मरकुस 11 - डोगरी नवां नियम

यीशु दा यरूशलेम च दाखल ओना

¹ जेसलै यीशु यरूशलेम दे कोल, जैतून पाड़ उपर बैतफगे ते बैतनिय्याह ग्रां दे कोल पूजया ते ओनें अपने चेलें बिचा दो गी ए आखीयै पेजया,

² ते उनेंगी आखया, “अपने सामने दे ग्रां च जाओ ते दाखल उन्दे मौके तुसेंगी कर दे बार एक गदहे दा बच्चा बने दा लबग जिदे उपर अजें तकर कोई सवार नेई ओया। उसी खोलियै लेई आओ

³ जेकर कोई तोसें गी पूछै, ‘ऐसा कि करदे ओ?’ तोस बोलयो, यीशु साड़े प्रभु गी एस दी लोड ऐ, ते ओ तौलै गै उसी इत्थैं पेजी ओड़गन।”

⁴ उनै जाईयै ओस बच्चे गी कार दे बार गल्ली च बने दा मिल्या, ते ओ खोलन लग्गे।

⁵ उत्थें खडोते दे केछ लोकें उनेंगी पूछया, “ए के करा दे ओ, गदहे दे बच्चे गी कि खोलां दे ओ?”

⁶ ते यीशु ने जियां दसे दा हा उनै इयां गै उनेंगी बोली ओड़या; पी उनै उसी लैंन दिता।

⁷ उनै गदहे दे बच्चे गी लेयाईयै ओदे उपर कपड़े पाए; ते यीशु ओदे उपर बैठी गीया

⁸ ते मते लोकें कपड़े रस्ते च बछाए, ते बाकी आले लोकें ने खेतरें चा पत्रे आले बूट्टे दियां डालीया बछाई ओड़ीयां।

⁹ ते जेड़े ओदे अग्गें-अग्गें चलदे हे ते जेड़े पिछें-पिछें ओदे हे, ए पकारीयै बोला दे हे, “होशाना, (जय जयकार) धन्न ऐ ओ जेड़ा प्रभु दे नां च ओंदा ऐ!

¹⁰ साड़े प्यो दाऊद दा औने आला शैर धन्न ऐ! सोर्ग च होशाना!”

¹¹ ओ यरूशलेम च अपने चेलें कन्ने ओईयै मंदर च आया; ते चौनी पासें आले सब चीजां दिखियै बारें दे कन्ने बैतनिय्याह चली गीया, किके शाम ओई चुकी ही।

अंजीर दे बूटे गी श्राप देना

¹² ते दुए देन जेसलै ओ बैतनिय्याह चा निकले ते उसी पूख लगी।

¹³ ते ओ दूरे दा एक अंजीर दे बूट्टे गी दिखियै, ओ ओदे कोल गीया किके केछ मत मिली जा। लेकन उत्थें पूजियै पतरें गी छुड़ीयै ते केछ नेई थोया, किके फल लगने दा मोसम नेई हा।

¹⁴ पी ओनें बूट्टे गी आखया, “ऊन थमां बाद तेरा कोई फल कदें बी नेई खाग!” ते ओदे चेलें सुना दे हे।

मंदर बिचा वपारियें गी कढना

¹⁵ पी ओ यरूशलेम च आए, ते यीशु मंदर च जाईयै उत्थें लैंन-देन करने आले गी कढन लग्गा, ते सर्राफें दे पीढ़े ते कबूतर बेचने आले दी चोकियाँ प्रती दितयां;

¹⁶ ते ओनें कुसे गी बी मंदर बिचा ओदे ओई कोई बी चीज लेईयै औने जाने दा उक्म नेई दिता।

¹⁷ ते ओ उनेंगी शिखया देन लग्या, “के ए नेई लिखया ऐ, मेरा मंदर सारी जातीयें दे लेई प्रार्थना दा कर आखया जाग? लेकन तुसें इसी डाकुयें दी खो बनाई ओड़या।”

¹⁸ प्रधान याजकें ते शास्त्रियें जेसलै ए सुनया ते उसी मारने दा मौका टूंढन लग्गे; किके ओ ओदे कोलां डरदे हे एसकरी कि सारे लोक ओदी शिखया कन्ने रांन हे।

¹⁹ ते शाम ओदे गै, ओ शैर चा बार चली गै।

विश्वास दी शक्ति

²⁰ पी सबेरे जेसलै ओ उत्त्थुं दा जा दे हे ते उनै ओस अंजीर दे बूट्टे गी जड़ तकर सुके दा दिखया।

²¹ पतरस गी ऐ गल जाद आई, ते ओसने उसी आखया “ए गुरु, देख, ए अंजीर दा बूट्टा, जिसी तुसें श्राप दिता हा, ओ सुकी गीया।”

²² यीशु ने उसी जबाब दित्ता, “परमेसर उपर बश्वास रख।

²³ आऊँ तुगी सच-सच गलाना, जेड़ा कोई एस पाड गी बोले, पटोई जा ते समुद्र च पेई जा, ते अपने मने च शक नेई करें, लेकन जेड़ा केछ उनेंगी बोले, बश्वास करन कि ओई जाग ते ओदे लेई ओई जाग।

²⁴ एसकरी आऊँ तुसें गी आखना ऐ, के जेड़ा केछ तोस प्रार्थना च मगदे ओ बश्वास करो के जे आऊँ अखनां ऐ तुसें गी थोई जाग, तां ओस आस्ते उवै ओई जाग।

²⁵ ते जेसलै कदें तोस खडोईयै प्रार्थना करो ते जेकर थुआड़े मन च कुसे दे खलाफ गुस्सा ओऐ ते उसी माफ़ करो, जिदे कन्ने कि थुआड़े सोर्ग दे प्यो बी थुआड़े पाप माफ़ करी ओड़े।

²⁶ जेकर तोस माफ़ नेई करगे तां थुआड़ा प्यो बी जेड़ा सोर्ग च ऐ थुआड़े पाप माफ़ नेई करग।”

अख्त्यार उपर सुयाल

²⁷ ओ पी यरूशलेम च आए। ते जेलै ओ मंदर च चला दा हा, तां प्रधान याजकें ते शास्त्री ते प्राचीन ओदे कोल आईयै पूछन लगे,

²⁸ “तू ए कम केस अख्त्यार कन्ने करना ए? ते ए अख्त्यार तुगी कुने दिता ऐ?”

²⁹ ते यीशु ने उनेंगी आखया, “आऊँ बी थुआड़े थमां एक गल्ल पूछना ऐं। तोस मिगी जबाब दियो, ते आऊँ बी तुसेंगी सनागा के ऐ कम केस अख्त्यार कन्ने करना ऐं।

³⁰ यूहन्ना दा पवित्रशनांन सोर्ग थमां ऐ यां मनुक्खें थमां ऐ? मिगी जबाब दियो।”

³¹ ओसलै ओ अप्पुं बिचें सलाह करन लगे, जेकर अस बोलचै, “सोर्ग चा,” तां ओ बोलगन, “ते तुसें ओदा बश्वास गी नेई कित्ता?”

³² पी जे अस आखचै, “मनुक्खें थमां तां लोकें दा डर ए ऐ,” के सारे ए जानदे न के यूहन्ना सचमुच एक पविखवक्तें हा।

³³ यीशु गी जबाब दिंदे ओई उनै आखया, “अस नेई जांनदे।” ते यीशु ने उनेंगी आखया, “आऊँ बी तुसेंगी नेई दसना के ए कम केस अख्त्यार कन्ने करना ऐं।”