Zaburi 99 - MUMA MALER 2015

Adiera ma Nyasasye ritogo Israel

¹ Ruoth Nyasaye e ruoth, kendo mano miyo ogendini kirni! Obet e kom duong’ne ewi kerubi, kendo piny yiengni!

² Ruoth Nyasaye duong’ e Sayun. En gi loch kuom ogendini duto.

³ Ng’ato ka ng’ato nopak nyinge maduong’ kendo malich. Mano kaka oler manade!

⁴ En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

⁵ Pakuru Ruoth Nyasaye ma Nyasachwa, kendo lameuru e nyim kom duong’ne. Mano kaka oler manade!

⁶ Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

⁷ Ne owuoyo kodgi gi e siro mar bor polo. Bang’e ne girito chike kod buche mane omiyogi.

⁸ A Ruoth Nyasaye ma Nyasachwa, ne iwinjo ywak jogi, mi inyisogi ni in e Nyasaye ma ng’wono ni ji, kata obedo ni ne ikumogi kuom richogi kamano.

⁹ Pakuru Ruoth Nyasaye ma Nyasachwa, kendo lameuru e gode maler, nimar Ruoth Nyasaye ma Nyasachwa en Nyasaye maler.