ꞌThianaattõ 5 - ꞌBuuk cĩ Thõõth cĩ Nyekuci

Hattũũg cĩ Aadamĩ

¹ Hattũũg cĩ õlõ cĩ Aadamĩ cieeni. Baa ẽhẽnyta Nyekuci eet hĩ ngaaĩ haauto hĩ nẽẽnĩ.

² Baa aggatan nẽẽ ĩhõõggõ nẽ akateek ꞌthaar ꞌcĩg kaĩ eeta.

³ Ma baa õdõlanit irkiꞌnyia cĩg Aadamĩ ĩĩtõ ꞌmiia hõdẽĩ hĩ hẽẽn iyyio (130), ikia ittira loholeec umwa ꞌcĩ aaĩ hĩ nẽẽ dẽẽdẽ nẽ akateek ĩnõõnnõ ꞌthaar ꞌcĩg haĩ Thẽth.

⁴ Ikia aꞌnyak Aadamĩ lõhõlĩ ũgĩ tarĩ,

⁵ nẽ adaak baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn iyyio (930).

⁶ Ma baa õdõlanit Thẽth irkiꞌnyia cĩgĩnnĩg ĩĩtõ ꞌmiia hõdẽĩ hĩ ꞌtur (105), ikia ittira nẽẽ loholeec ꞌcĩ maacĩ ꞌcĩ haĩ Ẽnõth.

⁷ Ma baa ittirria Ẽnõthĩ, ikia aau ꞌThẽẽthĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ tũrkĩramma (807) nẽ aꞌnyak lõhõlĩ ũgĩ tarĩ.

⁸ Nĩngĩtĩ adaaknĩ nẽẽ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ õmmõtõ hĩ ꞌramma (912).

⁹ Ma baa õdõlanit Ẽnõthĩ irkiꞌnyia cĩgĩnnĩg ĩĩtõ hẽẽn tũrkũwwec (90), ikia ittira loholeec ꞌcĩ maacĩ ꞌcĩ haĩ Kẽnaan.

¹⁰ Ma baa ittirria Kẽnaanĩ, ikia aau Ẽnõthĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ õmmõtõ hĩ ꞌtur (815) nẽ aꞌnyak lõhõlĩ ũgĩ tarĩ.

¹¹ Nĩngĩtĩ adaaknĩ Ẽnõthĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ ꞌtur (905).

¹² Ma baa õdõlanit Kẽnaan irkiꞌnyia ĩĩtõ hẽẽn tũrkĩramma (70), ikia ittira loholeec ꞌcĩ maacĩ ꞌcĩ haĩ Mahalalẽl.

¹³ Ma baa ittirria Mahalalẽlĩ, ikia aau Kẽnaanĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio hĩ hẽẽn ꞌwec (840) nẽ aꞌnyak lõhõlĩ ũgĩ tarĩ.

¹⁴ Nĩngĩtĩ adaaknĩ Kẽnaanĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ õmmõtõ (910).

¹⁵ Ma baa õdõlanit irkiꞌnyia cĩg Mahalalẽlĩ ĩĩtõ hẽẽn tõrkõnõn hĩ ꞌtur (65), ikia ittira loholeec ꞌcĩ maacĩ ꞌcĩ haĩ ꞌJaarẽd.

¹⁶ Ma baa ittirria ꞌJaarẽdĩ, ikia aau Mahalalẽlĩ ĩꞌthõng hõdõlanit irkiꞌnyia cĩgĩnnĩg hĩĩtõ ꞌmiiaꞌnya turkiyyio hĩ hẽẽn iyyio (830) nẽ aꞌnyak lõhõlĩ ũgĩ tarĩ.

¹⁷ Nĩngĩtĩ adaaknĩ Mahalalẽlĩ baa ĩĩtõ irkiꞌnyia ꞌmiiaꞌnya turkiyyio hĩ hẽẽn tũrkũwwec hĩ ꞌtur (895).

¹⁸ Ma baa õdõlanit ꞌJaarẽdĩ irkiꞌnyia ĩĩtõ ꞌmiia hõdẽĩ hĩ hẽẽn tõrkõnõn hĩ ꞌramma (162), ikia ittira nẽẽ loholeec ꞌcĩ maacĩ ꞌcĩ haĩ Ẽẽnõk.

¹⁹ Ma baa ittirria Ẽẽnõhĩ, ikia aau ꞌJaarẽdĩ ĩꞌthõng hõdõlanit irkiꞌnyia hĩĩtõ ꞌmiiaꞌnya turkiyyio (800) nẽ aꞌnyak lõhõlĩ ũgĩ tarĩ.

²⁰ Nĩngĩtĩ adaaknĩ ꞌJaarẽdĩ baa ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn tõrkõnõn hĩ ꞌramma (962).

²¹ Ma baa õdõlanit irkiꞌnyia cĩg Ẽẽnõhĩ ĩĩtõ hẽẽn tõrkõnõn hĩ ꞌtur (65), ikia ittira nẽẽ loholeec ꞌcĩ maacĩ ꞌcĩ haĩ Methuthẽla.

²² Ma baa ittirria Methuthẽla, iita ookorriõõ Ẽẽnõhĩ hĩ Nyekuc irkiꞌnyia ꞌmiiaꞌnya iyyio (300) nẽ aꞌnyak lõhõlĩ ũgĩ tarĩ.

²³ Baa ĩĩn irkiꞌnyia cĩg Ẽẽnõhĩ vẽlẽk ꞌmiiaꞌnya iyyio hĩ hẽẽn tõrkõnõn hĩ ꞌtur (365).

²⁴ Baa aga Ẽẽnõhĩ ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk, nĩngĩtĩ õkõõĩ Nyekuci ĩnõõnnõ, hĩnĩngĩtĩ baa ammĩnan Nyekuci ĩnõõnnõ gẽrrẽẽt.

²⁵ Ma baa õdõlanit irkiꞌnyia cĩg Methuthẽla ĩĩtõ ꞌmiia hõdẽĩ hĩ hẽẽn turkiyyio hĩ tũrkĩramma (187), ikia ittira loholeec ꞌcĩ maacĩ ꞌcĩ haĩ Lamẽk.

²⁶ Ma baa ittirria Lamẽhĩ, ikia aau Methuthẽla ĩꞌthõng hõdõlanit irkiꞌnyia cĩgĩnnĩg hĩĩtõ ꞌmiiaꞌnya tũrkĩramma hĩ hẽẽn turkiyyio hĩ ꞌramma (782) nẽ aꞌnyak lõhõlĩ ũgĩ tarĩ.

²⁷ Nĩngĩtĩ adaaknĩ Methuthẽla baa iita ĩĩtõ irkiꞌnyia cĩgĩnnĩg ꞌmiiaꞌnya tũrkũwwec hĩ hẽẽn tõrkõnõn hĩ tũrkũwwec (969).

²⁸ Ma baa õdõlanit Lamẽk irkiꞌnyia ĩĩtõ ꞌmiia hõdẽĩ hĩ hẽẽn turkiyyio hĩ ꞌramma (182), ikia ittira loholeec ꞌcĩ maacĩ.

²⁹ Nĩngĩtĩ akannẽẽkĩ ĩnõõnnõ ꞌthaar ꞌcĩg haĩ Nõõa. Nẽ õthõõth Lamẽhĩ ĩĩ, “Aku hatĩ aꞌnyahaakeet loholeec ciee ꞌyiomman pĩĩrnattaa cĩ dtiic cĩnaac ko vẽlẽk looccaa ĩbaa accĩĩn Makayyioohiti ho.”

³⁰ Ma baa ittirria Nõõa, ikia aau Lamẽhĩ ĩꞌthõng hõdõlanit irkiꞌnyia hĩĩtõ ꞌmiiaꞌnya ꞌtur hĩ hẽẽn tũrkũwwec hĩ ꞌtur (595) nẽ aꞌnyak lõhõlĩ ũgĩ tarĩ.

³¹ Nĩngĩtĩ adaaknĩ baa iita ĩĩtõ irkiꞌnyia cĩgĩnnĩg ꞌmiiaꞌnya tũrkĩramma hĩ hẽẽn tũrkĩramma hĩ tũrkĩramma (777).

³² Ma baa õdõlanit Nõõa irkiꞌnyia ĩĩtõ ꞌmiiaꞌnya ꞌtur (500), ikia ittira nẽẽ lõhõlĩ iyyio ꞌcĩg maacĩg. Haĩ ꞌcĩ oou ꞌThẽm, haĩ ꞌcĩ anũẽẽkĩ Haam nẽ hĩĩtõ ꞌcĩ ĩĩn nyangorori ꞌJavẽth.