Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Ywakirok 4 - KITAWO MALEŊ Catholic


Yerusalem rumacen ma podho mere

1 Neni paka zahabu olokere ma nimnim, nger ma zahabu macil owire, telin ma leŋo jokedhere, i kisi gike ma royo.

2 Nyithindho ma welo ma Zayon, oyido jorom gi peko ma zahabu macil, onyo itero jo paka degi ma lowo, tic ma cingi jacwec degi.

3 Kiri ondiek jomiyo nyithindhi jo dhoth, aka jopidho nyithindhi jo, to ji paran jolokere mager, paka maya ma thim.

4 Lew nyathi ma dhoth moko, i dande ro riyo, nyithindho jokwayo cemo, to ongoye ŋat'omiy jo gimoro.

5 Jono m'oyido jocamo gima mit, jojwangere i royin, jono ma jodongo i kwo mayom, onyo jodimere i bur buru.

6 Kole reco pa ji paran dwoŋ, loyo reco pa Sodom, m'orey woko i yoto, m'ongoye cingi dhano m'ogeyo.

7 Jodhum mere oyido jocil loyo pe, oyido jotar loyo cak; kwoŋ jo oyido cwe swa, mafoth loyo telin ma welo.

8 Onyo pama jocol swa, ma jokiŋeyere i royo, pien kwoŋ jo ojony to moko kwoŋ cokin pajo, othwo paka yen m'othwo.

9 Ji m'oneki jo g'abor, jober loyo joma kec oneko jo, ma kwo pajo orere woko, ro ngoye pa cemo m'omiy jo kwo.

10 Cingi mon m'opoŋ wor, otieko tedo nyithindho pajo wegi, jolokere cemo pajo, i rerok pa ji paran.

11 Rwoth ocowo keme pere, aka okonjo nge pere malieth, to cwinyo mac i Zayon, m'oreyo woko misingi mere.

12 Kerin ma piny jok'oyeyo, kanyacel gi ji ma piny, nike jakwor oyido odonji, i waŋkace ma Yerusalem.

13 Obedo ro reco pa jotuci wac Were pere, kodi jocway ri Were i wi migam pere, ma ooy remo pa joma timo gim'otire, i dier go.

14 Jolera nya waŋtho i royin, ma jokocere gi remo, ma ongoye ŋat'onyalo, mako law pajo.

15 Kadhi win, wikoci, ji jokoko rijo, kadhi win, wikiri wigeyi wan. Ameno jolera wok piny man kadho i man aka jolera, aka owaci i kisi piny ni, jokilabedo ka.

16 Rwoth won ama okedho jo, go kiladewo kwoŋ jo kendo, k'onyuthi jocway ri Were i wi migam wor, kanyacel gi jodongo.

17 Waŋ wan ool gi ŋiyo, kareno warango kony m'ongoye, oyido wakuro kony, wok bongi nono ma kinyal botho.

18 Jorango tiendi wan, ŋey wakinyalo wotho i royin, gike mawan ocore cegin, ndelo mawan oyido kwanere, kole gike mawan oyido otundo.

19 Joma joriemo wan oyido jodwir, loyo ango ma ay malo i polo, joriemo wan wi gote, aka jokuro wan i thim.

20 Ŋat'owir pa Rwoth, luya ma kwo mawan, oter woko i buce, ŋat'oyido wawaco ni, i tipo pere, walakwo i dier nonin.

21 Siemere, aka sangala, Awi ji ma Edom, win ma wibedo i lowo ma Uz, to teko mewin bende bino, win bende wilamero to wilunyere kinyoro.

22 Zayon otieko limo gir'acula pere aka orumo, Rwoth kilakano win i twec kendo, to Rwoth lamiyo Edom gir'acula ri reco pere, go lathango reco perin.

Dhopadhola DC Bible © Bible Society of Uganda, 2018.

Bible Society of Uganda
ကြှနျုပျတို့နောကျလိုကျပါ:



ကြော်ငြာတွေ