Diɛt 124 - JAM DE NHIALIC 2011

Nhialic Raan ee Kɔcke Gël

¹ Na cie Bɛ̈nydït Yen ë tɔ̈u në biäkda? Bɛ̈ɛ̈rkï kɔc ke Yithriɛl!

² “Na cie Bɛ̈nydït Yen ë tɔ̈u në biäkda wään bïï kɔc ke aterda wook mak,

³ adï cïk wook liek apïr, në agönhdɛn dïït göth kek ë wook,

⁴ ku adï cï amool wook lak wei, ku adï cï pïïu wo kuöm piny,

⁵ apiöŋ dïït de pïïu adï cï wo mou.”

⁶ Lecku Bɛ̈nydït, Raan kën wook tɔ riëëk ë kɔc ke aterda.

⁷ Wok cï poth cït amɔ̈r ë poth ë wïn ë yiëëpic, wïn ë dɛ̈p ë kɔ̈u dhuɔɔŋ, ku wo cï ban!

⁸ Kuɔɔnyda ee bɛ̈n tëde Bɛ̈nydït, raan ë loi paannhial kekë piny.