1 पतरस 4 - डोगरी नवां नियम

बदली ओदा जीवन

¹ तां करी जदू कि मसीह ने जीद च ओईयै दुःख पाया अते तुस बी उस्से मनसा गी थयार दे लेखा धारण करो, कीहके जिन्ने जीद च दुःख थौअलया ओह पाप तो छडोई गीया,

² ताकि औने आले च अपना शेष शारीरिक जीवन मनुक्खे दी अभिलाषाओं दे लेखा नेईं लेकन परमेसर दी मरजी दे लेखा व्यतीत कर।

³ कीहके अन्य जातीयें दी मरजी दे लेखा कम करने, अते लुचपन दी बुरी अभिलाषाओं, मतवालापन, लिलाक्रिड़ा, पियक्कड़पन, अते मूरतपूजा च जिथें तकर आसे पैहले पक्त गवाया, ओहे बड़ा ओया।

⁴ एदे कन्ने ओह रान करदे न कि तुस ऐसे पारी लुचपन च उन्दा साथ नेईं दिंदे, अते तां करी ओह बुरा पला बोलदे हे;

⁵ लेकन ओह उसै जेड़ा जीवतों अते मरे होए दा न्याय करने गी तयार ऐ, लेखा देन गे।

⁶ कीहके मरे होए गी बी शोभ समाचार इस्से लेई सुनाया गीया कि जीद च अते मनुक्खे दे लेखा उन्दा न्याय होए, लेकन आत्मा च ओह परमेसर दे लेखा जिन्दा रेए।

परमेसर दी मैमा लेई सेवा

⁷ सारी गल्ले दा अन्त जल्दी होने आला ऐ; तां करी समझदार ओई यै प्रार्थना दे लेई तयार रवो।

⁸ सारे कन्ने बदियै, इक दुए कन्ने मिलिऐ प्यार रखो, कीहके प्यार अनेक पापे गी ढाँप दिता ऐ।

⁹ बिना कुड़कुड़ाए इक दुए दा अतिथि-सत्कार करो।

¹⁰ जिसी जेहड़ा वरदान मिले दा ऐ, ओह उसै परमेसर दे बक्ख-बक्ख चली दे क्रपा दे पले भण्डारियों दे लेखा इक दुए दी सेवा च लगान।

¹¹ जेकर कोई बोले, अते ऐसा बोलेयो मनो परमेसर दा वचन ऐ; जेकर कोई सेवा कर, अते ओस सामर्थ कन्ने करेयो जो परमेसर दिंदा ऐ; जिदे कन्ने सारी गल्ले च यीशु मसीह दे रहें, परमेसर दी मैह्मा परकट होए। मैह्मा अते साम्राज्य युग-युग उसै दा ऐ। आमीन।

परमेसर दी मैमा लेई दोख चलनां

¹² हे प्रियो, जेड़ा दुःख रूपी अग्नि थुआड़े परखने दे लेई थुआड़े च पड़की ऐ, एदे कन्ने ए समझीयै रान नां हो कि कोई अनोखी गल्ल थुआड़े उप्पर बिता दी ऐ।

¹³ लेकन जियां-जियां मसीह दे दुखे च शामल ओंदे होन, खुशी मनाओ, जिदे कन्ने ओहदी मैह्मा दे परकट ओंदे पक्त बी तुस खुश अते मगन होवो।

¹⁴ पी जेकर मसीह दे नां दे लेई तुन्दी निंदा कित्ती जान्दी ऐ अते तुस धन्न हो, कीहके मैमा दा आत्मा, जेहड़ा परमेसर ऐ, थुआड़े उप्पर छाया करदा ऐ।

¹⁵ थुआड़े बिचा कोई मनुक्ख हत्यारा या चोर या गन्दे कम होने, या पराए कम च अथ्थ पाने दे कारन दुःख नां पाए।

¹⁶ लेकन जेकर मसीहे होने दे कारन दुःख पान, अते टीठ न होवो, लेकन एस गल्ल दे लेई परमेसर दी मैह्मा करो।

¹⁷ कीहके ओह पक्त आ पुजेया ऐ कि पैहले परमेसर दे लोकें दा न्याय कित्ता जाए; अते जदू कि न्याय दी शुरुआत साहडे बिचा होग अते उन्दा के अन्त होग जेड़ा परमेसर दे शोभ समाचार गी नेईं मनदे?

¹⁸ अते “जेकर तरमी मनुक्ख हे मुशिकल कन्ने उद्धार पाग, अते पक्तिहेन अते पापी दा के ठिकाना?”

¹⁹ तां करी जेहड़ा परमेसर दी मरजी कन्ने दुःख उठान्दे न, ओह पलाई करदे होए अपने-अपने प्राण गी वश्वासयोग सजनहार दे अथ्थ च सौंपी देन।