Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Crónicas 3 - DIOSPA QHELQACHISQ


Salomón Diospa Templonta ruwachin
( 1 R 6.1-38 )

1 Salomonqa Diospa Templonta Jerusalenpi ruwachiyta qallarerqa, maypichus Tata Dios Moriah orqopi Salomonpa tatan Davidman rikhurisqa, chaypi. Chay eraqa jebuseo Ornanpata karqa, Davidtaj chayta paymanta rantisqa Tata Diospa Templonta ruwachinanpaj.

2 Salomonqa tawa watataña kamachishaspa, iskay kaj killapi iskay kaj p'unchayninpi, Templota ruwachiyta qallarerqa.

3 Salomonqa Diospa Templonpa tijsinta churacherqa, chaytaj kay jina karqa: Sayt'unman iskay chunka qanchisniyoj metro karqa, anchonmantaj jisq'on metroyoj.

4 Diospa Templonpa ñawpaqenpi corredorqa Temploj anchon jinallataj karqa, sayt'unmantaj jisq'on metroyoj karqa. Sayayninmanqa jisq'on metrollayojtaj. Salomonqa Temploj ñawpaqenpi kaj corredorta tukuy ukhunta qoriwan lluch'iykucherqa.

5 Jinallataj Salomonqa Temploj ukhunta pino maderawan k'askaykucherqa, chay maderaj patanmantaj sumaj qoriwan lluch'iykucherqa. Chay qorej patanpitaj palmera warawakunata, jinataj cadenakunatawan ruwacherqa.

6 Temploj ukhuntataj k'achitu rumiwan k'achanchaykucherqa. Chay lluch'iykusqanku qoritataj Parvaimmanta apachimorqa.

7 Chaymantataj Temploj tukuynin ukhunta sumaj qoriwan lluch'iykucherqa: Kurkunkunata, perqankunata, punku kijunta, punkukunatapis. Perqanpitaj querubín angelkunaman rijch'akojta ruwacherqa.

8 Salomonqa ruwachillarqataj chay Diosllapaj T'aqasqa nisqa cheqatapis. Chayqa sayt'unman jisq'on metro karqa, anchonmantaj Temploj anchon jina jisq'on metrollataj karqa. Chay wasitaqa 20.000 kilo sumaj qoriwan lluch'iykuchillarqataj.

9 Sapa uj clavoqa libra kuraj jina pesarqa. Alto patapi kaj wasikunaj ukhuntapis qoriwan lluch'iykuchillarqataj.

10 Diosllapaj T'aqasqa nisqa cheqapeqa Salomón ruwachillarqataj iskay querubín nisqa angelkunata. Chaykunapis qoriwan lluch'isqallataj karqanku.

11 Chay querubinkunaj iskaynin lijran aysasqaqa jisq'on metroyoj karqa. Sapa lijranqa iskay metro khuskanniyoj, chaytaj wasej perqankama chayarqa. Chay ujnin kaj lijranpis chhikallantaj karqa, chay uj querubinpa lijran puntankamataj chayarqa.

12 Chay uj querubinpis kikillantaj karqa. Lijranqa perqakama chayarqa, ujnin kaj lijrantaj chay uj querubinpa lijranwan tinkorqa.

13 Querubinkunaj lijrankoqa tukuypi jisq'on metroyoj karqa. Querubinkunaqa sayasqa kasharqanku wasej chawpinnejman qhawarisqa.

14 Salomón awachillarqataj chay velo nisqa cortinata, kulli q'aytumanta, puka kulli q'aytumanta, puka q'aytumanta, linomantawan, chaymantaj querubinman rijch'akojta iskayta awakipaykucherqa.


Iskay sayanta
( 1 R 7.15-22 )

15 Salomonqa Temploj ñawpaqenpaj iskay sayantata ruwacherqa chunka sojtayoj metro sayayniyojta jina. Patanpi pillu jina kirpanataj iskay metro cuartayoj karqa.

16 Cadenakunatapis ruwachillarqataj walqata jina, chaykunatataj sayantakunaj tukukuyninman churaykucherqa. Ruwachillarqataj pachaj granadaman rijch'akojta qorimanta, chaykunatataj cadenakunawan warkhuykucherqa.

17 Chay sayantakunatataj Diospa Templonpa ñawpaqenman churacherqa, ujninta pañanman, ujnintataj lloq'enman. Paña kaj sayantataqa Jaquín, nispa suticharqa, lloq'e kajtataj Boaz, nispa.

Revisión Biblia Quechua Boliviano © Sociedad Bíblica Boliviana, 2017.

Bolivian Bible Society
ကြှနျုပျတို့နောကျလိုကျပါ:



ကြော်ငြာတွေ