Kɛ̈ŋ 27 - JAM DE NHIALIC 2011

¹ Du yïnɔm ee lɛc në miäk, në biäk kuc yïn kë bï tuöl.

² Tɔ rɔt lec pei ayï alei, ke cie yïn.

³ Ɣɔ̈ɔ̈c de kathiek cït liɛɛt ku kur aŋuän në akɔ̈ŋ de raan piɔl piɔ̈u.

⁴ Agɔ̈th ee riɔ̈ɔ̈c bɛ̈ɛ̈i, ku jɔ tiɛɛl rac arëët.

⁵ Jäny yen aŋuän në nhiëër lɔ lik.

⁶ Tëtök ye mäth de raan nyääŋ ë yepiɔ̈u apiɛth në raan ee ye nyuöth lec ɣer.

⁷ Të kueth ë raan acakaa kiëc aye rɛɛc, ku na näk cɔk raan ayï kë kec ee miɛt.

⁸ Raan cï wunden nyääŋ piny, acït din cï ɣönde nyääŋ piny.

⁹ Jiëëm piɛth bɔ̈ në mäth piɔ̈u thïn, ee ciët aŋiëër de wɛ̈ɛ̈l ŋïr ku miök piɛth.

¹⁰ Du nɔm mär në määthku ku nɔn ye kek määth ke wuur, tëde yen riäŋ cï yï yök, ke mäth thiɔ̈k aŋuän në wänmuuth mec.

¹¹ Mɛnhdï ye nɔm pɛl, ke ya bï piɔ̈u miɛt ku yɛn bï löŋ de raan ëbɛ̈n bɛ̈ɛ̈r, raan bï yɛn yal thok.

¹² Raan ee nɔm tiëër ee agööth tïŋ ku thiɛɛn rɔt, ku tïŋ ë raan ee pëk thïn ku dhoŋ thïn ku be gum.

¹³ Na de raan cï rɔt dɔ̈m cuöt ë käny lei, yen abïï këthiinde nööm bïï wun käny tïït.

¹⁴ Raan ee kɔc riaal piny ë thiëc ë röldït, thiëcde aye puk ke ye aciɛɛn.

¹⁵ Tiiŋ ee gɔ̈th acït deŋ akonyoot.

¹⁶ Bä jɔ tɔ mim adï? Acït muŋ de yom ku miök ë raan cin.

¹⁷ Mäth ayek kepiɔ̈ɔ̈th thɔɔn cït man ye tɔɔŋ ke wëëth kethook cuɔth.

¹⁸ Raan ee bɛ̈nyde ŋiëc luööi aa riöpde yök, ku raan ee dom de ŋaap puuric abï mïthke cam.

¹⁹ Cït man ye yïn yïnyin tïŋ në pïïu yiic, yen aye täŋdu kanu në yïpiɔ̈u nyuɔɔth.

²⁰ Riääk kekë paan ë thuɔɔu acïkï ee kuɛth, yen acït täu de raan.

²¹ Thëm de adhääp kekë ateek në mac, yen acït luɔi duëërë kɔc them në lɛcdɛn ye ke leec.

²² Të ciɛkë raan piɔl piɔ̈u kɔ̈ɔ̈m ë käm ë rap, ke pial ë piɔ̈nde acie jäl.

²³ Yïn duëër amɛ̈l ku bɔɔth ku ɣɔ̈kku tiit apiɛth,

²⁴ në biäk cïï kuɛth ee tɔ̈u anande. Ayï Juöör acïkï ee ceŋ aɣet athɛɛr.

²⁵ Ye keek tɔ de nïïm wɛl juëc, ku ɣaacë kɔ̈k,

²⁶ Yïn duëër lupɔɔ looi në nhïm ke amɛ̈lku ku ɣɔc dom, në ɣɛɛc ee yïn bɔɔthkuön kɔ̈k ɣaac.

²⁷ Biäk de bɔɔthku abïk yïn yiɛ̈n ca wekë baaidu, ku diäär ku röör ee yïn luööi.