Zaburi 114 - Digo Bible

Maajabu ga Mwenyezi Mlungu wakati ariphola Misiri

¹ Wakati Aiziraeli ariphotuluka Misiri, atu a chivyazi cha Jakobo ariphotuluka kula yo tsi ya luga njeni,

² Juda yakala makalo matakatifu ga Mlungu na Iziraeli ichikala utawalawe.

³ Bahari yalola nayo ichichimbira muho Joridani nao uchiricha kujera!

⁴ Myango yatina-tina dza maturume, na vidzango vichitina-tina dza ana ngʼondzi.

⁵ Haya we bahari, yakaladze hata uchichimbira? Nawe muho Joridani mbona waricha kujera?

⁶ Mwi myango, mbona mwatina-tina dza maturume? Namwi vidzango mwatinadze dza vidzana turume?

⁷ Kakama mbere za Mwenyezi Mlungu, uwe dunia, kakama mbere za Mlungu wa Jakobo,

⁸ anayeguta mwamba ukakala mtsara wa madzi na mwamba ukakala pula za madzi.