Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Santiago 1 - DIOSPA QHELQACHISQ


Napayku

1 Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.


Yachayniyoj kayqa Diosmanta jamun

2 Munasqa wawqe panaykuna, tukuy imaymana mana allin kaj qhatirisojtiykichej, qankuna mayta kusikuychej.

3 Yachankichej jina, Jesucristopi atinikusqaykichej maykamachus kasqanta yachakunanpaj churasqa kajtin, qankuna sinch'ita sayaspa pacienciakuyta yachakunkichej.

4 Chayrayku pacienciakullaychejpuni Diospa wawan kasqaykichejpi wiñay tukusqa, junt'asqa, chantá tukuy imapaj wakichisqa kanaykichejpaj.

5 Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.

6 Chaywanpis chay runaqa tukuy sonqo Diospi atinikuspa mañakuchun, nitaj iskayrayachunchu. Pichus iskayrayajqa mama qochapi yaku qhollchoqeyajman rijch'akun, mayqentachus wayra kayman jaqayman apaykachan, chayman.

7 Pichus ajina kajqa ama yuyachunchu Tukuyta Kamachej Diosmanta imatapis jap'inanta.

8 Jinallataj chay jina iskay sonqoyoj runaqa ni ima ruwasqanpi sumajta sayayta atinchu.

9 Jesucristota qhatej runaqa pisi kapuyniyoj kaspapis, Diospa ñawpaqenpi jatunchasqa kasqanmanta kusikuchun.

10 Qhapajrí Diosnejta k'umuykuchisqa kasqanmanta kusikuchun, imaraykuchus qhapaj kasqanqa qhora t'ika jinalla tukukaponqa.

11 Inti llojsimuspa ruphajtin, qhoraqa ch'akipun, t'ikantaj urmapun, k'achitu kayninpis chinkapun. Ajinallatataj qhapajpis, jinataj tukuy imata tarisqanpis chinkaponqa.


Juchallinaman tanqasqa kaspa sayaykuna

12 Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

13 Mayqellanpis juchallinaman tanqasqa kashaspa, ama nichunchu Diospuni juchallinaman tanqashasqanta, imaraykuchus Dios mana pitapis juchallinaman tanqanchu, nitaj juchallinaman tanqasqa kayta atinchu.

14 Aswanpis sapa runa juchallinaman tanqachikun, maypachachus sajra munaynin sonqonta suwaspa, payta juchallinaman aysan, chaypacha.

15 Chantá chay mana allin kajta ruwayta munanata pay kasun, jinataj juchallin. Pichus juchallispallapuni purejtaj wiñaypaj wañuyta tarikun.

16 Munasqa wawqe panaykuna, ama pantakuychejchu.

17 Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

18 Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.


Diospa nisqanta kasuna

19 Chayrayku, munasqa wawqe panaykuna, uyariyta yachaychej, chantá allinta qhawarikuspa parlaychej, amataj usqhayllata phiñakuychejchu.

20 Chayqa ajina, imaraykuchus pipis phiñakuspaqa, mana Diospa munasqanman jina cheqan kajta ruwayta atinchu.

21 Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.

22 Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

23 Pichus Diospa nisqanta uyarispa mana kasojqa espejopi uyanta qhawarikoj runaman rijch'akun.

24 Chay runaqa uyanta qhawarikuspa ripullan, chantataj imaynachus uyan kasqanta qonqapun.

25 Aswanpis Diospa mana pantayniyoj kacharichej kamachisqanta allinta qhawana. Chantá mana qonqaspa, chayta kasuna. Pichus Diospa nisqanta ajinata kasojtaqa Dios saminchanqa.

26 Sichus pipis Diospa munasqanta ruwaspa purishasqanta yuyanman, manataj allinta qhawarikuspa parlan chayqa, chay runa pay kikinta q'otiyakun. Jinallataj Diospa munasqanta ruwaspa purisqanqa qhasi manakaj.

27 Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.

Revisión Biblia Quechua Boliviano © Sociedad Bíblica Boliviana, 2017.

Bolivian Bible Society
ကြှနျုပျတို့နောကျလိုကျပါ:



ကြော်ငြာတွေ