प्रकाशितवाक्य 7 - डोगरी नवां नियम

एक बकत दे बाद

¹ एस दे बाद आऊँ तरती दे चोने कोने उपर चार सोर्गदूत खड़ोते दे दिखे। ओ तरती दी चारें हवाएं गी थमे दे हे तां जे तरती जा समुंद्र जां कुसे बूट्टे उपर हवा नां चलै।

² पी आऊँ एक ओर सोर्गदूत गी जिंदे परमेसर दी मोर लेते दे पूरब थमां उपर आले पासे आंदे दिखया; उस्स ने ओनें चारें सुर्गदूतें थमां जिनैं तरती ते समुंद्र दा नुस्कान करने दा आक्क दित्ता गेदा हा, उच्चे शब्द कन्ने पकारीयै आखया,

³ “जेस ले तकर अस अपने परमेसर दे दासें दे मथे उपर मोर नां लाचै, ओस बेलै तकर तरती ते समुंद्र ते बूट्टें गी नुस्कान नेई पजायो।”

इस्राएल दे 144,000 लोक

⁴ जिंदे उपर मोर दिती गई आऊँ उंदी गिनती सुनी, मतलब इस्राएल दी संतानें दे सब गोत्रें बिचा एक लख चरताली जार उपर मोर दिती गई

⁵ यहूदा दे गोत्र बिचा बारां हजार उपर मोर दिती गई; रुबेन दे गोत्र बिचा बारां हजार उप्पर, गाद दे गोत्र बिचा बारां हजार उप्पर।

⁶ आशेर दे गोत्र बिचा बारां हजार उप्पर, नप्ताली दे गोत्र बिचा बारां हजार उप्पर, मनश्शिह दे गोत्र बिचा बारां हजार उप्पर,

⁷ शमौन दे गोत्र बिचा बारां हजार उप्पर, लेवी दे गोत्र बिचा बारां हजार उप्पर, इस्साकार दे गोत्र बिचा बारां हजार उप्पर,

⁸ जबूलून दे गोत्र बिचा बारां हजार उप्पर, युसूफ दे गोत्र बिचा बारां हजार उप्पर, ते बिन्यामिन दे गोत्र बिचा बारां हजार उपर मोर दिती गई।

संकट दे कन्ने एक बडी पीड़

⁹ एस दे बाद आऊँ दृष्टि कित्ती, ते दिखीं, अर एक जाती ते कुल ते लोग ते पाषा बिचा एक ऐसी बड़ी पीड, जिसी कोई गिनी नेई सकदा हा, सफेद कपड़े लाए दे ते अपने हत्थें च खजूर दी टालियां लेते दे संहासन दे समुक ते मेम्ने दे समुक खड़ोती ऐ,

¹⁰ ते बड्डे शब्द कन्ने पुकारिऐ आखदी ऐ, “उद्धार आसतै साड़े परमेसर दा, जेहड़ा संहासन उपर बैठा ऐ, ते मेम्ने दा जय जय कर उवै!”

¹¹ ते सारे सोर्गदूत उस्स संहासन ते प्राचीनें ते चोने लोगयें दे चारें पासे खड़ोते दे न; पी ओ संहासन दे समुक मुंह दे पार किरी गै ते परमेसर गी मत्था टेकियै आखया,

¹² “आमीन! साड़े परमेसर दी स्तुति ते मैमा ते अक्ल ते तन्वाद ते आदर ते मान ते समर्थ जुगा नु जुग बनी रवै। आमीन!”

¹³ एस उपर प्राचीनें बिचा एक ने मेरे कन्ने आखया, “ए सफेद कपड़ा लाए दे कुन्न ऐ? ते कुत्थुआं आए न?”

¹⁴ आऊँ उस्स कन्ने आखया, “ए स्वामी, तू गै जानना ऐ।” उस्स ने मेरे कन्ने आखया, “ए ओन, जेड़े उस्स माहाक्लेश बिचा निकलियै आए न; इन्हें अपने-अपने कपड़े मेम्ने दे खून कन्ने तोईयै सफेद कित्ते न।”

¹⁵ “इसै कारन ओ परमेसर दे संहासन दे समुक न, ते ओदे मंदर च धयारे रात धयारे राती उस्स दी सेवा करदे न, ते जेहड़ा संहासन उपर बैठा ऐ, ओ उंदे उपर अपना तम्बू तानग।

¹⁶ ओ पी पुखे ते त्रै दे नेई ओगन; ते उंदे उपर तूप, नां कोई तपन पौग।

¹⁷ किके मेम्ना जेहड़ा संहासन दे बिच ऐ उंदी रखी करग, ते उनेंगी जीवन रूपी पानी दे सोते कोल लेई जा करग; ते परमेसर उंदी अखां बिचा सारे अथरू साफ़ करी देग।”