Zabuli 98 - KITAWO MALEŊ

Were dhumo piny

¹ Wer ri Rwoth wer manyen, kole otimo gir'aura! Cinge maracuc gi cinge maleŋ, omiyo go loyo.

² Rwoth otito loyo pere, aka onyutho meni pere ma both ri nonin.

³ Go opoyo mar pere makiwire, g'adieri pere ri Joisiraili, ji je kisi kamoro jotieko neno loyo pa Were mawan.

⁴ Wer gi kisangala ri Rwoth piny gibe, pak win go gi wer gi koko ma kisangala!

⁵ Wer pak ri Rwoth! Tuki wer gi tongol!

⁶ Kudhi gwara gi milowe, aka koki gi kisangala ri Rwoth, Kere mawan.

⁷ Weyi nam gi cwec mere je jowohola, piny gi gima kwo i iye je jowower.

⁸ Weyi malawin jowogoy adhoŋ, aka gote jowower kanyacel ri kisangala,

⁹ kwoŋbedo Rwoth bino dhumo piny. Go bino dhumo nonin ma piny, gi tiro g'adieri.