Jeremías 45 - DIOSPA QHELQACHISQ

Tata Diosqa Baructa sonqochan

¹ Josiaspa churin Joacín Judá suyupi tawa watataña kamachishajtin, Neriaspa churin Baruc Diosmanta sut'inchaj Jeremiaspa parlasqanta qhelqarqa. Chaypacha Jeremiasqa Baructa nerqa:

² Israelpa Tata Diosnin kayta nisunki:

³ Qan ninki: Ay, noqamanta, Tata Diosqa phutikuyniyman llakiyta yapaykuwan. Waqaspa sayk'uniña, nitaj samarikuyta tarinichu, nispa.

⁴ Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

⁵ Qanqa jatunpaj qhawasqa kaytachu mask'akushanki? Chayta ama mask'aychu, imaraykuchus noqa tukuy runaj patankuman ñak'ariykunata kachaykamusaj. Chaywanpis mayman rejtiykipis, waqaychasqayki ama wañuchisqa kanaykipaj, nispa.