Zabuli 53 - KITAWO MALEŊ

Kidakana pa ji

¹ Jamiŋo waco i cunye ni, “Were ongoye.” Jombaka aka jotimo gimienirok, ongoye ŋata timo gimaber.

² Were ŋiyo piny wok i polo, kwoŋ wot cwo, neno ka nitie moro ma joriek, ma jorango Were.

³ Joje jotieko podho woko, joje jorac parom; ongoye kwoŋ jo ŋata timo gimaber, be, ongoye kad'acel.

⁴ Joma jotimo raco jongoye gi niaŋ, jocamo ji paran paŋini jocamo mugat, aka jokikway Were.

⁵ Jonitie i teko madwoŋ, ma fodi k'obino wok cene. Were lakedho cokin pa ji ma bu Were, wickwot lamako jo, kole Were ojwango jo.

⁶ Aka bedi gonyirok pa Isiraili wok i Zayon! Ka Were dwoko silwany pa ji pere, Yakobo lasiemere aka Isiraili lakisangala.