Zabuli 142 - KITAWO MALEŊ Catholic

Kwayo ma kony

¹ Aywak ri Rwoth, atiŋo dwondan ywakirok ri Rwoth.

² Akonjo woko kigeŋisa paran rigo, awaco rigo teko paran.

³ Ka cunyan podho, iŋat'iŋeyo royo paran! I royo m'awoth'iye jociko mitego ran.

⁴ Awire yuracuc t'aneno, to ongoye ŋata paro kwoŋan, angoye gi kapondo, ongoye dhano ma paro kwoŋan.

⁵ Aywak rin, Awi Rwoth, awaco ni iŋat'ibedo kapondo paran, adec paran i piny pa ji makwo.

⁶ Winji ywak paran, kole olacan piny swa! Bothan kwoŋ ji ma jomiyan litho, kole jotek swa loyan!

⁷ Wodhan i twec, ŋey anyal miyo foyo ri nyingin! Ji mabeyo jolathokan, kole ilateran gi bero.