Kuɛ̈n 8 - JAM DE NHIALIC 2011

Tëde Tɛ̈ɛ̈u de Manyalath.

¹ Go Bɛ̈nydït lɛ̈k Mothe an,

² lɛ̈kë Aron an të ciëp yïn manyalath piny, ke yï wel mɛc nyïïn tueŋ kedhie kadhorou ke ke bï tueŋ meer.

³ Go Aron Bɛ̈nydït piŋ thok, ku ciëp manyalath thar piny ke wel nyin tueŋ cït man cï ë Bɛ̈nydït Mothe yɔ̈ɔ̈k.

⁴ Ku manyalath acï rɔɔth kɔ̈u në adhääp, gɔl piny leer nhial tëde akënkï, cït man ë kë cïï Bɛ̈nydït ye nyuöth Mothe.

Wɛ̈k ku Gɛm de Lebai.

⁵ Go Bɛ̈nydït lɛ̈k Mothe an,

⁶ Pucë Lebai bei në Yithriɛlic, ku wak keek.

⁷ Ku wɛ̈k bï yïn ke waak kï: Yor kegup në pïïu ke ɣɛɛr, ku tɔ ke mut kegup ëbɛ̈n në rëët, ku ë ke wak lupɔɔken ku wakkï kegup.

⁸ Ku tɔ ke nöm miɔɔr atiëëk, ku nömkï aɣar lɔ mot cï liääp ke miök ke ye miɔ̈c ë rap. Ku nömkï miɔɔr dhuŋ däŋ ke ye miɔ̈c de kërac.

⁹ Ku tɔ Lebai kääc në paany de mät thok tueŋ, ku tɔ akutnɔm de kɔc ke Yithriɛl guëër kedhie.

¹⁰ Kɔc ke Yithriɛl abïk kecin thany në Lebai nïïm,

¹¹ Ku Aron ë gëm Ɛn Lebai ke ye miɔ̈c de anyuɔɔk de kɔc ke Yithriɛl. Ke ke bï luɔidï looi.

¹² Ku ëtɛ̈ɛ̈n, Lebai abïk kecin jɔ tääu në miöör nïïm kaarou, ku miɔɔr tök ë gɛmë ke ye miɔ̈c de kërac, ku miɔɔr däŋë ë gɛmë ke ye miɔ̈c ye nyop ëbɛ̈n, bïï ë Lebai teem gup.

¹³ Tɔ Lebai kääc në Aron nɔm tueŋ ke ke wɛ̈ɛ̈tke, ku jɔ keek bɛ̈n gäm Ɛn ke ye miɔ̈c de anyuɔɔk.

¹⁴ Yen luɔi bï yïn Lebai pɔ̈c bɛ̈i ka, në kɔc ke Yithriɛl yiic, ku tɔ keek ee kɔckï.

¹⁵ Ku të cï yïn Lebai jɔ waak, ku cï keek gam ke ke ye miɔ̈c de anyuɔɔk, abïk jɔ röŋ në luɔi de paany de mät.

¹⁶ Acä keek nööm në nyin de wɛ̈ɛ̈t kɛ̈i ke Yithriɛl ëbɛ̈n, ka acïk aa kakï.

¹⁷ Të ɣɔn näk Ɛn kɛ̈i ke Rip kedhie, yen acän kɛ̈i ke Yithriɛl bɛ̈n lɔ̈c rɔt, ta keek ee kakï agut cï kɛ̈i ke läiken.

¹⁸ Ku yɛn cï Lebai bɛ lɔc ënɔɔnë, në nyin de kɛ̈i ke Yithriɛl ëbɛ̈n.

¹⁹ Ku Lebai acä keek gäm Aron kekë wɛ̈ɛ̈tke ke ke ye miɔ̈c ë bɔ̈ tëde kɔc ke Yithriɛl, në biäk bï kek kɔc ke Yithriɛl aa luööi në paany de mätic, ku bïk kɔc ke Yithriɛl aa teem gup, ke cïn jɔɔk bï kɔc ke Yithriɛl dɔm, të de yen të cïï kɔc ke Yithriɛl ɣëët tëɣeric.

²⁰ Ago Mothe kekë Aron, ku akutnɔm de kɔc ke Yithriɛl kedhie Lebai gäm Bɛ̈nydït cït man cïï Bɛ̈nydït ye lɛ̈k Mothe.

²¹ Go Lebai kegup bɛ̈n waak në baŋ de kërac, ku wakkï lupɔɔken, go Aron ke gäm Bɛ̈nydït ke ye miɔ̈c de anyuɔɔk. Ku teem Aron kegup.

²² Na wën, acï këriëëc ëbɛ̈n thök në luɔi, këriëëc cïï Bɛ̈nydït lɛ̈k Mothe në biäk de Lebai, ke Lebai ë ke jɔ luɔiden gɔl në paany de mätic, kë nu Aron kekë wɛ̈ɛ̈tke në kenïïm

²³ Go Bɛ̈nydït lɛ̈k Mothe an,

²⁴ Të cïï Lebai run aa thiërrou ku dhïc, abï luɔide gɔl në paany de mätic,

²⁵ ku na cï run aa thiërdhïc abï luɔi dhil pɔ̈l. Ku na cï run aa thiërdhïc, ke päl luɔi de paany.

²⁶ Ku ëtɛ̈ɛ̈n, ee kony tei yen aduëër en Lebai lui aa kuɔny në luɔi de paany de mät, ku cïï luɔi be looi yen yiɛnhde. Yen kueer bï yïn luɔi de Lebai kiëët ka.