Diɛt 67 - JAM DE NHIALIC 2011Din de Alɛɛc 1 Nhialic tɔ Yïpiɔ̈u kok we wook, ku thieei wook, ye wook woi në nyin de kokdepiɔ̈u, 2 ago pinynɔm ëbɛ̈n këde piɔ̈ndu ŋic, ku ŋic juöör ëbɛ̈n konyduön ë wëi. 3 Tɔ kɔc lec yïn Nhialic, tɔ kɔc kedhie lec Yïn! 4 Tɔ juöör ëbɛ̈n mit piɔ̈ɔ̈th, ku kïtkï në miɛtëpiɔ̈u, në luöi Yïn löŋ de kɔc guiir në yic, ku tit jur ëbɛ̈n ë pinynɔm 5 Tɔ kɔc lec yïn Nhialic, tɔ kɔc kedhie lec Yïn! 6 Piny ë kakɛn cï luɔk bɛ̈ɛ̈i, Nhialic, Nhialicda ë wo thieei. 7 Nhialic acï wo thieei, tɔ kɔc ke piny thar ëbɛ̈n luui yen. |
The Bible in Jieeng de Padang © The Bible Society in South Sudan, 2011.
Bible Society in South Sudan