2 Sámìɔ̀ 8 - Aaɓi Kwì

Dèɓé kɔ̀zìè grù plǝǝ̀zǝ̀ gɥ́

¹ Lɛ̀ yi yà e ɓlɵ́ zieɛ Dèɓé è grù yà Félésã́ã̀mɛ̀nù ɓà zɥ́, yé à kɔ̀ è zìè wo là, é Mɛ́sɛ́gámà pɵ̀ kũ Félésã́ã̀mɛ̀nù gɔ̀.

² Zɥ́ɛ Dèɓé kɔ̀ è zìè Móàmɛ̀nù la pɵ́, é wo kǝ̀ wó wɔ̀sɛa, é wo dã xlɥ́á. Yà mɛ ɓɥ̀ǝ̀ pèètɛ dã́ɛ̃ é wo zǝ, yà mɛ ɓɥ̀ǝ̀ do dã́ɛ̃ é wo gɔ̀ la. É Móàmɛ̀nù wó toɛ wó kǝ̀ Dèɓéa yuɔkǝmɛ̀nù ká wa nii ɓò à lǝ̀.

³ Bààzɥ́ɛ Dèɓé kɔ̀ è zìè Hédáízǝ̀, Wréhɔ̀ gbɵ, é kǝ̀ kíŋ ká Zóbà lɛ̀ɓàɛ̀ là, lɛ̀ Hédáízǝ̀ è kǝ̀ lólɛ̀à nyɛ̀ɛ̀ sɛ́ lɛ̀ é bɔ Yúfrétì Yì gɔ̀ lúúzɛ̃̀ãɛ̃ kpa yaa sɛ́ ɓàɛ̀ ká.

⁴ Dèɓé yè waa sòtààmɛ̀ vù do kǝ̃̀ǝ̃ lɔ́ɔ́yià (1,700) kũ̀ gã́ã́ ê kpà sɛakòzǝmɛ̀ vù gɔ́ɔ̀ pèètɛ (20,000) ɓà. É sò plǝǝ̀zǝ̀ sɥ yaa kálìà kǝ̃̀ǝ̃ do mɔ́ɔ̀wɔ̃̀ɓà, sò àyé wó toɛ é wo tɔ́sìè sáálɵ.

⁵ Lɛ̀ Sírìàmɛ̀nù wó go Dàmásákà pɵɵɛ wó nu wɔ̃̀ɔ̃̀ gbũ Hédáízǝ̀ é Zóbà kíŋ káɛ ɓàɛ̀, Dèɓé è Sírìà gɔ̃ɔ̃̀nù vù gɔ́ɔ̀ pèètɛ ga pèètɛ (22,000) zǝ̀ wo píé.

⁶ Lɛ̀ yà kɔɔ́ɛ Dèɓé è yaa krúázǝ̀ yàlɛ̀ dɔ Dàmásákà pɵɵ. É Sírìàmɛ̀nù wó to àɓà mɛnù ká waà nii ɓò à lǝ̀. Yàwɛ ɓɛ è kɔ̀ziesɥ̀ nù Dèɓé lǝ̀ lɛ̀ sáálɵ é loà kópíéɛ ɓà.

⁷ Lɛ̀kɔ̀ɔɛ Dèɓé è lɛnù wô kǝ̀ góò ká, é Kíŋ Hédáízǝ̀ a yuɔkǝmɛ̀ wó loáɛ sɥ é nuá e pĩlàà Zɛ̀rúsálɛ̀n.

⁸ Kíŋ Dèɓé è gò zǝ̃ ká vàká Hédáízǝ̀ a pɵ vàvànù wó Bétà wãã̀ Bɛ̀rótàì pɵ̀ vàvà káɛ gɥ́ é nuá.

⁹ Lɛ̀ Tɔ́ì é kǝ̀ kíŋ ká Hámà pɵɵɛ ê ma nɛ̀ɛ̀ Dèɓé kɔ̀ yà zie Hédáízǝ̀ a krúázǝ̀ kpɔ̀n ɓɛ làɛ̀,

¹⁰ éye gbɵ Zóràn bɔ Kíŋ Dèɓé píé, nyàà ɓoyie, ĩ́ĩ́ kǝ nyàà zuopɵ, ɓií yà kózǝ Hédáízǝ̀ é wãã̀ Tɔ́ì wà kózǝ wo kóá plǝǝ̀zǝ̀ɛ̀ píé, à kɔ̀ yàzie à là. Zóràn è nù gbàapǝ̀nù wô kǝ̀ séɓlà, góò, wãã̀ zǝ̃nù káɛ ká Dèɓé lǝ̀.

¹¹ Pǝnù wó nɛ̀ pɵ́ɛ Kíŋ Dèɓé è wo dɔ̀ Yàwɛ kwɛ, ê kpà séɓlà wãã̀ góò é wo sɥ sɛ́ gbɛɛ̀ gbɛnù é à kɔ̀zìè wolàɛ̀ gɥ́ é wo dɔ Yàwɛ kwɛɛ ɓà.

¹² È gò pǝnù wó pɵ́ɛ ká Ídɔ̀n sɛ̀, Móà sɛ̀, Ámɔ̀nmɛ̀nù, Félésã́ã̀mɛ̀nù, Ámálɛ̀mɛ̀nù, wãã̀ Wréhɔ̀ gbɵ Hédáízǝ̀, é kíŋ ká Zóbàɛ̀ píé.

¹³ Dèɓé tɔ́ è ɓɔ̀ dèèdè lɛ̀ é go Ídɔ̀nmɛ̀ vù gɔ́ɔ̀ do ga srɛ́áka (18,000) zǝ lɛ̀à Wè Goopíéɛ ká.

¹⁴ Lɛ̀kɔ̀ɔɛ é krúázǝ̀ yàlɛ̀nù dɔ Ídɔ̀n sɛ̀ gɥ́, à lɛ̀ sáálɵɛ ɓà, é Ídɔ̀nmɛ̀ sáálɵɛ wó to Dèɓéa mɛnù ká. Yàwɛ è kɔ̀ziesɥ̀ nù Dèɓé lǝ̀ lɛ̀ sáálɵ é loà kópíéɛ ɓà.

¹⁵ Dèɓé è ɓɔ̀ukǝ̀ Ézrɛ̀ sɛ̀ sáálɵɛ là, ê yeá nɛ̀ɛ̀ zakpen dɔsɥ̀ wãã̀ zòkǝ̀ àɓà mɛnù píé sǝ̀sɥ̀ è kǝ̀ lɵ̀.

¹⁶ Zóà ê le è kǝ̀ Zɛ̀rúà káɛ, é kǝ̀ krúázǝ̀ gɔ̀lààmɛ̀ ká, é Zɛ̀hɔ́sáfà Àhílɔ̀ gbɵ yè kǝ̀ wɔ̃́ yà sɛ̃̀ĩɓà mɛ̀ ká.

¹⁷ Zádɔ̀ Àhítù gbɵ wãã̀ Àhímɛ́lɛ̀ Ábìátà gbɵ wó kǝ̀ sraɓomɛ̀nù ká, é Sɛ̀ráyà è kǝ̀ kwibɛ̃ɛ̃̀mɛ̀ ká.

¹⁸ Zèhóádà gbɵ Bɛ̀náyà é kǝ̀ Kɛ́rɛ̀mɛ̀nù wãã̀ Pɛ́lɛ̀mɛ̀nù gɔ̀làà, é Dèɓé gbɵnù wó kǝ̀ sraɓomɛ̀nù ká.