Job 41 - DIOSPA QHELQACHISQ

¹ 1 (40.25) Leviatán sutiyoj sierpeta anzuelowan jap'iyta atiwajchu, chayrí q'aytuwan qallunta watayta atiwajchu?

² 2 (40.26) Senqanta waskhawan pasachiyta atiwajchu, chayrí ganchowan k'akinta pasachiyta?

³ 3 (40.27) Khuyakunaykita mañakusunanta yuyankichu, chayrí misk'i simiwan parlaspachu kacharipunaykita mañakusunkiman?

⁴ 4 (40.28) Payrí qanwan tratota ruwanmanchu, wiñaypaj kamachiyki kananpaj?

⁵ 5 (40.29) Paywanqa uj p'isqetuwan jina pujllakuwajchu? Warmi wawaykikuna pujllanankupaj jinachu watawaj?

⁶ 6 (40.30) Challwa qhatupi rantikojkuna precionta churankumanchu? Vendenankupaj chhikan chhikanta khuchurankumanchu?

⁷ 7 (40.31) Qarantaqa arcowan flechaspa jusk'uwajchu, chayrí lanzawan umanta jusk'uwajchu?

⁸ 8 (40.32) Makiykitachus payman churaykunki chayqa, qanwan qonakonqa mana jayk'aj qonqanaykipaj, ujtawantaj manaña t'ojpinaykipaj.

⁹ 9 (1) Leviatanta rikuspalla, pipis manchachikuywan yuyayninta chinkachinman.

¹⁰ 10 (2) Sichus pipis t'ojpin chayqa, sinch'ita phiñarikun, nitaj pipis contranta sayaykunanpaj jina kanchu.

¹¹ 11 (3) Pitaj payman sayaykojmanta mana iman imanasqa llojsinmanri? Tukuy kay pachapi, ni pipis kanmanchu.

¹² 12 (4) Chakin makinmanta parlallasajpuni, t'ukuna kallpanmanta, sumaj rijch'ayninmanta ima parlallasajtaj.

¹³ 13 (5) Leviatanpa qaranta pitaj ch'uskiyta atinmanri? Pitaj chay jina phatu qaranta t'ojsispa pasachiyta atinmanri?

¹⁴ 14 (6) Pitaj siminta kicharichiyta atinman, chay jina manchachikuna kirukunayojtari?

¹⁵ 15 (7) Wasanpis escudowan qhatasqa jina, sumaj suk'asqa rumi jina churasqa.

¹⁶ 16 (8) Qaranqa sumaj suk'asqa rumi jina, chaynintaqa ni wayrapis pasanchu.

¹⁷ 17 (9) Qaranqa escudowan jina ujwan ujwan sumaj k'askanasqa kasqanrayku, ni pipis k'askarachiyta atinmanchu.

¹⁸ 18 (10) Achhiynenqa lliuj lliuj jina kanku. Ñawinkunaqa sut'iyayta inti llojsimoj k'anchaynin jina lliphipinku.

¹⁹ 19 (11) Siminmantapis nina lawray llojsimun, nina k'ajaytaj phawamun.

²⁰ 20 (12) Senqanmanta q'oshñi llojsimun, t'impushaj mankamanta wawsi llojsin, jinata.

²¹ 21 (13) Samaynin carbonta lawrarichin, siminmantataj nina lawray llojsin.

²² 22 (14) Kallpanqa much'unpi kashan, paypa ñawpaqenpeqa tukuy kharkatitinku.

²³ 23 (15) Ukhunpi aychanpis fierro jina thuru, mana imapis yaykunanpaj jina.

²⁴ 24 (16) Sonqonqa chhanka jina thuru, maran rumi jina sinch'i.

²⁵ 25 (17) Leviatán sierpe sayarejtin, atiyniyojkuna kharkatitinku, thalarikojtintaj ayqerikapunku.

²⁶ 26 (18) Ni imapis paywan maqanakoj sayaykunanpaj jina kanchu, ni espada, ni lanza, nitaj flechapis.

²⁷ 27 (19) Fierropis paypajqa ichhu jinalla, broncepis mullpha k'ullu jinalla.

²⁸ 28 (20) Flechaqa chay sierpeta mana ayqechinchu, rumiwan ch'anqanapis q'opawanpis ch'anqasunman jinalla.

²⁹ 29 (21) Paypajqa tukuy armapis ch'aki laqhepis kanman jinalla. Lanzata choqajtinku silbarisqanta uyarispa, asikun.

³⁰ 30 (22) Pampata qhatatakuspaqa, larq'ata kicharin, wijsanpi rejayojpis kanman jina.

³¹ 31 (23) Mama qochaman phawaykuspaqa, yakuta manchayta t'impurichin, mankapis t'impushanman jinata.

³² 32 (24) Yaku patata purispaqa, phusoqota yuraj chujchapis kanman jina yurajllata saqen.

³³ 33 (25) Kay pachapi chay sierpeman rijch'akojqa mana imapis kanchu. Payqa ni imata manchachikunanpaj ruwasqa karqa.

³⁴ 34 (26) Payqa tukuy runaykachajkunaman sayaykun, tukuy k'ita animalkunaj kuraj kamachejninkutaj, nispa.