Ɣodh 5 - JAM DE NHIALIC 2011

¹ “Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

² Ku takï röt ee ɣal mec thar në päny de Akacia. Wek bä luöi këtuc wedhie.

³ Yɛn ŋic Eparaim apiɛth, ku Yithriɛl acïï muɔɔny tëde Ya. Ku ënɔɔnë, Eparaim yïn ë köör. Ku Yithriɛl yïn ë rɔt riɔ̈ɔ̈k.

Ɣodhiya Ajäny Läm de Yiëth

⁴ Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

⁵ Lɛc ye Yithriɛl rɔ leec, ee ye nyuɔɔth ëgɔk. Kɔc ke Yithriɛl, ayï kɔc ke Eparaim acïï awɛ̈ɛ̈cken ke tɔ tuëk. Aɣɔ̈l cï kɔc ke Juda atuëkkï në keek ëtök.

⁶ Ayek thökken lɛɛr, ku leerkï ɣɔ̈kkɛn lek keek näk Bɛ̈nydït, ku acïkï Bɛ̈nydït ee yök. Bɛ̈nydït ë rɔt miɛɛt wei në kelɔ̈m.

⁷ Acïk Bɛ̈nydït luööi të cïn gäm. Ku mïthken acïkï ee mïth ke Nhialic. Ku abïï Nhialic keek riɔ̈ɔ̈k ayï duumken në biäk de dhuëëŋdɛn de wil ë pɛɛi ye kek yiëth guöt.

Tɔŋ de Juda kekë Yithriɛl

⁸ Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

⁹ Wek lɛ̈k yic, wek dhiëën ke Yithriɛl. Akööl bïï ke we luöi këtuc abïkï. Ku Eparaim abï riääk ë yic!

¹⁰ Aye Bɛ̈nydït lueel an, “Bäny ke Juda acïtkï kɔc akɛɛth cïïc, ku nömkï piny biäk. Abä keek mool në agönhdï, ka abïk nuan.

¹¹ Yithriɛl ayɔŋ, acï dumic në baŋ kuɛny en ɣääriic cök.

¹² Kɔc ke Yithriɛl abä keek riɔ̈ɔ̈k cït man ye col käŋ riɔ̈ɔ̈k, ku riääk kɔc ke Juda cït man ye ruöi käŋ pɛ̈t.

¹³ “Na wën, aacï Yithriɛl rɔt yök acï tɔŋ thueet cït raan de jɔk, ku yök ë Juda rɔt acï thueet cït kë de guöp tëtöök, acïk bɛ̈n lɔ tëde meliŋdïït de Athiriya, le ke kony. Ku akën ë melik keek bɛ̈n lɔ kuɔny ku cïï keek tɔ ŋuɛ̈ɛ̈n, ku cïï tëtöökken tɔ dem.

¹⁴ Në biäk bän rɔt dɛ̈ny kɔc ke Yithriɛl cït köör, ku dɛ̈ny rɔt kɔc ke Juda cït man ë ŋun ë köör. Abä keek rɛtiic Yɛn guöpdï, ku nyääŋ keek piny. Abä keek kuaath, ku acïn raandɛn bï keek luäk bei në yaciin.

¹⁵ “Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.