Salamo 13 - Buki Tabu Lowaenei 1919

SALAMO 13.

¹ Ieoba ie, Tuta eisa ‘u da nuapupuregu ataia? Tuta eisa maninio ‘u da e‘etokwaiina ‘eguiega?

² Tuta eisa iaruiaruagu ‘ena ia da nuanua, Asiata maibo‘ana ma‘igu dedoi ‘ateguia? Tuta eisa ‘agu tarauwarao si da mia tu‘e ‘eguia?

³ Ieoba ie ‘igu Eaubada, ‘u da nuanua be ‘eguia ‘u da ona limana; Matagu ‘u da giema‘edanedi, ‘abona nai mwawasa ia ‘enoei;

⁴ ‘Abona nai ‘agu tarauwara ‘i gwae, Ia ewaiwai ‘enaia; ‘Abona nai ‘agu tarauwarao si guausoara ‘ena ia loniu.

⁵ Ta ‘imu ‘atenua‘ole‘ole ‘ena ia ‘emisa; ‘Ategu ‘i da guausoara ‘imu ‘etoseana ‘enaia;

⁶ Ia da wari Ieoba ‘enaia, ‘I bubuna ‘ai‘aila sinabwana ‘eguia ta ‘enega.