Diɛt 146 - JAM DE NHIALIC 2011

Piɔ̈ny de Nhialic Konyda

¹ Lɛckï Bɛ̈nydït! Wëikï, pianykï Bɛ̈nydït!

² Abä ya leec në pïïrdï yic ëbɛ̈n, yɛn bï Nhialinydï kɛ̈t diɛt ë pïïrdï yic ëbɛ̈n.

³ Duökï bäny ke pinynɔm ee ŋɔ̈ɔ̈th, acïn mɛnh ë raan duëër yï kony ë pinynɔm.

⁴ Të thou kek ayek röt pɔ̈k në abuui yic, në ee kööl manë yen aye kë cïk kiëët ëbɛ̈n thök.

⁵ Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

⁶ Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

⁷ ee yic luöi kɔc yɔŋ, ku miɔc kɔc nɛ̈k ë cɔk në këcam. Bɛ̈nydït ee kɔc mac gäm nɔm lääu,

⁸ ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

⁹ Ee alɛi rɛ̈ɛ̈r pinyda gël, ku kony diëër abɛɛr ku mïth abɛɛr ku ee kɔc rac riɔ̈ɔ̈k.

¹⁰ Bɛ̈nydït ee melik aɣet athɛɛr. Nhialinydu yïn Dhiɔn abï bääny muk aköölnyïïn kedhie. Lɛckï Bɛ̈nydït!