प्रकाशितवाक्य 16 - डोगरी नवां नियमपैला कटोरा 1 पी आऊँ मंदर बिचा कुसे गी उच्चे शब्द कन्ने ओनें सत्तें सोर्गदूतें थमां ए आखदे सुनया, “जाओ, परमेसर दे गुस्सै दे सत्तें कटोरे गी तरती उपर डोली देओ।” 2 एस आसतै पैले सोर्गदूत ने जाईयै अपना कटोरा तरती उपर डोली दिता। ओस बेलै ओनें मनुक्खें दे, जिंदे उपर जानबर दी मोर ही ते जेड़े उस्स दी मूर्ति दी अराधना करदे हे, एक चाली दा बुरा ते दुःख देने आला फोड़ा निकलया। दूजा कटोरा 3 दुए सोर्गदूत ने अपना कटोरा समुंद्र उपर डोली दिता, ते ओ मरे दे मनुक्खे दे खून जेया बनी गीया, ते समुंद्र दा अर एक जीवधारी मरी गीया। त्रिया कटोरा 4 त्रिये सोर्गदूत ने अपना कटोरा नदियें ते पानी दे सोते उपर डोली दित्ता ते ओ खून बनी गीया। 5 ओस बेलै आऊँ पानी दे सोर्गदूत गी ए आखदे सुनया, “ए पवित्र, जेड़ा ऐ ते जेड़ा ऐहा, तू न्यायी ऐ ते तो ए न्याय कित्ता। 6 किके उनेंगी पवित्र लोकें दा ते औने पविखवक्ताऐं दा खून भाया हा, ते तो उनेंगी खून पलाया; किके ओ इसै जोगे न।” 7 पी आऊँ बेदी थमां ए शब्द सुनया, “हां, हे सर्वशक्तिमान प्रभु परमेसर, तेरे फैसले ठीक ते सच्चे न।” चोथा कटोरा 8 चौथे सोर्गदूत ने अपना कटोरा सुरजे उपर डोली दित्ता, ते उसी मनुक्खें गी अग्गी कन्ने झुलसने दा आक्क दिता गीया। 9 मनुक्ख बड़ी तपन कन्ने झुलसी गै, ते परमेसर दे नां दी जिसी इनें बिपतियें उपर आक्क ऐ, निंदया कित्ती लेकन उस्स दी मैह्मा करने आसतै मन नेई फेरेया। पंज्मा कटोरा 10 पंजबे सोर्गदूत ने अपना कटोरा उस्स जानबर दे संहासन उपर डोली दित्ता, ते ओदे राज उपर न्हेरा छाई गीया। लोग पीड़ दे मारे अपनी अपनी जिभ चबाने लगे, 11 ते अपनी पीड़ ते फोड़ें दे कारन सोर्ग दे परमेसर दी निंदया कित्ती; लेकन अपने-अपने कम्में थमां मन नेई फेरेया। छैमा कटोरा 12 छेमे सोर्गदूत ने अपना कटोरा बड़ी नदी फरात उपर डोली दित्ता, ते उस्स दा पानी सुकी गीया के चडदी पासे दे राजें आसतै रस्ता तेयार ओई जाए 13 पी आऊँ उस्स अजगर दे मुंह बिचा, ते उस्स जानबर दे मुंह बिचा, ते उस्स चुठे पविक्श्वक्ता दे मुंह बिचा त्रै अशोद्ध आत्मा गी मिनकें दे रूप च निकलदे दिखया। 14 ए चेन्न दिखने आली दोष्टआत्मायें न, जेकीयां सारे जगत दे राजें दे कोल निकलियै एस लेई जंदियां न के उनेंगी सर्वशक्तिमान परमेसर दे उस्स बड्डे धयारे दी लड़ाई आसतै किटठा करन 15 “दिख, आऊँ चोर दे लेखा आना ऐ; धन्न ओन जेड़ा जागे दा रौंदा ऐ, ते अपने कपड़े दी राखी करदा ऐ के नंगा नेई फिरे, ते लोग उस्स दा नंगापन गी नेई दिखन।” 16 ते उनै उनेंगी उस्स जगह किटठा कित्ता जेड़ा इब्रानी च अरमगिदोन आखया जांदा ऐ। सतमा कटोरा 17 सतमें सोर्गदूत ने अपना कटोरा अवा च डोली दित्ता, ते मंदर दे संहासन थमां ए बड़ा शब्द ओया, “ओई चुकया!” 18 पी बिजलियां चमकीयां, ते शब्द ते गर्जन ओए, ते एक ऐसा बड़ा पुंचाल आया के जेस बेलै थमां मनुक्ख दी पैदाइश तरती उपर ओई, ओस बेलै थमां ऐसा पुंचाल कदें बी नेई आया हा। 19 एस कन्ने उस्स बड्डे शैर दे त्रै टुकड़े ओई गै, ते जाती-जाती दे शैर डिगी पे; ते बड्डे बेबीलोन दी याद परमेसर दे इत्थैं ओई के ओ अपने गुस्सै दी जलजलाहट दी शराव उसी पलाए। 20 ते अर एक टापू अपनी जगह थमां टली गीया, ते पाड़ें दा पता नेई चलया। 21 अम्बर थमां मनुक्खे उपर मन मन पर दे बड्डे ओलै डिगे, ते इसै आसतै किके एस बिपत्ती मती गै पारी हे, लोकें ओलै दी बिपत्ती दे कारन परमेसर दी निंदया कित्ती। |
This work is licensed under Creative Commons Attribution-ShareAlike 4.0 License.