ru umɛn,

⁷⁹ izĩ irhange abika awe ru uzĩ nu abika awe ru uzirhzĩ akpe, na adarh umɛn izãrhã nu utsĩndĩ uwuku udɔɔr.>>

⁸⁰ Uyohana aseng aba awu akerketawɔ ri ipfu, na aseisa arhum utsɛku unumkpi unga aka adzek ra asu abi Uisrairha.