1 तीमुथियुस 2 - डोगरी नवां नियम

सबनी आसतै प्रार्थना

¹ ऊँन आऊँ सारें थमां पैलैं ए औसला दिना ऐं, के अर्ज, ते प्रार्थना, ते खशामन्द, शुक्रगुजारी, सारें मनुक्खें लेई कित्ते जान।

² राजें ते दुए सारे उच्चे औदे आले जेड़े सरकारी दफ्तरें च न, प्रार्थना करो, तां जे ओ असेंगी शान्ति कन्ने जीनें दे लायक ते साड़ी रख्या करन, तां जे अस परमेसर दी पक्ति करी सकचै, ते मेशा अस दुए कन्ने सेई सलूक करी सकचै।

³ अर किसम दे लोकें आसतै प्रार्थना करना अच्छी गल्ल ऐ, ते ए साड़े मुक्तिदाता परमेसर गी छैल बी लगदा ऐ,

⁴ ओ चांदा ऐ, के अर एक सच्चाई दे ज्ञान च आई जा ते मुक्ति पा।

⁵ किके परमेसर एक गै, ते ओ एक ऐ बचोआला, जेड़ा परमेसर ते लोकें दा मेलमलाप करांदा ऐ, मतलब मसीह यीशु जेड़ा मनुक्ख ऐ।

⁶ मसीह ने अपनी कर्वानी, मतलब मौत थमां सारें गी पाप दी शक्ति थमां ते मौत थमां अजाद करी दिता, परमेसर ने सेई बेलै उपर अपना सबूत दिता, के ओ लोकें गी बचानें आसतै चांदा ऐ।

⁷ एस कारन, परमेसर ने मिगी शोभ समाचार दा प्रचारक ते प्रेरित चुनयां। आऊँ दुई जातीयें गी सच्चे विश्वास दे प्रचार गी सखां आऊँ चुठ नेई बोलदा, सच्च बोलनां, के आऊँ प्रचारक ते प्रेरित ते दुई जातीयें गी सच्चे विश्वास दे प्रचार दी शिखया देने लेई चुनयां।

कलीसियें बेच जनांनी ते मर्द गी चतावनी

⁸ एसकरी आऊँ चांना ऐं, के अर जगा संग्तियें च मनुक्ख परमेसर गी अपने सौम्पने आले अथ्थें गी उपर चुकियै प्रार्थना करन ते बिना गुस्सै दे ते बिना बैस दे प्रार्थना करन, जेसलै तोस राधना च किट्ठे ओदे तां आऊँ चांना के मनुक्ख पवित्र जिंदड़ी जिंदे ओई परमेसर दे अगें अपने आप गी सोंपे।

⁹ इयां गै आऊँ बी चांना, जनांनीयें अपनी जेंद गी कपड़ें कन्ने पूरी चाली खटना चाईदा, बजाए एदे, के मर्द उनेंगी गलत नजर च दिखन, जनांनीयें गी जचदे कपड़े पाना चाईदे, दौनी गी समझदारी कन्ने आदरमान आले कपड़े पाने नां के दुए दी नजर च बे आदरे; नां बालैं दी सजावट आली बक्खी लोकें दा त्यान ते सुन्ने ते मोतियें ते मैंगे कपड़ें उपर,

¹⁰ बजाए एदे ओ दुए आसतै अच्छे कम करने थमां अपने आप गी छैल बनान।

¹¹ जेसलै मर्द उनेंगी सखा दे उन्दे न, तां जनांनीयें मडदें दे पूरे अख्त्यार गी पछांदे ओई, बगैर सुयाल, जबाब दे चोप्प करियै सीखनां चाईदा।

¹² मैं जनांनीयें गी जाजत नेई दिती, के ओ मर्दे उपर अख्त्यार चलांन, जेसलै राधनां आसतै किट्ठे ओदे न, तां उनै चोप्प करियै सुनना चाईदा।

¹³ मेरे आखने दी बजा ए ऐ, के परमेसर ने आदम गी पैलैं रचया ते ओदे बाद ओसने अवा गी बनाया;

¹⁴ एबी ऐ, ओ अवा गै ही जिसी शतान ने तोखा दिता, आदम गी नेई, ते एसकरी अवा ने पैलैं पर्मेसरे दे कनून गी त्रोडया।

¹⁵ लेकन परमेसर जनांनीयें गी बच्चे जमने थमां मुक्ति देग, जिनैं चेर तकर ओ लगातार मसही उपर विश्वास, दुए कन्ने प्रेम, शोद्ध ते सेई तरीके कन्ने वर्ताओ करदीयां न।