Zabuli 13 - KITAWO MALEŊ Catholic

Kwayo ri kony

¹ Awi Rwoth, wiyin owil kodan kicutho kiri keraŋo? Inopan ran waŋin kiri keraŋo?

² Anociri litho iy'adundo paran kiri keraŋo? Cunyan orembi kiri keraŋo wor g'odieceŋ? Jokwor paran jokengila an kiri keraŋo?

³ Par kwoŋan aka idwokan, Awi Rwoth Were paran! Dwoki meni paran, ikir'iweyan atho.

⁴ Ikir'iwey jokwor paran jowowaci ni, “Wakengila go.” Ikir'iwey jowosangala kwoŋbedo apodho.

⁵ To atieko ketho geno paran i mar perin makiwire, cunyan lafore i both perin.

⁶ Abino wero ri Rwoth, kwoŋbedo itieko nyuthan bero.