Mazimuriyaa 125 - Geeshsha Mas'aafaa

S'oossay Bare Asaw Waase

Pudetsaa kesiidde yes's'eedda yetsaa

¹ Med'inaa Godaan ammanettiyaawanttu k'aas's'anaw danddayenna, med'inaw de'iyaa S'iyoone deriyaa mala.

² Deretuu Yerusaalame katamaa yuushshuwaan de'iyaawaadan, hachcheppe med'inaa gakkanaw, Med'inaa Goday bare asaa yuushshuwaan de'ee.

³ S'illotuu barenttu kushshiyaa iitatetsaw dentsenna mala, iitatuwaa ayissuwaa s'am"ay, s'illotoo imetteedda biittaa bollan gam"enna.

⁴ Abeet Med'inaa Godaw, keeka asatoonne, wozanaa suure asatoo keekkabaa ootsa.

⁵ Barenttu geella ogiyaa simmiyaawantta, Med'inaa Goday iitaa ootsiyaawanttuna ittippe mura. Israa'eeliyaw saruu gido!