Kí Edhesiny 15 - Fayam Midhab Yiesu Kiristoká He Hol Af Iđiny Kaanaká

Gál tiiya-, ˈgasso-, urru-, hé met hí tiiya-, gálaat ki ˈdeewká ˈguoká

¹ Aalé yú hé éíy taaka-, guđo-, gáál af ˈdaˈdabsuoká úr gaa arge. Hé yú arge kinaallá he gál ˈgasso-, urru-, tiiyaká ubaa héllé met hí tiiya-, gálaat ki ˈdeew-, biiy el ˈdaˈd-, Waag idholle mé ˈgiidhuoká.

² Aalé yú đo hé hát bás ˈjiimidat-, bíélle ubaa ˈjiet hol warameká arge. Bas gál bíních giri kach ˈguoká ubaa yaalmitlé gaalí tág nieká met les kurram gaa ˈdaraanká điidhe-, binich meenyle túoyle gaalí guguoká úba điidheká hí ˈdú ˈgee. Gaal hé gaalí áár ki ˈdaraan-, Waaˈgietká gil ká ˈgaa.

³ Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

⁴ Máá Guđóóllo, kúún tákáma saas man, mááya ko ma kikian, meenykú ma memeny? ˈDaa giri he ekeny kua ˈdúwa-, ka edhdheyyééllá, kidh met lulle hai ká yiimedhe, met les kurram hai ko gaa ˈdarama, gaalí yie.

⁵ Aalé yú fuˈjieká, ˈBíl ˈbaaro Waaˈgiet-, úr gaa yaalká állé súm ˈdúwa-, biiy geereká gaalí af fur, yú arge.

⁶ Ál súm ˈdúwa kinaallá gál giri tiiya-, ˈgasso-, urru-, hé met hí tiiya-, gálaat ki ˈdeewká ˈguoká hí yé gáá ˈdie. Gaal gielo gaalí kútá ˈjiimiˈdatká tagano gaa nieká fadhdhe, héétí saaw kírre horkiká ˈgayyoká ele ká ˈgaa.

⁷ Aalé hé giri luogol-, afurká he tikiˈd gál ˈgasso-, urru-, tiiyáállá kedm tiiya-, horki-, Waag taalle bííyyo ali iđóóllá idholle hí koch kochká eiy eiy taat shie.

⁸ Aalé Waag ˈduuwle ubaa fargogintle érle ˈBíl Waaˈgiet koch yie, tá ˈdaab hé giri met hí tiiya-, gálaat ki ˈdeew-, gál tiiya-, ˈgasso-, urruká hí ˈgie kinaal el ma gáá ˈgînká hé máá níínní ˈBíl Waaˈgiet kinaallá higiloká mán.