Jona 4 - JAM DE NHIALIC 2011

Kokdepiɔ̈u ë Nhialic ku Agönh ë Jona

¹ Kokdepiɔ̈u de Bɛ̈nydït ë Jona bɛ̈n wuööc piɔ̈u aläl ku göth.

² Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

³ Ka Yïn Bɛ̈nydït, jɔt wëikï, aŋuɛ̈ɛ̈n luɔi thuɔu ɛn, ku mäl në pïïr.

⁴ Go Nhialic Jona thiëëc an, “Ee yiny ou tɔ yïn tɔ göth?”

⁵ Go Jona jäl lee ë wut këc biic biäk lɔ të lɔ aköl amiäk, lee ku gut kät piny ku nyuuc thïn në atïmde yic ke daai, atit kë bï rɔt looi wutic ë Ninebe.

⁶ Ago Bɛ̈nydït Nhialic kuɔɔt tɔ cil në kätde kɔ̈u, ku jɔ guɔ cuaar ke lɔ në kät nɔm, ku ŋuɛk en në atiëp ke bï piɔ̈u miɛt. Na wën aacï guöp jɔ liɛɛr, go piɔ̈u jɔ guɔ miɛt aläl.

⁷ Na ɣɔn amiäk, ke Bɛ̈nydït ë tɔ kɔ̈m cam mei ke kuɔɔt, ago jɔ guɔ biɔɔr ku thou.

⁸ Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

⁹ Go Bɛ̈nydït lueel an, “Dɛ ë nɔm yic duëër yïn tɔ göth në këde kuɔɔt? Ago Jona lueel an, “Ɣɛɛ, yɛn de yic duɛ̈ɛ̈r ɛn gɔ̈th abä thou.

¹⁰ Go Bɛ̈nydït Nhialic lueel an, “Tïŋ, yïn ë guɔ diɛɛr ë kon cie yïn ë loi yen, ku cie yïn ë com en aya. Aa lok në wɛ̈ɛ̈r tökic ku thou në wɛ̈ɛ̈r däŋë yic.

¹¹ Ku na Yɛn, cä duɛ̈ɛ̈r diɛɛr në këde Ninebe adï, gök de pänydïïtë! Ku ade yic kuën wär bot ku kathiërrou de agum 120,000 ke kɔc cït mïth thiiakäŋ kuc ka loi röt, ku lɔ ɣɔ̈k kɔ̈k mac thïn ayadäŋ.