Nehemías 7 - DIOSPA QHELQACHISQ

Nehemías kamachejkunata churan

¹ Jerusalén llajtaj muyuynin perqakunata sayarichiyta tukuytawan, punkukunata churacherqani. Chantá punku qhawajkunata, takejkunata, levitakunatapis ajllakorqa.

² Chaymantataj wawqey Jananita Jerusalenpi kamachinanpaj churarqani. Jananiastataj kuraj kamachejpa wasinta qhawananpaj churarqani. Jananiasqa Diosta may respetowan qhawaj karqa, cheqan runataj.

³ Chantá nerqani inti patapi kanankama ama punkukunata kicharinankuta. Kamachillarqanitaj punkukunata trancanankuta qhawajkuna kashajtillankuraj. Jinallataj Jerusalenpi tiyakojkunata qhawajkuna kanankupaj churarqani, wakintaqa chay qhawananku cheqanpi, wakintataj wasinku chaynejpi.

⁴ Jerusalén llajtaqa jatun karqa. Chaypitaj pisillaraj tiyakorqayku, manaraj watejmanta wasikunata sayarichisqaykurayku.

Waj suyuman apasqa kajkunamanta kutimpojkuna

⁵ Chaypacha Diosqa sonqoyman churarqa kuraj runakunata, aylluta kamachejkunata, tukuy Judapi kaj runakunatapis tantaykunayta, sapa ayllunkuman jina listaykunaypaj ñawpaj chayamojkunaj sutinkunata uj qhelqapi qhelqasqata. Chaypitaj kay jina qhelqasqa kasqa:

⁶ Kaykuna kanku waj suyuman apasqa kasqankumanta kutimpojkuna. Paykunaqa kuraj kamachej Nabucodonosorpa kamachisqanman jina Judá suyumanta Babiloniaman apasqa karqanku. Chaywanpis paykunamanta wakinkuna Jerusalenman, Judá suyumantaj kutimporqanku, sapa ujninkutaj llajtankuman chayaporqanku.

⁷ Paykunata pusamojkuna kaykuna karqanku: Zorobabel, Josué, Nehemías, Azarías, Raamías, Najamaní, Mardoqueo, Bilsán, Mispar, Bigvay, Nejún, Baná ima. Israel ayllumanta yupasqa qharikunaqa karqanku:

⁸ Parospa ayllunmanta 2.172 qharikuna karqanku.

⁹ Sefatiaspa ayllunmanta 372 qharikuna.

¹⁰ Arajpa ayllunmanta 652 qharikuna.

¹¹ Pajat Moabpa ayllunmanta, Josuéj mirayninmanta, Joabpa mirayninmantawan 2.818 qharikuna.

¹² Elampa ayllunmanta 1.254 qharikuna.

¹³ Zatujpa ayllunmanta 845 qharikuna.

¹⁴ Zacay ayllunmanta 760 qharikuna.

¹⁵ Binuipa ayllunmanta 648 qharikuna.

¹⁶ Bebaypa ayllunmanta 628 qharikuna.

¹⁷ Azgadpa ayllunmanta 2.322 qharikuna.

¹⁸ Adonicanpa ayllunmanta 667 qharikuna.

¹⁹ Bigvaypa ayllunmanta 2.067 qharikuna.

²⁰ Adinpa ayllunmanta 655 qharikuna.

²¹ Aterpa ayllunmanta, pikunachus Ezequiaspa mirayninmanta karqanku, 98 qharikuna.

²² Jasunpa ayllunmanta 328 qharikuna.

²³ Besaypa ayllunmanta 324 qharikuna.

²⁴ Jarifpa ayllunmanta 112 qharikuna.

²⁵ Gabaonpa ayllunmanta 95 qharikuna.

²⁶ Belén llajtayojkunawan, Netofamanta kajkunapiwan 188 qharikuna.

²⁷ Anatot llajtayojkuna 128 qharikuna.

²⁸ Bet Azmavetmanta kajkuna 42 qharikuna.

²⁹ Quiriat Yearinmanta, Cafiramanta, Berotmantawan kajkuna 743 qharikuna.

³⁰ Ramamanta, Gebamantawan kajkuna 621 qharikuna.

³¹ Micmasmanta kajkuna 122 qharikuna.

³² Betelmanta, Haimantawan kajkuna 123 qharikuna.

³³ Waj Nebomanta kajkuna 52 qharikuna.

³⁴ Ujnin kaj Elammanta kajkuna 1.254 qharikuna.

³⁵ Jarinmanta kajkuna 320 qharikuna.

³⁶ Jericomanta kajkuna 345 qharikuna.

³⁷ Lodmanta, Jadidmanta, chantá Onomanta kajkuna 721 qharikuna.

³⁸ Senamanta kajkuna 3.930 qharikuna.

³⁹ Kaykuna kanku waj suyuman apasqa kutimpoj sacerdotekuna: Jedaiaspa mirayninmanta Josuejpa ayllunmanta 973.

⁴⁰ Imerpa ayllunmanta 1.052.

⁴¹ Pasjurpa ayllunmanta 1.247.

⁴² Jarinpa ayllunmanta 1.017.

⁴³ Kaykuna kanku waj suyuman apasqa kutimpoj Leví jatun ayllumanta kajkuna: Hodaviaspa mirayninmanta Josuejpata, Cadmielpatawan ayllumanta 74 qharikuna.

⁴⁴ Takejkuna karqanku Asafpa ayllunmanta 148 qharikuna.

⁴⁵ Punkuta qhawajkuna karqanku Salunpata, Aterpata, Talmonpata, Acubpata, Jatitajpata, Sobaypa ayllunpamantawan 138 qharikuna.

⁴⁶ Diospa Templonpi Diospaj ruwanayoj kajkuna karqanku: Sijajpa ayllunmanta, Jasufajta ayllunmanta, Tabaotpa ayllunmanta,

⁴⁷ Querospa ayllunmanta, Sigajpa ayllunmanta, Padonpa ayllunmanta,

⁴⁸ Lebanajpa ayllunmanta, Jagabajpa ayllunmanta, Salmaypa ayllunmanta,

⁴⁹ Jananpa ayllunmanta, Gidelpa ayllunmanta, Gajarpa ayllunmanta,

⁵⁰ Reaiajpa ayllunmanta, Resinpa ayllunmanta, Necodajpa ayllunmanta,

⁵¹ Gazanpa ayllunmanta, Uzáj ayllunmanta, Paseajpa ayllunmanta,

⁵² Besaypa ayllunmanta, Meuninpa ayllunmanta, Nefusinpa ayllunmanta,

⁵³ Bacbucpa ayllunmanta, Jacufajpa ayllunmanta, Jarjurpa ayllunmanta,

⁵⁴ Bazlutpa ayllunmanta, Mejidajpa ayllunmanta, Jarsajpa ayllunmanta,

⁵⁵ Barcospa ayllunmanta, Sisarajpa ayllunmanta, Temajpa ayllunmanta,

⁵⁶ Neziajpa ayllunmanta, Jatifajpa ayllunmanta ima.

⁵⁷ Kuraj kamachej Salomonpa kamachinkunaj ayllunkumanta waj suyuman apasqa kutimpojkuna karqanku: Sotaypa ayllunmanta, Soferetpa ayllunmanta, Peridajpa ayllunmanta,

⁵⁸ Jalajpa ayllunmanta, Darconpa ayllunmanta, Gidelpa ayllunmanta,

⁵⁹ Sefatiaspa ayllunmanta, Jatilpa ayllunmanta, Poquéret Hasebayinpa ayllunmanta, Amonpa ayllunmanta ima.

⁶⁰ Diospa Templonpi Diospaj ruwanayoj kajkuna, kuraj kamachej Salomonpa kamachinkunaj ayllunkuwan imaqa tukuyninpi 392 karqanku.

⁶¹ Tel Melaj llajtamanta, Tel Jarsá llajtamanta, Querub llajtamanta, Adón llajtamanta, Imer llajtamantawan chayamojkunaqa mana sut'inchayta aterqankuchu Israel ayllumantapuni kasqankuta. Paykuna karqanku 642

⁶² Delaíaj ayllunmanta, Tobiaspa ayllunmanta, Necodaj ayllunmantawan.

⁶³ Sacerdotekunajpa ayllunkumanta kutimpojkuna kaykuna karqanku: Jabaiaspa ayllunmanta, Cospa ayllunmanta, Barzilaypa ayllunmantawan. Payqa Galaadmanta Barzilaypa ujnin kaj ususinwan casarakusqa, paykunaj sutinkutataj aparqa.

⁶⁴ Paykunaqa sutinkuta mask'arqanku, Israelpa ayllunkunaj sutinku qhelqasqa karqa, chay p'anqapi. Chaywanpis mana sutinkuta tarisqankurayku manaña sacerdote ruwanata ruwayta aterqankuchu.

⁶⁵ Chayrayku kamachejqa nerqa sacerdotekunapaj t'aqasqa mikhunamanta manaraj mikhunankuta uj sacerdote Tumimnejta Urimnejtawan imatachus ruwanankuta yachanankama.

⁶⁶ Babiloniamanta kutimojkunaqa tukuyninpi 42.360 karqanku.

⁶⁷ Chay jawa qhari wata runata, jinataj warmi wata runatapis yuparqanku. Paykunataj tukuyninpi 7.337 karqanku. Takejkunataj qharikunamanta, warmikunamanta ima 245 karqanku.

⁶⁸ Caballokunapis 435 karqanku, mulakunataj 6.720 karqanku.

⁶⁹ Kallarqankutaj 736 camellokuna, burrokunapis 245.

⁷⁰ Wakin ayllukunamanta kurajkunaqa Templota jatarichina ruwanapaj kay imakunata qorqanku. Kamachejqa pusaj kilo qorita, phishqa chunka qorimanta p'ukutawan qorqa. Qollarqataj 530 sacerdote p'achakunata ima Templopi qolqe jallch'anaman.

⁷¹ Sapa ayllumanta kurajkunapis qolqe jallch'anaman qollarqankutaj 160 kilo qorita, 1.210 kilo qolqe metaltawan, Templota allinchajkunaman paganankupaj.

⁷² Wakin runakunataj qorqanku 160 kilo qorita, 1.100 kilo qolqe metalta, 67 sacerdote p'achakunatawan.

⁷³ Chaypacha sapa ujninku llajtankupi tiyakaporqanku: Sacerdotekuna, levitakuna, punku qhawajkuna, takejkuna, llajtamanta kajkuna, Diospa Templonpi Diospaj ruwanayoj kajkuna, jinallataj tukuynin israelitakunapis. Qanchis killa chayamunanpajtaj israelitakunaqa llajtankupiña kasharqanku.