Zabuli 113 - KITAWO MALEŊ Catholic

Pako bero pa Rwoth

¹ Pak Rwoth! Win ŋecin pa Rwoth pak win go, pak win nyingi Rwoth!

² Weyi wopak nyingi Rwoth, pama kodi cil gi cil.

³ Wok yuwok ceŋ tundo yupodho ceŋ, nyingi Rwoth iripo wopak!

⁴ Rwoth dhumo nonin je, aka dwoŋ pere kalo polo!

⁵ Ŋa ma cale Rwoth Were mawan, m'abedo malo i polo,

⁶ ma ŋiyo piny wok bor, aka neno polo gi piny?

⁷ Go tiŋo malo jocandi wok i fukefuke, aka tiŋo malo joma bu gimoro wok i kidhur buru,

⁸ miyo jo bedo gi wot kerin kanyacel, dhumo ji pere.

⁹ Go miyo dhako ma kinywol peco, miyo go kisangala gi miyo go nyithindho. Pak Rwoth!