1 तीमुथियुस 1 - डोगरी नवां नियमशोभकामनां 1 आऊँ, पौलुस ए चिट्ठी लिखे करना, मसीह यीशु दा प्रेरित ऐ, साड़े उद्धारकर्ता परमेसर ते मसीह यीशु दे उक्म कन्ने जेदे उपर अस आस रखनयां न, 2 आऊँ ए चिट्ठी तीमुथियुस गी लिखे करना, जेड़ा विश्वास च मेरा सच्चा पुत्तर ऐ; आऊँ प्रार्थना करना, के पिता परमेसर, ते साड़े प्रभु मसीह यीशु थमां तुसेंगी क्रपा, ते दया ते शान्ति मिलदी रवै। चुठी शिख्यें दे खलाफ चतावनी 3-4 आऊँ तुगी पी आखे करना, ते केछ करने लेई अर्ज कित्ती इफिसुस दे शैर चा मकिदुनिया जाने थमां पैलैं, जियां तुगी पता ऐ, ए तीमुथियुस इफिसुस शैर च केछ गलत शिखया देने आले लोक न, ओ लगातार बजुर्गें दियां लमींयां-लमींयां कानीयां ते चुट्ठियां शिखयां दिन्दे न, जेलै आऊँ मकिदुनिया लाके गी इफिसुस शैर चा गीया हा, मैं तुगी आखया हा, के इफिसुस दे शैर च रेईयै उनै लोकें गी ओस चुठी शिखया लेई मन्ना कर, ऐसी शिखया थमां लोक बैस करदे न, ते एस कोलां पता चलदा, के ओ परमेसर थमां नेई, ओ ओस सेवा गी सेर्फ परमेसर दे उपर परोसा करियै करी सकदे न। 5 मेरे उक्म देने दा कारन ए ऐ, के शोद्ध मन ते अच्छी अन्तर आत्मा, ते बिना कपट दे विश्वास कन्ने प्यार पैदा उवै। 6 सच्ची शिखया गी छुड़ीयै किन्नें लोक बेफजूल गल्लें आली गलत शिखया आली बक्खी पडकी गै न, 7 ते मूसा दे कनून दी शिखया देने आले शास्त्री बननां चांदे न, लेकन ओ ओस शिखया गी जांनदे बी नेई जिसी ओ फकर कन्ने दुए गी सखानें दी कोष्ट करदे न। 8 लेकन अस जांनयां न, के जेकर मूसा दे कनून दी जरुरत बी नेई ऐ, जेकर कोई कनून गी ठीक तरीके कन्ने कम च ला तां पली गल्ल ऐ। 9 अस जाननयां न, के मूसा दा कनून तरमी मनुक्ख आसतै नेई लेकन बेतर्मियें, उक्म नेई मननें आलें, पक्ति हिनें, पापीऐं, अपवित्रें ते अशोद्ध मनुक्खें, अपने मां-प्यो दा कत्तल करने आलें, दुए दा बी कत्तल करने आलें, 10 ब्यभिचारयें, मडदगामीयें, मनुक्ख दे बेचने आलें, चुठे बोलने आलें, ते चुठी कसम खाणे आलें, ते इनेंगी छुड़ीयै खरी शिखया दे सारे विरोधीयें दे लेई बनाई गेई ऐ। 11 इयै बड्डे तन्न परमेसर दी मैमा ओस शोभ समाचार दे मताबक ऐ, जेड़ा दुए गी सुनानें लेई मिगी सौप्या गेदा ऐ। पौलुस दी गवाई 12 आऊँ अपने प्रभु मसीह यीशु दा जेस ने मिगी एस जोग बनाया ऐ, शुक्र करना ऐं, के ओनें मिगी विश्वासजोग समझीयै अपनी सेवा दे लेई चुनयां। 13 आऊँ तां विश्वासी बननें थमां पैलैं निंदया करने आला, ते मसीही वश्वासीयें गी सताने आला, ते उन्दे उपर जोलम करदा हा; विश्वास च औने थमां पैलैं मिगी समझ नेई ही, के आऊँ के करै करा नां ऐं, पी बी परमेसर ने मेरे उपर दया कित्ती, किके मैं बिना विश्वास दी आलत च बगैर समझ बूझ दे ए कम कित्ते हे। 14 ते साड़े प्रभु ने लगातार मेरे उपर बड़ी गै क्रपा कित्ती ते ओसने मिगी विश्वास दित्ता ते मेरे कन्ने प्यार कित्ता किके आऊँ मसीह यीशु कन्ने जुड़या गेदा हा। 15 ए गल्ल सच्च ते पूरी चाली कन्ने मनने ते विश्वास करने दे लायक ऐ, के मसीह यीशु असैं पापीऐं गी बचाने आसतै दुनिया च आया, जेदे च सारें छा बड़ा पापी आऊँ आं। 16 लेकन मेरे उपर मसीह यीशु ने दया कित्ती, ओ दसना चांदा हा, के ओसने केस चाली सबर करियै मिगी माफ़ कित्ता, आऊँ जेस ने सारें थमां जादै पाप कित्ता, ओ एक मसाल उनै लोकें आसतै बना जिन्नें विश्वास करना ते मेशा दी जिंदड़ी पानी ऐं उन्दे लेई एक नमुनां बना। 17 ऊन मेशा दा राज करने आला राजा, मतलब मेशा आसतै रौने आला, अनदिखा एक गै परमेसर दा आदर ते मैमा जोग-जोग ओंदी रवै। आमीन। तीमुथियुस दी जिमेंबारी 18 ए पुत्तर तीमुथियुस, ए दायतां जेड़ीयां आऊँ दया नां ऐं; उनै पविख्ब्क्तें दियें पविख्वानीयां जेड़ीयां तेरे आसतै नबीयें कित्तियां हां उनेंगी चेता कर, उनै गल्लें गी तुं थ्यार आला लेखा चुठी शिख्यें दे खलाफ लड़ने लेई कम च ला, 19 केछ लोकें प्रभु गी साफ़ मन कोलां मननां छुड़ी दिते दा ऐ, ते ओदा नतीजा ए ऐ, के उनै जादै चेर तकर मसही उपर विश्वास नेई करना, एस तरीके उन्दा विश्वास रूपी चाज डूबी गीया। 20 उन्देचा हुमिनयुस ते सिकन्दर ऐ, जिन्नें गी मैं शतान दी शक्ति दे अथ्थ सौंपी दिता ऐ, तां जे ओ परमेसर दी निंदया करना नेई सीखन। |
This work is licensed under Creative Commons Attribution-ShareAlike 4.0 License.