2 पतरस 3 - डोगरी नवां नियम

प्रभु दे औने दा देन

¹ हे प्रियो, हुन आऊँ थुआड़े ए दुई पत्री लिखदा हां, अते दमै च सुधि दिलाईये थुआड़े शुद्ध मन गी उभारदा हां,

² कि तुस ऊन गल्ले गी जो पवित्र पविखवक्तैं पैहले तो बोली ऐ, अते प्रभु अते उद्धारकर्ता दी ओस उक्म गी जाद करो जेकी थुआड़े प्रेरितों दे रहें दिती गेई हे।

³ पैहले ए जानी लो कि आखरी धयारे च हँसी ठट्ठा करने आले औन गे जेड़े अपनी हे अभिलाषाओं दे लेखा चालन गे

⁴ अते बोलन गे, “ओहदे औने दी हरज्ञा कुत्थें गई? कीहके जदू तां बापदादे सौ गे न, सारा केछ इयां हे ऐ जियां जगत दे शुरू च हे?”

⁵ ओह ते जान बुझीयै ए पूली गे कि परमेसर दे वचन दे रहें अम्बर प्राचीन काल तो विघमान ऐ अते तरती बी पानी बिचा बनी अते पानी च पक्का ऐ,

⁶ इस्से दे कारन ओस युग दा दुनिया पानी च डूबिये खत्म ओई गीया।

⁷ लेकन चलदे काल दे अम्बर अते तरती उसै वचन दे रहें तां करी रखे गे न कि जलाए जान; अते ए पक्तिहेन मनुक्खे दे न्याय अते खत्म होने दे धयारे तकर ऐसे हे रखे रौन गे।

⁸ हे प्रियो, ए गल्ल थुआड़े कन्ने छिपी नां रेए कि प्रभु दे इत्थैं इक धयारे हजार बरें दे बराबर ऐ, अते हजार बरें इक धयारे दे बराबर ऐ।

⁹ प्रभु अपनी हरज्ञा दे बारै च देर नेईं करदा, जिन्नी देर केछ लोक समझदे न; लेकन थुआड़े बारै च धीरज तरदा ऐ, अते नेईं चांदा कि कोई खत्म होए, लेकन ए कि सारे गी मन फिराव दा मौका मिले।

¹⁰ लेकन प्रभु दा धयारे चोर दे लेखा आई जाग, ओस धयारे अम्बर बड़ी हड़हड़ाहट दे शब्द कन्ने जानदा रौग अते तत्व बड़ा हे तत्व ओई यै पिघली जाग अते तरती अते ओहदे उप्पर दे कम जल पान गे।

¹¹ जदू कि ए सारी चीजें एस तरीके कन्ने पिघलने आली ऐ, अते तुस गी पवित्र चलना-फिरने अते पक्ति च किन्ना मनुक्ख होना चाहे दा ऐ,

¹² अते परमेसर दे ओस धयारे दी बाट किस तरीके कन्ने जोहना चाहे दा ऐ अते ओहदे जल्दी औने दे लेई कनेया यत्न करना चाहि दा ऐ, जिदे कारन अम्बर आग च पिघली जाग, अते अम्बर दे गण मते हे तत्व ओई यै गली जाग।

¹³ लेकन ओहदी हरज्ञा दे लेखा आसे इक न अम्बर अते नेई तरती दी आस दिखदे हां जिन्दे च तार्मिकता वास करग।

बिजे दे ते तयार रवो

¹⁴ तां करी, हे प्रियो, जदू कि तुस इन गल्ले दी आस दिखदे हो, अते यत्न करो कि तुस शान्ति कन्ने ओहदे समुक निष्कलंक अते बेकसुर ठअरो,

¹⁵ अते साहडे प्रभु दे धीरज गी उद्धार समझो, जियां साहडे प्यारे परा पौलुस ने बी ओस अक्ल दे लेखा जेहड़ा उसै मिलेया, तुस गी लिखेया ऐ।

¹⁶ इयां हे ऊन अपनी सारी पत्रियों च बी इन गल्ले दी चर्चा कित्ती ऐ, जिन्दे च केछ गल्ला ऐसी न जिन्दा समझना मुश्किल ऐ, अते अनपढ़ अते चंचाल लोक उन्दे शब्दों गी बी पवित्र शास्त्र दी अन्य गल्ले दी चली खिंच तानिये अपने हे नाश दा कारन बनादे न।

¹⁷ तां करी हे प्रियो, तुस लोक पैहले हे च इन गल्ले गी जानियै चकने रवो, ताकि अतर्मियों दे भ्रम च फसीयै अपनी पक्की गी कीअते अथ्थ च खोई नां देयो।

¹⁸ लेकन साहडे प्रभु अते उद्धारकर्ता यीशु मसीह दे क्रपा अते पन्शान च बढ़दे जाओ। उसै दी मैह्मा हुन बी होए, अते युग-युग होंदी रेए। आमीन।